Мученик Василий Мангазейский
Святой праведный мученик Василий Мангазейский чудотворец – первый святой, прославленный на Сибирской земле. Блаженный Василий родился около 1583 года в Ярославле, в семье благочестивого, но небогатого горожанина, именем Феодора. В юном возрасте он был взят неким богатым ярославским купцом на место управляющего продажей своих товаров в заполярную Мангазею – один из первых русских городов Сибири. В то время (конец XVI в.) в связи с использованием арктического мореплавания Мангазея переживала расцвет как центр торговли и колонизации на Русском Севере (впоследствии город запустел и в конце XVII в. прекратил свое существование).
Святой Василий исправно исполнял свои обязанности управляющего, и честность его была очевидна всем. От природы кроткий и смиренный, с детских лет исполненный страха Божьего, он пользовался добрым расположением окружающих. Сердце его было исполнено веры в Бога, а любовь к молитве заставляла оставлять житейские заботы и ходить во святую церковь. Поэтому все свободное от работы время святой Василий проводил в храме за богослужением, часто и подолгу молился дома.
Едва исполнилось благочестивому юноше девятнадцать лет, как Всевышний, «призирая на его добродетели, захотел воззвать его к вечному блаженству, коему достичь из сей временной жизни нельзя иначе, как узким и прискорбным путем внешнего испытания». Как свидетельствует церковное предание, однажды, когда блаженный Василий молился в храме на Пасхальной заутрене, хозяин обнаружил, что воры разграбили его лавку. Несмотря на зовы хозяина, святой Василий оставался в храме до конца богослужения. Недоверчивый и сребролюбивый хозяин заподозрил и обвинил святого Василия в соучастии в преступлении и подверг его ругательствам и побоям. Невинный юноша не утратил своей кротости и на все смиренно отвечал мучителю: «Истинно ничто же от имения твоего взях». Тогда хозяин отвел святого Василия к городскому воеводе, перед которым очернил его как преступника. Воевода подверг святого Василия новым пыткам, но он снес их терпеливо и безмолвно. Раздраженный молчанием святого Василия, купец пришел и ярость и по наущению лукавого ударил мученика связкой амбарных ключей. От этого удара святой Василий скончался († 4 апреля 1602 года).
Тело безвинного мученика было положено в гроб и без должного христианского погребения предано земле, «где надлежит от воды мокрость». Но Всемогущий Господь по прошествии 47 лет благоволил явить его из недр земли и прославить многими чудесами.
Как повествует житие святого Василия, в 1649 году мангазейский стрелец Степан Ширяев заметил, что на погорелом месте близ храма в земле обнаружилась верхняя часть неизвестного гроба (погорелое место образовалось после большого пожара 1642 г.). На гроб этот «для мирского ходу» была положена судовая доска, но ее, к изумлению очевидцев, переломило гробом, вышедшем из земли. Тогда над гробом поставили часовню. Вскоре после этого некоторые больные, с верою притекавшие к помощи неведомого угодника Божия, получили исцеление. Отдельные случаи исцелений были засвидетельствованы письменно. Так, например, 25 января 1652 года мангазейский стрелец Тимофей Сечеников пришел к местному воеводе Корсакову и рассказал ему, что видел во сне угодника Божия, который открылся ему как новоявленный чудотворец Мангазейский, тот, над гробом которого ставят новую часовню. Тимофей, давший обет пожертвовать на часовню, если у него исцелится больная рука, был тотчас исцелен.
Дошедшие до нас списки жития святого Василия Мангазейского (XVII–XIX вв.) сообщают об обильных чудотворениях, совершенных по молитвам к нему: святой Василий помогал заблудившимся путникам и охотникам, исцелял расслабления, слепоту и другие недуги, сохранял малодушных от самоубийства. В феврале 1653 года через видение мангазейскому охотнику Григорию Каратаеву открылось имя новоявленного чудотворца. В том же году воевода Корсаков послал архиепископу Тобольскому Симеону (1651–1664) списки чудес святого Василия. Архиепископ Симеон препроводил эти списки в Москву князю А.П. Трубецкому, ведавшему Сибирским приказом. Списки были переданы царю, но сопроводительное письмо архиепископа сдано в архив, и дело о канонизации святого Василия не получило хода.
В августе 1659 года по благословению архиепископа Симеона в Мангазею приехал диакон Богоявленского храма в Тобольске Иван Семенов. В присутствии мангазейского воеводы С.В. Ларионова и двух местных священников Димитрия и Луки было произведено вскрытие гробницы и освидетельствование мощей святого Василия.
В 1670 году строитель Троицкого Туруханского монастыря иеромонах Тихон после бывшего ему видения совершил с крестным ходом перенесение мощей святого Василия из Мангазеи в свою обитель. Мангазею через два года после этого покинули последние жители, а Туруханске почитание святого Василия еще более усилилось.
Летом 1719 года в Туруханск прибыл митрополит Сибирский и Тобольский Филофей (Лещинский; 1702–1711; вторично 1715–1721). По его распоряжению мощи святого Василия были перенесены из старого и тесного храма во имя Пресвятой Троицы в новый просторный храм в честь Благовещения Пресвятой Богородицы. В западной стороне храма, против раки с мощами святого Василия, был поставлен его образ, написанный послушником Тобольского митрополита Павла (1678–1692) иконописцем Лукой, спасенным святым Василием от потопления в 1679 г. Митрополит Филофей произвел освидетельствование мощей святого Василия и написал в похвалу его канон. За годы правления митрополита Филофея было составлено несколько списков жития святого Василия и три службы ему.
При следующем митрополите Сибирском и Тобольском Антонии (Стаховском; 1721–1740) мощи святого Василия были сокрыты под спудом, в земле, в пределах монастырской ограды, над этим местом устроили часовню. В 1788 году гроб святого вновь показался из земли наружу. Игумен Троицкого монастыря Михаил перенес его во вновь построенный каменный храм в честь Благовещения Пресвятой Богородицы и устроил особое надгробие. Все это время местное почитание святого Василия практически не прекращалось: верующий народ по-прежнему прибегал к его молитвенному предстательству и по вере своей получал облегчение в болезнях и исцеления. Почитание святого Василия Мангазейского немало способствовало обращению из язычества в Православие различных местных народностей Севера: тунгусы, эвенки и юраки молились святому как покровителю охотников-промысловиков.
В конце 1802 – начале 1803 гг. Туруханский край охватила эпидемия. Жители Туруханска усмотрели причину бедствия в том, что иконы святого Василия вынесены из Троицкого монастыря, мощи его находятся под спудом, а службы в его честь прекращены. Архиепископ Тобольский Амвросий (1806–1822) предписал игумену Туруханского Троицкого монастыря внести в соборный храм образ святого Василия и не чинить препятствий к его почитанию.
В 1907 году по благословению Святейшего Синода было отпечатано цветное литографическое изображение святого Василия Мангазейского. На иконах святого Василия изображают «лицом млада, мала возрастом, образом священнолепна, очи имуща светли, взирающе прелюбезне, власы же главы его русы». На некоторых иконах изображается Троицкий Туруханский монастырь, а над ним на горе молящийся святой Василий в одной рубашке и без обуви. Иногда на иконах изображались и страдания его при купце и воеводе. Известны изображения святого Василия Мангазейского во Владимирском соборе города Киева, в Новгороде, в Москве.
Среди жителей Туруханска сохранилось предание, что некогда святой Василий явился во сне одному благочестивому эвенку и повелел ему взять из монастырского храма святые мощи и сокрыть их в тайге, что и было исполнено.
Память святому Василию Мангазейскому совершалась первоначально 6/19 июля, в день явления из земных недр его мощей, 10/23 мая совершалось торжество перенесения мощей святого из Мангазеи в Туруханск, 22 марта/4 апреля является днем особого празднования памяти святого Василия Мангазейского, тезоименитого прославляемому в этот день Церковью священномученику Василию Анкирскому († IV в.).
Молитвы
Тропарь праведному Василию Мангазейскому глас 8
Богатство видев чистыя души твоей, Василие,/ украсти тщашеся праведных враг,/ подусти господина твоего,/ иже покраденнаго ради богатства своего предав тя судии,/ и от того неповинне многия претерпел еси муки,/ непобедим пребыв до смерти./ Тем, яко приемый венец страдания от всех Владыки,/ моли всем от напастей свободным быти,/ чтущим любовию святую память твою.
Ин тропарь праведному Василию Мангазейскому глас 8
Яко пресветлое солнце,/ возсиял еси чудесы своими в Сибирстей стране,/ в Мангазейских пределех,/ новый мучениче, неповинный страдальче, святе Василие!/ За чистоту душевную и телесную пострадал еси от лютаго врага/ распадением и немилосердием господина своего/ и от начальствующаго бо ту градскаго неправеднаго судии,/ и муки неповинно претерпел еси,/ и кровь свою святую пролиял еси,/ желая вечнаго Царствия Небеснаго./ Сего ради Христос Бог венча тя мученическими венцы на Небеси/, и на земли прослави,/ и Своим Божиим промыслом повеле земли самой от недр своих/ гроб, и тело твое, и срачицу, обагренную кровию твоею, израсти нетленно./ И ныне притекающим к тебе с верою и везде призывающим святое имя твое/ полезная вся, и грехов оставление, и телесем здравие подавай,/ чтущим верою святую память твою,/ и моли Христа Бога спастися душам нашим.
Ин тропарь праведному Василию Мангазейскому глас 8
От града Ярославля Божиим смотрением/ в страну Сибирскую пришедшаго/ и за целомудрие от господина своего/ в Мангазеи пострадавшаго,/ блаженнаго Василия почтим,/ егоже Христос Бог мученическим венцем венча на Небеси,/ нетлением и чудесы прослави на земли./ Ты же, честный страдальче,/ предстательством своим страну нашу в мире сохрани/ и молися о спасении душ наших.
Кондак праведному Василию Мангазейскому глас 4
Страдание совершив, святе,/ погребения же честнаго не сподобився,/ в тинное место ввержен/ и попираемь был еси от мимоходящих,/ но Бог прослави мощи твоя чудесным явлением, Василие,/ прославляяйся во святых Своих,/ даяй страдальцем венец нетленный.
Ин кондак праведному Василию Мангазейскому глас 4
Просветися Божественною благодатию, Боголюбче,/ целомудрием и терпением течение свое мученически скончал еси,/ темже и по смерти яви тя светлость жития твоего,/ источаеши бо чудесы,/ с верою приходящим к честному гробу твоему и вопиющим:/ радуйся, святый Василие,/ Мангазейский и всея Сибири чудотворче.
Ин кондак праведному Василию Мангазейскому глас 4
Иже новый в мученицех неповинный страдальче,/ святе Василие, преревновал еси Иосифу Прекрасному и Моисею Угрину во искушениих,/ за чистоту душевную и телесную/ муки неповинно претерпел если./ Сих ради прослави тя Бог,/ и святыя твоя мощи, по явлению твоему,/ от Мангазеи к Енисею во обитель Святыя Троицы/ ту сущим настоятелем принесошася/ и подают исцеления с верою приходящим/ и везде призывающим святое имя твое./ Страстотерпче святый,/ моли Христа Бога/ о православном народе нашем/ и о всех воех наших,/ победу и одоление нам на всех/ непросвещенных иноязычных людех даровати, споборствуя/, и от междоусобныя брани спастися всем моли.
Ин кондак праведному Василию Мангазейскому глас 8
От града Ярославля Божиим смотрением/ в страну Сибирскую пришедшаго/ и за целомудрие от господина своего/ в Мангазеи пострадавшаго,/ блаженнаго Василия почтим,/ егоже Христос Бог мученическим венцем венча на Небеси,/ нетлением и чудесы прослави на земли./ Ты же, честный страдальче,/ предстательством своим страну нашу в мире сохрани/ и молися о спасении душ наших.
Молитва святому праведному мученику Василию
О, святый мучениче Христов Василие, радости святых единосельниче, наших скорбей и печалей пременителю и всякаго зла демонскаго губителю, припадая, молим ти ся: приди в заступление наше, яко да очистится ум наш от деяний греховных, понеже лишаемся за сие благодати Божией и не имеем тверда основания к покаянию. Даждь нам умиление душевное и слезы грехоомывательныя, воздежи руце твоя святыя за убогие наши души ко Господу Иисусу Христу, не остави нас, грешных, ради нашего невоздержания, укрепи нас бедствующих душевными помыслы и внешними обуревании, имиже сами себе вина бываем, или от ненавидящих нас вправду, но вся по грехом нашим праведно быти исповедуем. Буди нам, малодушным, покровитель и поборник благ и милостив, присещай нас, грешных, в скорбех и печалех и сохраняй от всякаго смущения противнаго, да не когда прогневаем Бога нашего и тебе сомолебника нашего благаго, но утверди нас молитвами твоими в страсе Божии и достойна покажи своея всегда милости да наследуем блага вечныя в Царствии Небесном у Спасителя и Господа нашего Иисуса Христа, Ему же подобает слава, честь и поклонение во веки веков. Аминь.
Акафист святому мученику Василию Мангазейскому
Акафист был составлен в Свято-Троицком Туруханском монастыре, где сегодня почивают мощи святого. Текст воспроизводится по изданию: Акафист святому страстотерпцу и мученику Василию Мангазейскому и всея Сибири чудотворцу. — М.: Институт экономических стратегий, 2009. Акафист был опубликован по благословению архиепископа Красноярского и Енисейского Антония.
Кондак 1
Возбранный чудотворче и мучениче пресветлый, данный Христом православным людям, в Сибирь пришедшим, державу Российскую укрепляти и просвещати языческие народы, ты же имея дерзновение ко Господу, подавай нам силы духовные и телесные в Православии твердо стояти, и землю северную Евангельским словом согревати, да вси зовем ти: Радуйся, мучениче Василие, первый сибирский чудотворче.
Икос 1
Ангельскому житию подражая, Василие, яко мученик Христов в Анкире, соблюдший в себе веру Христову и в торжестве веры достигший вечного упокоения, ему же тезоименит сый. Пред языческими народы веру христианскую исповедав без страха, яко апостол лютую смерть приял еси. Мы же благодарно поем ти:Радуйся, от рождения благодатию Духа Святаго осененный.Радуйся, с младенчества благочестию наученный.Радуйся, с младых лет слово Божие познавый.Радуйся, с колыбели молитву возлюбивый.Радуйся, в землю Сибирскую пришедый.Радуйся, прилежанием и честностию любовь людей стяжавый.Радуйся, смерть лютую принявший.Радуйся, имя христианское бесчестием не запятнавший.Радуйся, за страдания Богом прославленный.Радуйся, любовью христиан и язычников не оставленный.Радуйся, от болезней исцеляющий.Радуйся, в делах добрых помогающий.Радуйся, мучениче Василие, первый сибирский чудотворче.
Кондак 2
В благодатном граде Ярославле, богатом Божиими угодниками и святыми церквами, вырос сын благочестивого Феодора. При крещении монах по имени Василий, принимая от купели младенца, заповедал ему: молись о всех нас Святей Троице. Мы же провидению таковому дивяся, поем во умилении: Аллилуия.
Икос 2
Разум, озаренный благодатию Христовой, имел еси и из млада беспрестанно пети и славословити Триипостасного Бога навыкл святе Василие; кроткий, родителям послушный, прилежно вел еси дела купеческие, душею же в Горнем пребывая. Мы же, взирая на благочестивое смирение твое, поем таковая:Радуйся, от юности Богом избранный.Радуйся, надмирную жизнь возлюбивый.Радуйся, достодолжно родителей почитающий.Радуйся, Божии заповеди свято исполняющий.Радуйся, трудолюбием исполненный.Радуйся, богатым разумением отмеченный.Радуйся, от млада благодатию Божиею покровенный.Радуйся, смирением дар молитвы стяжавый.Радуйся, все время в богомыслии проводящий.Радуйся, в Церкви Божией родной дом находящий.Радуйся, чистотою украшенный.Радуйся, силою веры укрепленный.Радуйся, мучениче Василие, первый сибирский чудотворче.
Кондак 3
От града Ярославля Божиим смотрением в страну Сибирскую пришел еси и всею праведною жизнию Христа проповедал еси. За чистоту душевную пострадал от лютого врага, распалением и немилосердием господина своего. Но чист совестию, предал себя Богови. Мы же, чтущие честную память твою, воспеваем: Аллилуия.
Икос 3
Имея в сердце благодать Святыя Троицы, все тяготы и истязания претерпел еси глаголя: люты убо настоящие муки, но радост на жизнь вечная. По смерти тело твое честное в тинное место мучители ввергли еси. Мы же ныне славим тя, источающего исцеления и чудесы от честнаго гроба твоего, поя таковая:Радуйся, прехвальный страстотерпче.Радуйся, приемый венец страдания от Всехвладыки.Радуйся, целомудрия зерцало.Радуйся, благочестия образ.Радуйся, истину возлюбивший.Радуйся, проливший кровь с душею чистою и неповинною.Радуйся, исповедниче веры во Христа непоколебимый.Радуйся, воине Христов диавола гордыню низложивый.Радуйся, в руце Господу дух свой предложивый.Радуйся, по страдании твоем душею к Богу возлетевый.Радуйся, со Ангелы духовно торжествуяй.Радуйся, бессмертия ризою одеявся.Радуйся, мучениче Василие, первый сибирский чудотворче.
Кондак 4
Венчавшего тя мученическим венцем на небеси, Божиим промыслом повеле земли самой от недр твой гроб, тело и срачицу, обагренную кровию, обрести нетленно. Люди мангазейские первые, видя чудеса исцелений от святых мощей, прославиша память твою пресветлую, поя: Аллилуия.
Икос 4
Растерзали мучители чистую плоть твою, смерть страдальческую устроиша, но душа твоя в руце Божией, и многострадальное тело твое прославися чудес множеством, мы же, славя Бога, устроившего хотения Своя во святых Своих, поем сице:Радуйся, неповинный страдальче.Радуйся, друг Христовы кротости.Радуйся, источник милости.Радуйся, презиратель тленного богатства.Радуйся, болезней целитель готовнейший.Радуйся, раздаятель от Бога милостей.Радуйся, душу свою спасти призрел еси.Радуйся, не убоявшийся своих мучителей.Радуйся, житие твое благочестно скончавый.Радуйся, славу небесную познавый.Радуйся, обретый безстрастием своим свободу.Радуйся, приводящий нас к Богу.Радуйся, мучениче Василие, первый сибирский чудотворче.
Кондак 5
Восхоте Господь на Енисее в Туруханске во обители Святыя Троицы драгоценные мощи нового чудотворца упокоити, сущим настоятелем блаженным Тихоном тии принесошася и монаси тому возрадовашеся и восхвалиша Бога, поюще: Аллилуия.
Икос 5
Мира всякаго благоприятие память твоя явися, место бо идеже почиваеши мысль человеческую к свету спасения воистину наставляет, сладостен и труд к тебе подъяти видися за надежду приятия милости изобилуеши бо дарованьми от Христа, братия же, предстоящая твоему честному гробу, составльше лик радостно поет:Радуйся, мучениче Христов непоколебимый.Радуйся, грозного прещения не убоявыйся.Радуйся, яко Ангел на земли воистину пожил еси.Радуйся, о убивающих ти молился еси.Радуйся, победивший искушения силою крестною.Радуйся, наслаждающийся благодатию жизни вечныя.Радуйся, зарелучных чудес подателю.Радуйся, места пребывания честных мощей твоих хранителю.Радуйся, просящим скорый помощниче.Радуйся, обиженных защитниче.Радуйся, в языческих краях православного жития утверждение.Радуйся, Сибирстей земли прославление.Радуйся, мучениче Василие, первый сибирский чудотворче.
Кондак 6
Просвятися Божественною благодатию, Боголюбче, в целомудрии и терпении течение свое мученически скончал еси, тем же и по смерти яви светлость жития твоего, источаеши бо чудесы, с верою приходящим к раце честных мощей твоих вопиющим: Аллилуия.
Икос 6
Днесь обитель Туруханская торжествует, и любящие воспевают страдания твоя, имиже купил еси бисер Царства Небесного. Торжествующе ныне в Горнем Иерусалиме идеже нет вовек скорбного наваждения, но присно радость и венцы сияют почести. С веселием суще благоговейно вопием ти:Радуйся, от юности ярем благий понесл еси.Радуйся, блаженства Христова исполненный.Радуйся, Красноярския земли прозябение.Радуйся, Сибирской страны приношение.Радуйся, всея Руси молитвенниче.Радуйся, в бедах сущим скорый помощниче.Радуйся, лампадо пред Богом неугасимая.Радуйся, теплый о нас ко Христу ходатаю.Радуйся, шторма и бури утишающий.Радуйся, пожары угасающий.Радуйся, странником путь указующий.Радуйся, болезней язвы врачующий.Радуйся, мучениче Василие, первый сибирский чудотворче.
Кондак 7
Неоскверненною исперва ризу крещения соблюл еси, мужески вшедши в подвиг судища. Терзание красного девственного тела претерпел еси Христов страдальче неповинный. Блаженны изгнанные правды ради, яко тех есть Царство Небесное. Мы же, вспоминая сей превечный глагол, поем: Аллилуия.
Икос 7
Юноша лет своих и верный раб Бога Вечнаго, истинной Церкви Православной сын явися, срасленный бых смерти Христовой, со Ангелы веселитися ныне в Церкви вечно торжествующей. Мы же, имея таковаго нашего ходатая ко спасению, поем сице:Радуйся, за добродетели Богом избранный.Радуйся, Воскресения Христова божественной благодатию осиянный.Радуйся, врага смирением сокрушающий.Радуйся, его любовию побеждающий.Радуйся, светлая звездо, последовавшая в кротости Христу - Солнцу правды.Радуйся, успения превечного наслаждение.Радуйся, от Христа венец вечной красоты принимающий.Радуйся, богоугодной жизнью путь к почестям небесным показующий.Радуйся, яко Церкви Христовой имя твое досточестно.Радуйся, яко всем христианом память твоя сладше пчелиного сота.Радуйся, присно живый страстотерпче радостный.Радуйся, подвигом своим христиан возвеселивый.Радуйся, мучениче Василие, первый сибирский чудотворче.
Кондак 8
Благоуханное миро, аще и прилежно сокрываемо бывает, обаче за благоухание утаитеся не может, аще и изнесены мощи твои от славы, Христов мученик, и покровенны в земли, обаче утаитеся не могут, чудес лучи испущающии с верою приходящим к тебе и поющим: Аллилуия.
Икос 8
Неистовствует неверие в неких, но сие большую веру сотворяет ведущим тя, Христов мученик, в пренесении во обитель Святыя Троицы честных мощей твоих дарованием тем исцелений и чудес. Мы же, вспоминая чудеса твоя и исцеления, восклицаем таковая:Радуйся, слепых прозрение.Радуйся, расслабленных укрепление.Радуйся, от болезней душевных исцеление.Радуйся, страшных ран заживление.Радуйся, от соблазнов греха уводящий.Радуйся, унывающих ободряющий.Радуйся, охотников помощниче.Радуйся, по водам плавающих защитниче.Радуйся, младенцев вразумление.Радуйся, обиженным заступление.Радуйся, монахов наставляющий.Радуйся, из далече молящихся спасающий.Радуйся, мучениче Василие, первый сибирский чудотворче.
Кондак 9
Кротостию и любовию стяжав в сердце своем Духа Святаго, ты по внушению Его поревновал подвизатися за имя Христово, даже до смерти стоя мужественно в вере. Мы же, взирающе на праведное житие твое и на твердое веры православныя исповедание, вопием ти: Аллилуия.
Икос 9
Яко пресветлое солнце, воссиял еси чудесы своими в Сибирстей стране, мира благоприятие память твоя явися, в место бо идеже почиваеши приходят все языки ея православием просвященныя, хотя имети тя ходатая к Богу во спасение, тако взывая:Радуйся, страстотерпче в мужестве неодаленный.Радуйся, рая небеснаго всеблаженный.Радуйся, Нераздельней Троицы проповедниче.Радуйся, страданием Ея запечатлеша.Радуйся, отроков наставниче.Радуйся, старцев утешение.Радуйся, жизнью праведной среди инородцев православие прославивший.Радуйся, помощию им чудесною Бога восславивший.Радуйся, лесть идольскую разгоняющий.Радуйся, паству Церковную умножающий.Радуйся, всех притекающих к тебе дерзновенными молитвами своими охраняющий.Радуйся, благодати Христовой богатство им открывающий.Радуйся, мучениче Василие, первый сибирский чудотворче.
Кондак 10
Постыдеся гордый враг твердою на земле страстотерпца Богу верою, но невозможе и по смерти запяти добродетели твои и имя твое, помрачити повреждением всечестнаго тела, ибо Господь, творяй чудеса, прослави угодника своего и мы же дивяся им, поем: Аллилуия.
Икос 10
Дивен у Бога во святых блаженств вечных чин исполнивших, и мы тя по достоянию восхвалити не имея силы, ибо победоносная глава твоя небоплетенным венцем венчася от Христа, но чтущие любовию память дерзаем похвальная воспети таковая:Радуйся, духовный покровителю земли Сибирстей.Радуйся, объединивший всех в ней живущих.Радуйся, жизнию и смертию слово Евангельское проповедовавший.Радуйся, христианские добродетели нам заповедавший.Радуйся, научающий нас любви и прощению.Радуйся, не убоявшийся злаго прещения.Радуйся, сокровище целомудрия.Радуйся, чистоты сердца хранителю.Радуйся, вечно Богу предстоящий.Радуйся, нас непрестанной молитве учащий.Радуйся, неповинный страдальче ради правды Христовой.Радуйся, всегда предстать пред Богом готовый.Радуйся, мучениче Василие, первый сибирский чудотворче.
Кондак 11
Тяжек удел смерти невинного юноши и кончина страдальца оного, ни одним житейским воздыханием, ни одной слезой обиды на ярость обидчика не орошенная. Но Отец Небесный на невинного страдальца свыше взирая, не дал праведному познати истления и мы видя таковая, благодаряще поем Богу: Аллилуия.
Икос 11
Благоволением Всесильного в Троице славимого Бога и чудесным внушением самого страстотерпца Божия, многоцелебные мощи его во обители Пресвятыя Троицы, аможе притекают христолюбивые людие определены пребывати, да мы молящиеся об избавлении от недугов и скорбей, прославляя мученика, сице взываем:Радуйся, козни вражия и наветы злых человек смиренно понесший.Радуйся, венец вечныя красоты тем у Бога снискавший.Радуйся, преданный судии жестокому на истязание.Радуйся, стойко переносивший страдания.Радуйся, всемогущую силу благодати Христовой познавый.Радуйся, мученическим подвигом Богу угодивый.Радуйся, погребения своего тайну возвестивый.Радуйся, при обретении тела нетленным явивыйся.Радуйся, в сониях свое имя открывый.Радуйся, место пребывания своих мощей сам избравый.Радуйся, монахов смирению великий учителю.Радуйся, Туруханския обители и всея Сибири небесный покровителю.Радуйся, мучениче Василие, первый сибирский чудотворче.
Кондак 12
Воистину благодати сосуд избранный был еси мучениче Василие, тление временного жития сего все презрев, Единому Христу навечно прилепился еси и тем сподобился со Ангелы воспевати Богу: Аллилуия.
Икос 12
Поюще твое преславное преставление, прославляем равноангельное житие и мученическую кончину и почитая святую память твою, во умилении сердец славим, хвалим и величаем возвеличившаго тя Господа, Егоже умоли спастися всем, поющим таковая:Радуйся, страстотерпче предивный.Радуйся, со мучениками Христу поклоняющийся.Радуйся, поношения и гонения Христа ради претерпевый.Радуйся, мзду на небесех получивый.Радуйся, первозванный в Сибирские пределы угодниче Христов.Радуйся, русским первопроходцам в трудах помощниче.Радуйся, православия в дальних землях утверждение.Радуйся, новых северных храмов православных умножение.Радуйся, язычников благодатию истинной веры просвещающий.Радуйся, Евангельским смыслом жития всех верных наполняющий.Радуйся, благодатию Святаго Духа одеянный.Радуйся, яко светильник православныя веры со святыми ликовствуеши.Радуйся, мучениче Василие, первый сибирский чудотворче.
Кондак 13
О, преславный страстотерпче и мучениче Христов Василие! Прими малое моление сие наше у престола Всевышняго, идежи стоиши ныне. Испроси стране нашей православия утверждение, всем нам мира и благоденствия, и своим пред Богом ходатайством избави нас вечныя муки и геены огненныя, просвети нас верою, согрей сердца наши любовию и научи беспрестанно молитися и пети Богу: Аллилуия (трижды).
Сей кондак глаголи трижды. И паки чтется 1-й икос: Ангельскому житию. И паки кондак 1-й: Возбранный чудотворче.
Молитва святому праведному мученику Василию
О, святый мучениче Христов Василие, радости святых единосельниче, наших скорбей и печалей пременителю и всякаго зла демонскаго губителю, припадая, молим ти ся: приди в заступление наше, яко да очистится ум наш от деяний греховных, понеже лишаемся за сие благодати Божией и не имеем тверда основания к покаянию. Даждь нам умиление душевное и слезы грехоомывательныя, воздежи руце твоя святыя за убогие наши души ко Господу Иисусу Христу, не остави нас, грешных, ради нашего невоздержания, укрепи нас бедствующих душевными помыслы и внешними обуревании, имиже сами себе вина бываем, или от ненавидящих нас вправду, но вся по грехом нашим праведно быти исповедуем. Буди нам, малодушным, покровитель и поборник благ и милостив, присещай нас, грешных, в скорбех и печалех и сохраняй от всякаго смущения противнаго, да не когда прогневаем Бога нашего и тебе сомолебника нашего благаго, но утверди нас молитвами твоими в страсе Божии и достойна покажи своея всегда милости да наследуем блага вечныя в Царствии Небесном у Спасителя и Господа нашего Иисуса Христа, Ему же подобает слава, честь и поклонение во веки веков. Аминь.
Галерея
Монастыри, в которых почитают этого святого
