Икона Божией Матери «Умиление» Серафимо-Дивеевская

10 августа

Тропарь, гл.4

К Богородице со умилением припадем,/ вси, грехми обремененнии,/ чудотворную Ея икону Умиления облобызающе/ и вопиюще со слезами:/ Владычице, приими моление недостойных раб Твоих/ и подаждь нам, просящим,/ велию Твою милость.

Кондак, гл.3

Юже подражая неплодную смоковницу, аз, окаянныи?, умиления плода отнюд не приношу и посечения страшуся, но, взирая к чудотворнеи? иконе Твоеи? Умиления, Владычице, стеню от сердца и вопию: умилися, Благосердая, и мне, окамененному сердцем, благоволи подати душевное и сердечное умиление.

Молитва Божией Матери Умиление

О Пресвятая Дево Богородице, Христа Царя и Бога нашего Мати, умиления сокровище и милости источниче, душеспасительных даров подательнице и скорбящих душ благодатная утешительнице! К Тебе с любовию припадаем и пред святою иконою Твоею молимся: умоли, Владычице, возлюбленнаго Сына Твоего Христа Бога нашего помиловати и спасти нас, погибающих во гресех, вдохни в души наша покаяние искреннее и умиление богоугодное. Слезами очистительными омый нас от скверны греховныя и яви чисты и непорочны рабы Христовы. Вся благопотребная житию временному и вечному спасению нашему милостивно, Госпоже, нам даруй. Мир умири, безмятежие и изобилие плодов земных нам низпосли и на кончине живота нашего не лиши нас Матерняго Твоего заступления и помощи, да предстательством Твоим безбедно прейдем мытарства воздушная и сподобимся унаследовати Царство Небесное. Ей, Царице всеблагая, всех радостей Радосте и всего мира христианскаго утешение, помози нам ныне и тогда, егда наипаче помощи Твоея святыя востребуем, и спаси нас Матерними Твоими молитвами ко Христу Богу, Емуже со Отцем и Святым Духом подобает всякая слава, честь и поклонение ныне и присно и во веки веков. Аминь.

Особо почитаемая икона Богоматери «Умиление», которая была написана в начале ХХ века матушкой Ангелиной, настоятельницей соседнего Успенского монастыря, которая любила посещать Дивеево и для своего монастыря подвизалась создать этот Лик. Вместе с сестрами монастыря сшила для нее бархатную ризу, расшитую бисером и камнями. В годы безверия икону долго прятали, закопав в землю. Каждое воскресенье перед этим чудотворным образом совершается Параклисис Божией Матери «Умиление».

Материалы по теме

Монастырский журнал «Дивеевская обитель»
Монастырский журнал «Дивеевская обитель»
Все материалы