Местночтимая икона Божией Матери «Тихвинская».

26 Июня / 9 Июля
Старинная икона, находившаяся в храме до его закрытия в 1930-х годах ХХ века. Местные жительницы выкрали из закрытого храма эту икону, бережно хранили её в своём доме, молились перед ней и просили Матерь Божию о защите от голода и воров. И действительно, пища хоть и была скудной, но голодать им не пришлось, дома соседей были обворованы и не раз, а в их дом ни разу воры не залезали. Жители посёлка связывали это с заступничеством Богородицы. Также перед Тихвинской иконой молятся о больных детях. Образ Божией Матери вернули во вновь открытый храм в 1988 году. В обители ежедневно читается перед ней акафист.

Тропарь, глас 4

Днесь, яко солнце пресветлое,/ возсия нам на воздусе всечестная икона Твоя, Владычице,/ лучами милости мир просвещающи,/ юже великая Россия,/ яко некий дар Божественный свыше благоговейне восприемши,/ прославляет Тя, Богомати, всех Владычицу,/ и от Тебе рождшагося Христа Бога нашего величает радостно./ Емуже молися, о Госпоже Царице Богородице,/ да сохранит вся грады и страны христианския/ невредимы от всех навет вражиих/ и спасет верою покланяющихся Его Божественному/ и Твоему пречистому образу,// Дево Неискусобрачная.

Кондак, глас 8

Притецем, людие, к Девей Богородице Царице,/ благодаряще Христа Бога,/ и, к Тоя чудотворней иконе, умильно взирающи, припадем и возопием Ей:/ о Владычице Марие,/ присетивше страну сию Твоего честнаго образа явлением чудесно,/ спасай в мире и благовременстве отечество наше и вся христианы,/ наследники показующи Небесныя жизни,/ Тебе бо верно зовем:// радуйся, Дево, мира спасение.

Молитва Божией Матери пред иконой Ее Тихвинской

Благодарим Тя, о Преблагая и Пречистая, Преблагословенная Дево, Владычице, Мати Христа Бога нашего, о всех благодеяниих Твоих, яже показала еси роду человеческому, наипаче же нам, христоименитым людем российским, о нихже ниже самый ангельский язык к похвалению доволен будет. Благодарим Тя, якоже и ныне удивила еси неизреченную Твою милость на нас, недостойных рабех Твоих, преестественным самопришествием Пречистыя Твоея иконы, ею же всю просветила еси Российскую страну. Темже и мы, грешнии, со страхом и радостию покланяющеся, вопием Ти: о Пресвятая Дево, Царице и Богородице, спаси и помилуй люди Твоя, и подаждь им победы на вся враги их, и сохрани царствующия грады, и вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и поклоняющимся Пресвятому образу Твоему, яко благословенна еси с рождшимся от Тебе Сыном и Богом, ныне и присно и во веки веков. Аминь.