Преподобный Давид Серпуховский

19 Сентября / 2 Октября
18 / 31 Октября
10 / 23 Мая
2 / 15 Сентября (141-й день после Пасхи) Собор Московских святых

Пре­по­доб­ный Да­вид Сер­пу­хов­ский, уче­ник пре­по­доб­но­го Па­ф­ну­тия Бо­ров­ско­го (па­мять 1 мая), жил от­шель­ни­ком на ре­ке Ло­пасне, в 23 вер­стах от Сер­пу­хо­ва. В 1515 го­ду на пра­вом бе­ре­гу ре­ки по­стро­ил цер­ковь во имя Воз­не­се­ния и по­ло­жил ос­но­ва­ние Да­ви­до­вой пу­сты­ни. 

Молитвы

Тропарь, глас 4

Возне́слся еси́ смире́нием свои́м над ми́ром, о́тче Преподо́бне,/ доброде́тельми победи́в злоко́зненнаго врага́,/ чистото́ю жития́ просия́в, я́ко со́лнце второ́е,/ мно́гия лю́ди ко спасе́нию приводя́./ Те́мже моли́ Христа́ Бо́га, Преподо́бне о́тче наш Дави́де,/ дарова́ти нам мир и ве́лию ми́лость,// и спасе́ние душа́м на́шим.

Акафист

Кондак 1

Избра́нному в пропове́дника житие́м свои́м зако́на Христо́ва, Преподо́бне о́тче наш Дави́де, похва́льная пе́ния прино́сим ти, преблаже́нне; Ты же, я́ко име́яй дерзнове́ние ко Го́споду, Его́ же в се́рдце твое́м всегда́ име́л еси́, моли́ спасти́ся нам ча́дам твои́м, любо́вию ти зову́щим: Ра́дуйся, Преподо́бне о́тче наш Дави́де, те́плый хода́таю спасе́ния на́шего.

Икос 1

А́нгельское житие́ возлюби́в, Преподо́бне, во оби́тель Пафну́тия Бо́ровскаго прите́кл еси́ и та́мо о́браз и́ноческий от руки́ его́ прия́ти сподо́бился еси́, послуша́ние ди́вное явля́я. Сие́ помина́юще, со умиле́нием воспева́ем ти си́це:

Ра́дуйся, равноа́нгельное житие́ возлюби́вый;

Ра́дуйся, собла́зны ми́ра сего́ му́жественно презре́вый;

Ра́дуйся, во оби́тель Пафну́тия Бо́ровскаго притеки́й;

Ра́дуйся, послуша́ние ди́вное яви́вый.

Ра́дуйся, я́ко послуша́ние твое́ удиви́ а́нгелов и челове́ков;

Ра́дуйся, им же посрами́ прего́рдаго врага́.

Ра́дуйся, о́браз и́ноческий от руки́ отца́ твоего́ духо́внаго прие́мый;

Ра́дуйся, стро́гое подви́жническое житие́ избра́вый.

Ра́дуйся, Преподо́бне о́тче наш Дави́де, те́плый хода́таю спасе́ния на́шего.

Кондак 2

Ви́дяще духо́вный оте́ц твой преподо́бный Пафну́тий ди́вное по Бо́зе житие́ твое́, Преподо́бне о́тче Дави́де, на служе́ние Бо́гу и лю́дям отпра́ви тя, возглаша́я песнь хвале́бную: Аллилу́ия.

Икос 2

Разуме́л еси́ Преподо́бне о́тче Дави́де, я́ко вся кра́сная ми́ра сего́ су́етна и скоромимоходя́ща, в пусты́нное ме́сто прише́л еси́ и оби́тель Вознесе́нию Госпо́дню устро́ил еси́. Сие́ воспомина́я, ублажа́ем тя похвалы́ таковы́ми:

Ра́дуйся, оби́тель Бо́ровскую послуша́ния ра́ди оста́вивый;

Ра́дуйся, я́ко свою́ оби́тель устро́ити благослове́ние получи́л еси́.

Ра́дуйся, в пусты́нное ме́сто прише́дый;

Ра́дуйся, слеза́ми теплы́ми о́ное напои́вый.

Ра́дуйся, це́рковь и оби́тель Вознесе́ния Госпо́дня устро́ивый;

Ра́дуйся, в ню́же ове́ц слове́сных ста́до собра́вый.

Ра́дуйся, я́ко ста́ду тобо́ю со́бранному оте́ц и наста́вник был еси́;

Ра́дуйся, я́ко смиренному́дрием тех исправля́л еси́.

Ра́дуйся, Преподо́бне о́тче наш Да́виде, те́плый хода́таю спасе́ния на́шего.

Кондак 3

Си́лою Вы́шняго укрепля́емь, Преподо́бне Дави́де, пусты́нное озлобле́ние и в потре́бных ску́дость име́я, благода́рно терпе́л еси́, в душе́ свое́й Христа́ приобрета́я, воспева́я Ему́: Аллилу́ия.

Икос 3

Иму́ще ико́ну Зна́мения Богома́тери, я́ко зало́г спасе́ния, укрепля́лся еси́, Преподо́бне, моли́твою к Преблагослове́нней Де́ве, науча́я бра́тию доброде́тельному житию́. Моли́ся у́бо о нас, покрови́телю наш, да, ревну́я подвиго́м твои́м, спасе́м ду́ши на́ша и тебе́ воззове́м:

Ра́дуйся, благоволе́нием Богома́тери осене́нный;

Ра́дуйся, я́ко с ико́ною Зна́мения Богома́тери в пу́стынь твою́ прише́л еси́.

Ра́дуйся, я́ко оби́тели твое́й чрез о́браз Пречи́стыя благослове́ние стяжа́л еси́;

Ра́дуйся, Засту́пницы Усе́рдныя благогове́йный почита́телю.

Ра́дуйся, моли́тве ко Го́споду и Пренепоро́чней Его́ Ма́тери бра́тию твою́ науча́л еси́;

Ра́дуйся, не забыва́яй и нас заблу́дших, призыва́ющих тя.

Ра́дуйся, наста́вниче спасе́нию;

Ра́дуйся, гре́шных приводя́й ко испра́влению.

Ра́дуйся, Преподо́бне о́тче наш Дави́де, те́плый хода́таю спасе́ния на́шего.

Кондак 4

Бу́рею недоуме́ния смуще́ни есмы́, ка́ко бо возмо́жем исчи́слити по́двиги твоя́, Блаже́нне Дави́де, бде́ние и сухояде́ние, непреста́нныя моли́твы и про́чия доброде́тели? Их же на ся подъя́л еси́, воспева́я немо́лчно песнь побе́дную: Аллилу́ия.

Икос 4

Слы́шавше бли́жнии и да́льнии ангелоподо́бное житие́ твое́, Преподо́бне о́тче наш Дави́де, и я́ко моли́твою твое́ю мно́зи, с ве́рою притека́ющии к ра́це моще́й твои́х, от разнообра́зных неду́гов изцеле́ния прие́млют; благода́рне воспомина́юще о толи́ких твои́х благодея́ниих, ра́достно взыва́ем к тебе́ такова́я:

Ра́дуйся, неду́гующих врачу́;

Ра́дуйся, ско́рбным сострада́телю.

Ра́дуйся, душе́вных и теле́сных не́мощей ско́рый цели́телю;

Ра́дуйся, прося́щим ми́лости пода́телю.

Ра́дуйся, я́ко под сень пу́стыни твоея́ хотя́щих спасе́ния приима́л еси́;

Ра́дуйся, я́ко о тех моли́твенник тепл в жи́зни твое́й был еси́.

Ра́дуйся, и нас моли́твами твои́ми укрепля́ющий;

Ра́дуйся, вели́кий Бо́гу уго́дниче.

Ра́дуйся, Преподо́бне о́тче наш Дави́де, те́плый хода́таю спасе́ния на́шего.

Кондак 5

Боготе́чная звезда́ яви́лся еси́, Преподо́бне, не́бо церко́вное украша́я и пла́вающия во мра́ке жите́йских попече́ний к ти́хому приста́нищу и́ночества наставля́я, да вопию́т вси Бо́гу: Аллилу́ия.

Икос 5

Ви́дим тя, Преподо́бне о́тче Дави́де, дости́гшаго в му́жа соверше́нна о Христе́ и преиспо́лненнаго дарова́ний Боже́ственных, в Ева́нгелии Христо́ве обетова́нных ве́рным после́дователем Вопло́щшагося Бо́га Сло́ва. Тем же твои́м подвиго́м чудя́щеся, вопие́м ти хвале́бно:

Ра́дуйся, Ева́нгелия Христо́ва немо́лчный пропове́дниче;

Ра́дуйся, Апо́стольских преда́ний ре́вностный храни́телю.

Ра́дуйся, на скрижа́лех се́рдца твоего́ Зако́н Христо́в написа́вый;

Ра́дуйся, от глубины́ серде́чныя до́брая и душеспаси́тельная наставле́ния челове́ком износи́вый.

Ра́дуйся, да́ром чудотворе́ния облагода́тствованный;

Ра́дуйся, буду́щая, я́ко настоя́щая прови́девый.

Ра́дуйся, в собесе́дование с Бо́гом вы́ну углубле́нный;

Ра́дуйся, благода́тию Бо́жиею преобогаще́нный.

Ра́дуйся, Преподо́бне о́тче наш Дави́де, те́плый хода́таю спасе́ния на́шего.

Кондак 6

Пропове́дник смире́ния и́стиннаго яви́лся еси́, о́тче, и ча́да твоя́ духо́вная ве́рно руководи́л еси́ к Сио́ну Небе́сному, иде́же есть жили́ще всех спасе́нных милосе́рдием Христа́ Бо́га, Его́ же возлю́биша се́рдцем чи́стым и навыко́ша пе́ти Ему́: Аллилу́ия.

Икос 6

Возсия́ нам, я́ко звезда́ путево́дная, возде́ржное по́стническое житие́ твое́, о́тче Преподо́бне: не скорбе́л еси́ о бра́шнех, е́же не поста́вит нас пред Бо́гом; не раде́л еси́ о добро́те ри́зней, доброде́тельми ду́шу твою́ украша́ти предпочита́я. Сего́ ра́ди нетле́нием и чудесы́ просла́влен еси́ от Подвигополо́жника Христа́, от нас же прие́млеши пе́сенные сия́ похвалы́:

Ра́дуйся, воздержа́ние в пи́щи и питии́ пра́вило изве́стное;

Ра́дуйся, нетре́звеннаго пития́ во оби́тели твое́й име́ти возбрани́вый.

Ра́дуйся, Боговеща́нный учи́телю благоче́стия и чистоты́;

Ра́дуйся, чесому́ учи́л еси́, та и сам еси́ твори́л неле́ностно.

Ра́дуйся, немощны́х да́нною ти от Го́спода благода́тию укрепи́вый;

Ра́дуйся, скорбя́щих сла́достию твои́х слове́с уте́шивый.

Ра́дуйся, ча́дам Це́ркви лучеза́рный свети́льниче;

Ра́дуйся, ди́вный Христо́в уго́дниче.

Ра́дуйся, Преподо́бне о́тче наш Дави́де, те́плый хода́таю спасе́ния на́шего.

Кондак 7

Хотя́ избра́н дом Ду́ху Свято́му себе́ сотвори́ти, потща́лся еси́ те́сным и приско́рбным путе́м, в жизнь ве́чную веду́щим, взем на ра́мо свое́ Крест Христо́в, ше́ствовати, и дости́гл еси́ воздая́ния в небе́сном всевесе́лом пребыва́нии тебе́ угото́ванного, поя́ благода́рственно Бо́гу: Аллилу́ия.

Икос 7

Но́вым подвиго́м духо́вным вдал еси́ себе́, досточу́дне о́тче, в пу́стыни уедине́нно пребыва́я в моли́твах, в поще́ниих и труде́х непреста́нных, е́же ви́дя Всеви́дец Госпо́дь, собра́ к тебе́ и́ноков пустыннолюби́вых, и́же хотя́ху с тобо́ю жи́ти, и во спасе́ние назида́тися: и та́ко оби́тель святу́ю устро́ил еси́, я́ко крин в пусты́ни процве́тшую духо́вно, иде́же до днесь прославля́ется и́мя твое́ си́ми достодо́лжными похвалы́:

Ра́дуйся, кри́не пусты́ннаго прозябе́ния;

Ра́дуйся, ми́ро Христо́ва благоуха́ния.

Ра́дуйся, я́ко пусты́ню духо́вно уплодоноси́л еси́;

Ра́дуйся, пусты́ню непроходи́мую в вертогра́д духо́вный труда́ми твои́ми претвори́вый.

Ра́дуйся, несомне́нною наде́ждою на Бо́га оби́тель твою́ созида́вый;

Ра́дуйся, оби́тель твою́ пусты́нную по преда́нию святы́х и Богоно́сных оте́ц устро́ивый.

Ра́дуйся, строи́телю Богому́дрый общежи́тия и́ноческаго;

Ра́дуйся, оте́ц чадолюби́вый всех притека́ющих к тебе́.

Ра́дуйся, Преподо́бне о́тче наш Дави́де, те́плый хода́таю спасе́ния на́шего.

Кондак 8

Стра́нника и прише́льца себе́ на земли́ бы́ти помышля́я, час кончи́ны твоея́ пред очи́ма твои́ма при́сно име́л еси́, о́тче Дави́де, и сего́ ра́ди оби́тель и́ноком возгради́л еси́, иде́же моли́твы твоя́ Го́сподеви возсыла́л еси́, поя́ Ему́: Аллилу́ия.

Икос 8

Весь был еси́ любве́ Боже́ственныя испо́лнен, о всеблаже́нне, ника́коже отступа́я к любле́нию пло́ти и ми́ра, но, я́ко безпло́тен, целому́дренно и преподо́бно жизнь твою́ соверши́л еси́. Те́мже и благода́ть прия́л еси́ от Бо́га твори́ти пресла́вная чудеса́. Приими́ у́бо от нас, чудотво́рче святы́й, сия́ усе́рдныя славохвале́ния:

Ра́дуйся, и́стинный подража́телю Христо́ва смире́ния;

Ра́дуйся, сим дости́гнувый ве́чнаго упокое́ния.

Ра́дуйся, мона́шествующим ко спасе́нию наста́вниче;

Ра́дуйся, лико́м преподо́бных соприча́стниче.

Ра́дуйся, пусты́нная озлобле́ния благоду́шно претерпе́вый;

Ра́дуйся, из пу́стыни в ра́йския оби́тели возлете́вый.

Ра́дуйся, в непреста́нных моли́твах бо́дрствовавый;

Ра́дуйся, ум горе́ к Бо́гу вознесе́н всегда́ име́вый.

Ра́дуйся, Преподо́бне о́тче наш Дави́де, те́плый хода́таю спасе́ния на́шего.

Кондак 9

Вся́кия беды́, ско́рби и напа́сти избавля́я нас, свя́те Дави́де, твои́ми к Бо́гу те́плыми моли́твами, потщи́ся и ны́не дарова́ти нам вре́менная блага́я и ве́чная: да с тобо́ю ку́пно в селе́ниих пра́ведных воспое́м Бо́гу: Аллилу́ия.

Икос 9

Вити́й челове́ческих уста́ не возмо́гут изрещи́ преди́внаго явле́ния твоего́ челове́ку не́коему, разслабле́нием седмь лет стра́ждущу, егда́ же в пу́стынь твою́ идти́ повеле́л еси́ ему́, жезло́м игу́менским ног больны́х косну́вшися. Он же, от неду́га своего́ избавле́ние получи́в, а́бие воспе́ша тебе́:

Ра́дуйся, в со́ниих и виде́ниих земноро́дных зра́ком лица́ твоего́ просвеща́яй;

Ра́дуйся, я́ко от одра́ разсла́бленныя воздвиза́еши.

Ра́дуйся, теле́с на́ших благосострада́тельный врачу́ и хране́ние;

Ра́дуйся, и душ на́ших к Ца́рствию Небе́сному возведе́ние.

Ра́дуйся, я́ко жезл твой игу́менский прикоснове́нием еди́ным изцеля́ет;

Ра́дуйся, жезло́м о́ным разсла́бленнаго нога́ми к хожде́нию воздви́гнувый.

Ра́дуйся, тру́дными ро́дами жене́ стра́ждущей безболе́зненное разреше́ние от бре́мене дарова́л еси́;

Ра́дуйся, о́тче взыска́вый спасе́ния мно́гих.

Ра́дуйся, Преподо́бне о́тче наш Дави́де, те́плый хода́таю спасе́ния на́шего.

Кондак 10

Спасти́ся всем хотя́й Преблаги́й Госпо́дь яви́ тя, Преподо́бне о́тче Дави́де, о́браз жития́ пра́веднаго: кто бо не умили́тся ви́дя твое́ безме́рное ко всем благосе́рдие; тем же ве́лию к нам ми́лость Бо́жию сла́вяще, вопие́м: Аллилу́ия.

Икос 10

Стена́ тве́рдая яви́лся еси́ всем челове́ком, к заступле́нию твоему́ прибега́ющим, Преподо́бне о́тче наш Дави́де; тем же и нас, к тебе́ притека́ющих и твоея́ святы́я по́мощи прося́щих, от вся́ких бед и напа́стей заступа́й и огражда́й, за е́же мы вопие́м к тебе́ такова́я:

Ра́дуйся, от го́рних высо́т к и́щущим заступле́ния твоего́ ми́лостивно презира́яй;

Ра́дуйся, ми́лость твою́ боля́щим челове́ком явля́яй.

Ра́дуйся, моли́твенно призыва́ющим свято́е и́мя твое́ на по́мощь ускоря́яй;

Ра́дуйся, лю́бящим тя и честву́ющим па́мять твою́ предста́тельством небе́сным воздава́яй.

Ра́дуйся, телеса́ на́ша безме́здно врачу́яй;

Ра́дуйся, о душа́х на́ших Го́спода умоля́яй.

Ра́дуйся, искуша́емым ско́рый о Го́споде покро́в и заступле́ние.

Ра́дуйся, уныва́ющим ободре́ние и скорбя́щим ра́досте.

Ра́дуйся, Преподо́бне о́тче наш Дави́де, те́плый хода́таю спасе́ния на́шего.

Кондак 11

Пе́ние моле́бное прино́сится ве́рными у ра́ки святы́х моще́й твои́х, Дави́де Богоно́се, ти́и бо лучи́ мно́гих чуде́с испуща́ют, озаря́юще ду́ши и сердца́ и́щущих с ве́рою твоего́ заступле́ния и Бо́гу вопию́щих: Аллилу́ия.

Икос 11

Светоприе́мную свещу́ зрим тебе́, о́тче Преподо́бне, сия́ющу луча́ми Бо́жия благода́ти, а́ще и кре́пость твоя́ оскуде́ и исчеза́ше свет вре́менныя жи́зни сия́. Мы же ве́дуще, я́ко и по сме́рти при́сно мо́лишися о нас, с любо́вию, а́ще ча́да твоя́ есмы́, вопие́м:

Ра́дуйся, до конца́ жи́зни своея́ наставля́яй соблюда́ти Боже́ственныя за́поведи;

Ра́дуйся, до после́дняго часа́ сме́ртнаго попече́ния о не́мощных, ни́щих и стра́нных име́вый.

Ра́дуйся, я́ко и по сконча́нии свое́м обеща́лся еси́ никогда́же отлуче́н бы́ти от оби́тели своея́;

Ра́дуйся, обеща́вый я́ко не оскуде́ет оби́тель твоя́.

Ра́дуйся, я́ко вои́стинну честна́ смерть твоя́, Преподо́бне;

Ра́дуйся, я́ко и по сме́рти с на́ми пребыва́еши.

Ра́дуйся, недре́млющий блюсти́телю мона́хов и по́стников украше́ние;

Ра́дуйся, святы́я оби́тели твоея́ неусы́пный храни́телю.

Ра́дуйся, Преподо́бне о́тче наш Дави́де, те́плый Хода́таю спасе́ния на́шего.

Кондак 12

Благода́ть живу́щую в нетле́нных моща́х твои́х позна́вше, вси лю́дие с любо́вию прихожда́ху к ра́це твое́й и, ра́достно лобыза́юще ю, сла́вляху о тебе́ Бо́га, со умиле́нием вопию́ще Ему́: Аллилу́ия.

Икос 12

Пою́ще Бо́га, Ди́внаго во святы́х Свои́х, восхваля́ем тя, Дави́де преблаже́нне, я́ко дру́га Христо́ва, блаже́нство ра́йское неукло́нным за́поведей Госпо́дних творе́нием стяжа́вшаго. Моли́ о нас, ча́дех твои́х, да и мы с тобо́ю во оби́телех Го́рних водвори́мся, умиле́нно зову́ще ти:

Ра́дуйся, за ангелоподо́бную чистоту́ се́рдца твоего́ Бо́га узре́вый;

Ра́дуйся, я́ко ви́дения пренебе́снаго све́та сподо́бился еси́.

Ра́дуйся, со Христо́м, Его́же возлюби́л еси́, на ве́ки соедини́выйся;

Ра́дуйся, Ца́рствия Небе́снаго и сла́вы ве́чныя насле́дниче.

Ра́дуйся, во благоуха́нии святы́ни моща́ми твои́ми во оби́тели тобо́ю со́зданней почива́еши;

Ра́дуйся, я́ко душе́ю твое́ю чи́стою в Небесе́х Бо́гу предстои́ши, нетле́нными же моща́ми твои́ми ду́ши ве́рных врачу́еши на земли́.

Ра́дуйся, я́ко па́мять твоя́ с похвала́ми почита́ется во Святе́й Це́ркви;

Ра́дуйся, о нас с моли́твою вы́ну Бо́гу предстоя́й.

Ра́дуйся, Преподо́бне о́тче наш Дави́де, те́плый хода́таю спасе́ния на́шего.

Кондак 13

О, пресла́вный чудотво́рче и вели́кий Христо́в уго́дниче, Дави́де прехва́льне! Ны́нешнее на́ше хвале́бное пе́ние прие́мше, не оста́ви нас, чад твои́х, любо́вию тя почита́ющих, умоли́ Го́спода Сил изба́витися нам в житии́ сем сете́й вра́жиих и в бу́дущем возду́шных мыта́рств и гее́нны избе́гнути, и в Го́рний Иерусали́м всели́тися, иде́же непреста́нно воспева́ти с тобо́ю Бо́гу Серафи́мскую песнь: Аллилу́ия, аллилу́ия, аллилу́ия. (Этот кондак читается трижды).

Затем



Икос 1

А́нгельское житие́ возлюби́в, Преподо́бне, во оби́тель Пафну́тия Бо́ровскаго прите́кл еси́ и та́мо о́браз и́ноческий от руки́ его́ прия́ти сподо́бился еси́, послуша́ние ди́вное явля́я. Сие́ помина́юще, со умиле́нием воспева́ем ти си́це:

Ра́дуйся, равноа́нгельное житие́ возлюби́вый;

Ра́дуйся, собла́зны ми́ра сего́ му́жественно презре́вый;

Ра́дуйся, во оби́тель Пафну́тия Бо́ровскаго притеки́й;

Ра́дуйся, послуша́ние ди́вное яви́вый.

Ра́дуйся, я́ко послуша́ние твое́ удиви́ а́нгелов и челове́ков;

Ра́дуйся, им же посрами́ прего́рдаго врага́.

Ра́дуйся, о́браз и́ноческий от руки́ отца́ твоего́ духо́внаго прие́мый;

Ра́дуйся, стро́гое подви́жническое житие́ избра́вый.

Ра́дуйся, Преподо́бне о́тче наш Дави́де, те́плый хода́таю спасе́ния на́шего.

Кондак 1

Избра́нному в пропове́дника житие́м свои́м зако́на Христо́ва, Преподо́бне о́тче наш Дави́де, похва́льная пе́ния прино́сим ти, преблаже́нне; Ты же, я́ко име́яй дерзнове́ние ко Го́споду, Его́ же в се́рдце твое́м всегда́ име́л еси́, моли́ спасти́ся нам ча́дам твои́м, любо́вию ти зову́щим: Ра́дуйся, Преподо́бне о́тче наш Дави́де, те́плый хода́таю спасе́ния на́шего.

Почитание святого в Вознесенской Давидовой пустыни

Преподобный Давид, игумен Вознесенский, Серпуховской чудотворец, по преданию, происходил из рода князей Вяземских и носил в миру имя Даниил.  Еще будучи юношей,  чуть более двадцати лет от роду, почувствовал Даниил призвание к подвижнической жизни и пришел в Пафнутиев Боровский монастырь. Этот монастырь во имя Рождества Пресвятой Богородицы основан преподобным Пафнутием Боровским в 1444 году. Он был обильным вертоградом иночества и христианского просвещения, из него вышли многие светильники русского монашества. Преподобный Пафнутий являлся пострижеником и учеником преподобного Никиты, третьего настоятеля Серпуховского Высоцкого монастыря. Преподобный же Никита был сродником и учеником Преподобного Сергия Радонежского,  Игумена земли Русской. Таким образом, преподобный Пафнутий был преемником заветов Преподобного Сергия и деятельным представителем его иноческой школы.

Юный Даниил поступил в Боровскую обитель еще при жизни преподобного Пафнутия, который как великое светило сиял тогда святостью своей жизни и духовными дарованиями. Устройство монастыря было общежительным. Игумен подавал пример братии. Они видели «труды и злострадания, подвиги же и посты, и худость ризную, твердую к Богу веру и любовь, и еже к Пречистой Богородице известную надежду, Ея же и всегда имеяше упование в уме во устех языку пишу. Сего ради и благодати Божия сподобися, еже хотящая быти прозирати и сердечные тайные помыслы братии поведати, еше же и болезни исцеляти, и Бога и Пречистая Богородицы, приимаше, и бяше во истину далече от человек [тогдашнего] века всеми обычаями. Бяше же щедр и милостив, егда подобает; жесток же и напрасен, егда потреба»,- говорит преподобный Иосиф, будущий основатель Иосифо-Волоцкого монастыря, в одно время подвизавшийся с преподобным Давидом. Этим примером и богомудрыми советами руководствовался Давид в прохождении жития иноческого. Видя ревность и усердие своего послушника, преподобный Пафнутий совершил над ним монашеский постриг и нарек Давидом в честь преподобного Давида Солунского, святого отшельника, жившего в VI веке.

После преставления своего учителя, преподобного Пафнутия, преподобный Давид нашел духовное руководство и покровительство в лице великого светильника русского монашества преподобного Иосифа Волоцкого. Преподобный Иосиф двадцатилетним юношей пришел в Боровск и 13 февраля 1460 года, приняв монашеское пострижение от руки преподобного Пафнутия, семнадцать лет жил с ним в одной келье. Блаженный старец, провидя близкое свое отшествие ко Господу, предложил Иосифу быть его преемником по управлению обителью. Преподобный Пафнутий преставился 1 мая 1477 года. После него Иосиф управлял обителью с 1477 по 1479 год. Он намеревался ввести в Боровской обители самое строгое общежитие, но встретил несогласие на то со стороны иноков, кроме семерых, поэтому удалился от ропота и оставил на время свою обитель, чтобы лично осмотреть устройство других монастырей.

По возвращении из своего путешествия он решился навсегда покинуть Пафнутиев монастырь и основать обитель по своему желанию,  для чего с семью преданными ему иноками удалился в знакомые леса волоколамские, где основал свою знаменитую обитель, в которой и скончался 9 сентября 1515 года. Духовную связь с этим великим и просвещенным подвижником преподобный Давид не прерывал до самой его смерти. Продолжительное время подвизался преподобный в Пафнутиевой обители.

В 1515 году преподобный Давид, подвизавшийся более сорока лет в Боровском монастыре, оставил сию святую обитель, дабы основать свой монастырь в пустынной местности на берегу реки Лопасни в древней Хатунской волости, куда и пришел 31 мая 1515 г. с иконою Знамения Богоматери с двумя монахами и двумя послушниками. Поселившись здесь, он поставил кельи, возвел первые деревянные храмы в честь боголепного Вознесения Господа Бога и Спаса нашего Иисуса Христа с приделом в честь Успения Пресвятой Богородицы и Святителя и чудотворца Николая с трапезою. Около своей пустыни преподобный насадил липовую рощу. Преподобный Иосиф 15 августа 1515 года, незадолго до своей кончины, посетил эту новую обитель, трапезовал с преподобным Давидом и братией и наставлял их в Слове Божием.

19 сентября 1529 года он предал Богу свою праведную душу. Честное тело его было погребено в основанной им пустыни.

Почитание преподобного Давида началось вскоре после его праведной кончины. В синодике 1602 года он именуется преподобным, а в документах 1657 года, кроме того, и чудотворцем. Записей о чудесных явлениях милости Божией по молитвам преподобного не сохранилось. Но о том, что эти явления были, свидетельствуют рассказы жителей окрестных селений.

Серпуховской купчихе Окороковой, страдавшей весьма трудными родами, преподобный Давид явился во сне и обещал исцеление, если она посетит его обитель и отслужит при раке его панихиду. По благополучном разрешении от бремени благодарная женщина была в пустыни и рассказывала служившим панихиду о дивном ей явлении преподобного.

В 50-х годах ХIХ столетия в бытность свечником Давидовой пустыни старца высокой духовной жизни иеродиакона Венедикта пришел в обитель крестьянин Подольского уезда и просил отслужить панихиду по преподобном Давиде. Служившему иеромонаху крестьянин рассказал следующее: «Около семи лет страдал я расслаблением и без посторонней помощи не мог ни двинуться, ни приподняться.

Почти наяву явился мне преподобный Давид, высокий седой старец, в монашеском одеянии с посохом в руках, и приказал идти в Давидову пустынь, отслужить по нем панихиду, обещая исцелить меня от болезни. «Батюшка, – говорю – с радостью бы пошёл, но не только идти, а и приподняться не могу, да и не знаю, где эта пустынь». Старец ударил меня по ногам жезлом, велел идти в Подольск и стал невидим. Тут я, к великой радости, почувствовал возможность двигать членами, хотя на ноги встать не мог, и решил идти по повелению, о чем и объявил домашним. Невзирая на уговоры сына и других родных отложить это намерение, стал собираться в путь. Наскоро приладили костыли, хотя и не мог ими пользоваться за невозможностью встать на ноги. Сын проводил меня до деревенской околицы, все расстояние до которой я полз с великим трудом.

Тут сделалось что-то такое, будто всего меня прострелило, и я почувствовал, что силы мои крепнут, попробовал стать на ноги и – чудо! – с помощью костылей встал уже и пошел, хотя еле-еле, на ногах. Чем дальше шел, тем силы больше укреплялись. Под Подольском добрые люди рассказали, как найти дорогу в пустынь. И вот с Божией помощью, молитвами батюшки, преподобного Давида, и в пустынь дошел, и в костылях уже более не нуждаюсь».

Престарелой девице-дворянке из Подольского же уезда явился преподобный Давид и говорит: «Что ко мне не побываешь?» Явившийся стал невидим, а девица недоумевала, кто бы это мог быть. Вскоре ей пришлось быть в Москве и зайти в часовню Спасителя, принадлежащую Давидовой пустыни. Случайно увидав тут печатное изображение преподобного Давида, она узнала в нем явившегося и стала спрашивать, чье это изображение? Когда ей было сказано служащими при часовне, что это изображение основателя Давидовой пустыни преподобного Давида, она рассказала о явлении ей, узнала о дороге в пустынь и, действительно, вскоре приехала в монастырь и, отслуживши панихиду, рассказывала всем о бывшем ей явлении.

Более пятидесяти лет подвизался в монашестве преподобный Давид, стяжал многие духовные дарования и был, как говорит летопись, «отцом и кормильцем всего окрестного населения».