Икона Божией Матери «Иерусалимская»
12 / 25 октября
Молитва
Пресвятая Госпоже, Владычице Богородице, упование всех уповающих на Тя, Заступнице печальных, прибежище отчаянных, вдов и сирот Питательнице! Услыши и помилуй ны, грешныя и недостойныя рабы Своя, со умилением ко пречистому Твоему образу припадающия: умоли, Милосердая Владычице, Сына Твоего и Господа нашего Иисуса Христа, да отвратит от нас праведный гнев Свой, да простит грехи и беззакония наша, яко да сподобимся благостию Его скончати житие наше в покаянии и получити милость Его со всеми избранными Его, яко благословена и препрославлена еси во веки веков. Аминь.
Тропарь, глас 3
Твоего предстательства уверение/ и милосердия Твоего явление/ икона Иерусалимская нам, Владычице, показася/ пред нею же души наша в молитве изливаем/ и верою Тебе вопием:/ воззри, Милосердая, на люди Твоя,/ вся скорби наша и печали утоли,/ утешение благое в сердца наша низпосли/ и спасение вечное душам нашим, Пречистая, испроси.
Кондак, глас 5
Не отрини, о, Милосердая Мати,/ слез и воздыханий наших,/ но прошения наша милостивно приимши,/ пред Иерусалимскою иконою Твоею/ молящихся людей веру укрепи,/ умилением сердца их исполни,/ и крест земнаго жития нести им помози,/ елика бо хощеши можеши.
Монастыри, в которых почитается этот праздник
1887 год
Московская область, г. Видное, поселок Санатория "Горки Ленинские", вл. 2
1861 год
Дмитровский район,
Дмитровский р-н, с. Деденево, ул. Школьная, д. 10
1856 год
РФ, Республика Крым, г.Алушта, Крымский природный заповедник
1792 год
с. Шубино, Домодедовский район, МО, Домодедовский район, с. Шубино, ул. Дружбы, д. 37А
