Икона Божией Матери «Черниговская - Гефсиманская»

1 / 14 Сентября
Икона Божией Матери «Черниговская - Гефсиманская», привезенная со Святой земли и подаренная подворью одной благочестивой прихожанкой.

Тропарь, глас 5

Пречистая Владычице Богородице, упование всех христиан,/ понеже инаго упования не имамы разве Тебе,/ Всенепорочная Владычице моя, Госпоже Богородице,/ Мати Христа Бога моего./ Темже помилуй и избави мя от всех зол моих/ и умоли Милостиваго Сына Своего и Бога моего,/ да помилует окаянную душу мою,/ и да избавит мя от вечныя муки, и сподобит мя Царствия Своего.
    

Молитва

О, Пресвятая Дево, Мати Христа Бога нашего, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию покланяющихся пречистому образу Твоему: се бо, грехми погружаеми и скорбми обуреваеми, взирающе на Твой образ, яко живущей Ти с нами, приносим смиренная моления наша, не имамы бо иныя помощи, ни инаго предстательства и утешения, токмо Тебе, о, Мати всех скорбящих и обремененных. Помози нам, немощным, утоли скорбь нашу, настави на путь правый нас, заблуждших, уврачуй болезненная сердца наша и спаси безнадежныя. Даруй нам прочее время живота нашего в мире и покаянии проводити, подаждь христианскую кончину и на Страшнем Суде Сына Твоего явися нам милосердая Предстательница, да всегда поем, величаем и славим Тя, яко Благую Заступницу рода христианскаго, со всеми угодившими Богу. Аминь.