Преподобный Гавриил (Зырянов), Седмиезерный, Спасо-Елеазаровский

4 / 17 Октября Собор Казанских святых
16 / 29 Июня (71-й день после Пасхи) Собор Псковских святых
Гав­ри­ил Фе­до­ро­вич Зы­ря­нов ро­дил­ся 14 мар­та 1844 го­да в де­ревне Фро­ло­вой Ир­бит­ско­го уез­да Перм­ской гу­бер­нии.В дет­стве ча­сто бо­лел, ра­ди вы­здо­ров­ле­ния сы­на Зы­ря­но­вы да­ли обет не упо­треб­лять мя­са и спирт­но­го. В 18 лет Гав­ри­ил Зы­ря­нов со­вер­шил па­лом­ни­че­ство в вер­хо­тур­ский Ни­коль­ский мо­на­стырь к мо­щам свя­то­го Си­мео­на Вер­хо­тур­ско­го, ко­то­рый несколь­ко раз яв­лял­ся юно­ше в ви­де­ни­ях и пред­ска­зал ему мо­на­ше­ство.13 ав­гу­ста 1864 го­да (по дру­гим све­де­ни­ям, 16 ав­гу­ста 1865 го­да) по­сту­пил по­слуш­ни­ком в Оп­ти­ну пу­стынь. 31 июля 1872 го­да, по­сле уволь­не­ния из со­сло­вия го­судар­ствен­ных кре­стьян, был офи­ци­аль­но за­чис­лен в оби­тель и по­стри­жен в ря­со­фор. Нёс по­слу­ша­ния на ко­ло­кольне, в хлеб­ной, в просфорне, был рас­по­ря­ди­те­лем на игу­мен­ской кухне, ду­хов­но окорм­лял­ся у Ам­вро­сия (Грен­ко­ва) и Ила­ри­о­на (По­но­ма­рё­ва).В 1874 го­ду тя­же­ло за­бо­лел, жил в из­бе на мо­на­стыр­ской лов­ле у Ми­ти­на за­во­да, вы­здо­ро­вел по мо­лит­вам оп­тин­ских стар­цев.Осе­нью 1874 го­да по­се­тил Ки­ев, Моск­ву. По при­гла­ше­нию ар­хи­манд­ри­та Гри­го­рия (Во­и­но­ва) 28 де­каб­ря 1874 го­да по­сту­пил в Вы­со­ко­пет­ров­ский мо­на­стырь, 1 фев­ра­ля 1875 го­да за­чис­лен в бра­тию, 13 ав­гу­ста то­го же го­да по­стри­жен в ман­тию с име­нем Ти­хон в честь пре­по­доб­но­го Ти­хо­на За­дон­ско­го.20 фев­ра­ля 1877 го­да ру­ко­по­ло­жён во диа­ко­на.Из-за до­но­сов и ин­триг неко­то­рых на­сель­ни­ков 14 ав­гу­ста 1880 го­да иеро­ди­а­кон Ти­хон пе­ре­шёл в мос­ков­ский Бо­го­яв­лен­ский мо­на­стырь. Об­ла­дал хо­ро­шим го­ло­сом (те­нор), ча­сто со­слу­жил епи­ско­пу Дмит­ров­ско­му Ам­вро­сию (Клю­ча­рё­ву), стал из­ве­стен в свет­ских кру­гах лю­би­те­лей цер­ков­но­го пе­ния, что вы­зы­ва­ло за­висть дру­гих иеро­ди­а­ко­нов Бо­го­яв­лен­ской оби­те­ли.Под­дер­жи­вал пе­ре­пис­ку с оп­тин­ски­ми стар­ца­ми, по со­ве­ту пре­по­доб­но­го Ам­вро­сия по­ки­нул Моск­ву, в июне 1882 го­да по­лу­чил от­пуск и от­пра­вил­ся в Ра­иф­ский мо­на­стырь, где в де­каб­ре то­го же го­да был при­нят в чис­ло бра­тии.24 ап­ре­ля 1883 го­да ру­ко­по­ло­жён во иерея. Кон­флик­то­вал с ар­хи­манд­ри­том Ве­ни­а­ми­ном (Авер­ки­е­вым). 7 ок­тяб­ря 1883 го­да был на­зна­чен эко­но­мом Ка­зан­ско­го ар­хи­ерей­ско­го до­ма, через ме­сяц пе­ре­ве­дён в Сед­ми­е­зер­ную пу­стынь.4 мар­та 1889 го­да на­зна­чен ду­хов­ни­ком и бла­го­чин­ным оби­те­ли. Участ­во­вал в крест­ных хо­дах с глав­ной свя­ты­ней мо­на­сты­ря – Сед­ми­е­зер­ной Смо­лен­ской ико­ной Бо­жи­ей Ма­те­ри, от ко­то­рой про­ис­хо­ди­ло мно­же­ство чу­до­тво­ре­ний.Осе­нью 1892 го­да на­до­рвал­ся, вы­тя­ги­вая мо­на­стыр­ский воз из овра­га, в тот же день по­лу­чил тя­жё­лый ожог пи­ще­во­да и же­луд­ка ук­сус­ной эс­сен­ци­ей. В ожи­да­нии кон­чи­ны 5 ок­тяб­ря 1892 го­да по бла­го­сло­ве­нию ар­хи­епи­ско­па Ка­зан­ско­го Вла­ди­ми­ра (Пет­ро­ва) при­нял по­стриг в ве­ли­кую схи­му с име­нем в честь Ар­хан­ге­ла Гав­ри­и­ла.5 лет не вста­вал с по­сте­ли, ча­сто при­ча­щал­ся Свя­тых Та­ин. За го­ды бо­лез­ни он стя­жал да­ры стар­че­ства, про­зор­ли­во­сти. Бла­го­во­лив­ший к Гав­ри­и­лу ар­хи­епи­сколп Ка­зан­ский Ар­се­ний (Брян­цев) 8 ав­гу­ста 1901 го­да на­зна­чил иерос­хи­мо­на­ха Гав­ри­и­ла и. о., а за­тем на­мест­ни­ком Сед­ми­е­зер­ной пу­сты­ни.9 июня 1902 го­да воз­ве­дён в сан ар­хи­манд­ри­та.Став на­сто­я­те­лем мо­на­сты­ря, схи­ар­хи­манд­рит Гав­ри­ил про­явил недю­жин­ные хо­зяй­ствен­ные спо­соб­но­сти. При нём мо­на­стырь пре­вра­тил­ся не толь­ко в ду­хов­но бла­го­леп­ное, но и в хо­ро­шо ор­га­ни­зо­ван­ное эко­но­ми­че­ское со­об­ще­ство на са­мо­обес­пе­че­нии. Дол­гие го­ды ос­нов­ным ис­точ­ни­ком до­хо­дов мо­на­сты­ря бы­ла их глав­ная свя­ты­ня – Сед­ми­е­зер­ная ико­на Бо­жи­ей Ма­те­ри. С ико­ной по­сто­ян­но устра­и­ва­лись крест­ные хо­ды в раз­ные рай­о­ны Ка­зан­ской епар­хии. О. Гав­ри­ил, сам не раз при­ни­мая уча­стие в та­ких крест­ных хо­дах, убе­дил­ся, что для ино­че­ству­ю­щих они при­но­сят нема­ло ду­шев­но­го вре­да, и рас­по­ря­дил­ся пре­кра­тить их, а за­ра­ба­ты­вать на жизнь сво­и­ми ру­ка­ми. В 7-8 вер­стах от мо­на­сты­ря схи­ар­хи­манд­рит Гав­ри­ил по­стро­ил ху­тор, при­об­рёл все но­вые усо­вер­шен­ство­ван­ные сель­хоз­ма­ши­ны, по­стро­ил об­шир­ный скот­ный двор с улуч­шен­ной по­ро­дой мо­лоч­но­го ско­та, сви­нар­ник, пчель­ник, а так­же свои пе­чи для об­жи­га гли­ны и кир­пи­чей, куз­ни­цу, бон­дар­ню, сто­ляр­ную, са­пож­ную, порт­нов­ские ма­стер­ские. На все по­слу­ша­ния по хо­зяй­ству ба­тюш­ка ста­рал­ся ста­вить свою бра­тию, со­кра­щая преж­де боль­шое ко­ли­че­ство на­ём­ных ра­бот­ни­ков.Как вы­со­чай­ший ду­хов­ный ав­то­ри­тет ар­хи­манд­ри­та, так и его ак­тив­ная хо­зяй­ствен­ная де­я­тель­ность вы­зы­ва­ли недо­воль­ство у нера­ди­вых на­сель­ни­ков и в свет­ских кру­гах. Сре­ди неод­но­крат­ных жа­лоб в Си­нод на него был в 1908 го­ду и до­нос, в к-ром его об­ви­ня­ли в раз­ва­ле мо­на­сты­ря и в при­над­леж­но­сти к со­ци­ал-де­мо­кра­ти­че­ской пар­тии. Ка­зан­ский ар­хи­епи­скоп Ни­ка­нор (Ка­мен­ский) про­из­вёл ре­ви­зию в мо­на­сты­ре, 15 мая 1908 го­да схи­ар­хи­манд­рит Гав­ри­ил и каз­на­чей иеро­мо­нах Ти­хон бы­ли от­стра­не­ны от долж­но­стей. По сло­вам ар­хи­манд­ри­та Си­мео­на (Хол­мо­го­ро­ва), «ба­тюш­ка чуть бы­ло не умер от по­тря­се­ния». Офи­ци­аль­но вы­се­лен­ный из оби­те­ли, Гав­ри­ил неко­то­рое вре­мя жил в до­ми­ке, по­стро­ен­ном в пу­сты­ни на по­жерт­во­ва­ния по­чи­та­те­лей, за­тем в Ка­за­ни. Впо­след­ствии был оправ­дан.В кон­це июля 1908 го­да при­е­хал в псков­ский Еле­аза­ров мо­на­стырь, на­сто­я­те­лем ко­то­ро­го был его ду­хов­ный сын, ар­хи­манд­рит Иуве­на­лий (Мас­лов­ский). Для Гав­ри­и­ла был по­стро­ен до­мик с цер­ко­вью во имя ар­хан­ге­ла Гав­ри­и­ла, освя­щен­ной 7 ав­гу­ста 1910 го­да.На­пря­жён­ную мо­лит­вен­ную жизнь (еже­су­точ­но вы­чи­ты­вал 12 ты­сяч Иису­со­вых мо­литв, по­лу­ноч­ни­цу, ка­физ­мы, ча­сы, ве­чер­ню, ке­лей­ное пра­ви­ло) со­че­тал со стар­че­ским слу­же­ни­ем и ак­тив­ной пе­ре­пиской с ду­хо­вен­ством и ми­ря­на­ми. В Спа­со-Еле­аза­ров­ской оби­те­ли в пол­но­те рас­кры­лись стар­че­ские да­ро­ва­ния о. Гав­ри­и­ла – на­род нескон­ча­е­мым по­то­ком шёл к нему за ис­це­ле­ни­ем ду­ши и те­ла, за со­ве­том, уте­ше­ни­ем, вра­зум­ле­ни­ем. Окорм­лял на­сель­ниц псков­ско­го Ста­ро­го Воз­не­се­ния Гос­под­ня и псков­ско­го Иоан­но-Пред­те­чен­ско­го мо­на­сты­рей.С 1912 го­да со­сто­я­ние здо­ро­вья Гав­ри­и­ла ухуд­ша­лось. Пред­чув­ствуя ско­рую кон­чи­ну, под­го­то­вил усы­паль­ни­цу в Еле­аза­ро­вой пу­сты­ни. На­ступ­ле­ние немец­ких войск ле­том 1915 го­да и угро­за ока­зать­ся на ок­ку­пи­ро­ван­ной тер­ри­то­рии за­ста­ви­ли Гав­ри­и­ла в ав­гу­сте 1915 го­да. уехать в Ка­зань. Тя­же­ло­боль­ной ста­рец по­се­лил­ся на квар­ти­ре ин­спек­то­ра Ка­зан­ской ду­хов­ной ака­де­мии ар­хи­манд­ри­та Гу­рия (Сте­па­но­ва). Пе­ред кон­чи­ной схи­ар­хи­манд­ри­та Гав­ри­и­ла при­ча­стил иеро­мо­нах Иона (По­кров­ский).Скон­чал­ся 24 сен­тяб­ря 1915 го­да. По­хо­ро­нен в церк­ви пре­по­доб­но­го Ев­фи­мия Ве­ли­ко­го и свя­ти­те­ля Ти­хо­на За­дон­ско­го Сед­ми­е­зер­ной пу­сты­ни.В 1928–1929 го­ды оби­тель бы­ла за­кры­та и впо­след­ствии ра­зо­ре­на, за­хо­ро­не­ние осквер­не­но. Мо­щи свя­то­го вме­сте с Сед­ми­е­зер­ной Смо­лен­ской ико­ной со­хра­нил иерос­хи­мор­нах Се­ра­фим (Ка­шу­рин).

Молитвы

Тропарь преподобному Гавриилу (Зырянову), старцу Седмиезерной пустыни глас 4

От юности, богомудре, просветився любовью Христовою, суетный и многомятежный мир оставил еси. Житие свое вверя предстательству Пречистыя Богородицы, слез потоки изливал еси пред честным Ея образом, и теченьми их седьм езер освятил еси. И терпения ради украси тя небесными дарами Христос Бог наш, в чудесех и ученицех славна показа земле Казанской.

Ин тропарь преподобному Гавриилу (Зырянову), старцу Седмиезерной пустыни глас 4

Подвижник, яко един от древних, совершенство стяжал еси во многих скорбех, благодатными дары украшен быв обильно, новых мучеников воспитал еси Богу. Заступи нас и ныне молитвами твоими, Преподобие отче Гаврииле, старче наш.

Кондак преподобному Гавриилу (Зырянову), старцу Седмиезерной пустыни глас 5

Претерпел еси скорби и наветы вражии благодушно, кротостью, любовью и смирением побеждати зло научал еси, теплою молитвою со слезами предстоял еси Господу, созерцая тайная и будущая, яко настоящая, преподобие отче Гаврииле, не остави чад твоих усердным и скорым к Богу ходатайством.

Ин кондак преподобному Гавриилу (Зырянову), старцу Седмиезерной пустыни глас 2

Старчества явился еси доброе прозябение, блаженне, житие свое исполнил еси терпением, постом и молитвами. Прозорливости и исцеления дары стяжал еси, и ученицем своим проложи путь в Небесные селения. И ныне тамо молиши Христа Бога о всех зовущих ти: радуйся, преподобие отче Гаврииле, сосуде Святаго Духа, всея Казанския земли украшение.

Молитва преподобному Гавриилу (Зырянову), старцу Седмиезерной пустыни

О преподобие и богоносне отче наш, всечестный старче Гаврииле, отцев славо и праведных похвало! Во дни земнаго жития твоего в Спасовой и Богородичной обителех многия на путь правый наставивый, падшым руку помощи подавый, всем милостив и сострадателен отец бывый и новых мучеников Церкви Святой воспитавый! Ты и ныне, всеблаженный старче, в небесней пребывая обители, паче умножавши любовь твою к нам, грешным и недостойным чадом твоим, искушаемым злобою, унынием и неправдою. Сего ради к цельбоносным мощем твоим припадаем и смиренно молим тя: не премолчи за ны ко Господу и не презри нас, верою и любовию чтущих тя и поминающих святую память твою, буди нам помощник скорый во всяких скорбех, бедах и напастех, соблюди нас от всех видимых и невидимых враг, отжени от нас облак страстей и просвети наши очи сердечныя, исходатайствуй нам здравие душевное и телесное, не забуди нас и в час кончины нашея, егда наипаче твоего заступления смиренно потребуем. Испроси нам у Господа Бога нашего в мире и покаянии скончати живот наш, от мытарств и вечныя муки избавитися и сподобитися Царства Небеснаго с тобою и чадами твоими, ду¬ховными, во страданиих своих венцы приявшими нетленныя, и со всеми святыми, от века благоугодившими Господу и Богу нашему Иисусу Христу, Емуже подобает всякая честь и поклонение, со Безначальным Его Отцем и с Пресвятым и Благим, и Животворящим Его Духом, ныне и присно, и во веки веков. Аминь.

Акафист преподобному Гавриилу (Зырянову), Седмиезерному

Кондак 1

Избранный угодниче Христов и Его Пречистыя Матери неленостный служителю! Теплый о нас молитвенниче к Богу и Его любве образ чудный и совершенный! Приими от нас недостойных подобающую ти похвалу и, яко имеяй дерзновение ко Господу, от всяких нас бед и скорбей избавляй, да зовем ти: Радуйся, преподобие отче Гаврииле, любве Божия источниче неоскудеваемый.

Икос 1

Архангелу тезоименитаго и его житию подобника провиде тя всея твари Зиждитель словесы пророческими:- «Се, Мой еси!» Ты же от юности глас сей с Небеси услышав, всем сердцем возлюбил еси Бога возлюбившаго тя, преподобне отче Гаврииле. Сего ради зовем ти: Радуйся, от юности Богом избранный; Радуйся, в гражданство Небесное званный; Радуйся, мира сего красоту ни во чтоже вменивый; Радуйся, ангельское житие измлада возлюбивый; Радуйся, иго Христово верно восприявый; Радуйся, благодать онаго житием оправдавый; Радуйся, издетска образ молитвы слезныя; Радуйся, родителей благочестивых отрасль боголюбезная; Радуйся, преподобие отче Гаврииле, любве Божия источниче неоскудеваемый.

Кондак 2

Видев красоту Божественнаго видения, осенившаго тя благодатию Духа Святаго, родителей твоих удивил еси, не их чадом ся называя, но Божиим. Темже усердно последовал еси Своим тя Назвавшему, непрестанно взывая к Нему: Аллилуиа.

Икос 2

Разумом богопросвещенным постиг суету и непостоянство мира сего, преподобие Гаврииле, от юности твоея вечных благ возжелал еси и сотворил себе обиталище Святаго Духа. Мы же творим тебе пение сицевое: Радуйся, воздержанию от юности себе обучивый; Радуйся, постом и молитвою стрелы лукаваго до конца отразивый; Радуйся, сподобивыйся Божественнаго призвания; Радуйся, удостоивыйся от Господа оправдания; Радуйся, Христа Бога всем сердцем возлюбивый; Радуйся, яко по заповедем Его право ходивый; Радуйся, бранею праведности облеченный; Радуйся, светом боговедения просвещенный; Радуйся, преподобие отче Гаврииле, любве Божия источниче неоскудеваемый.

Кондак 3

Силою свыше от раны своея избавлен был еси, преподобие Гаврииле, в немощи праведному Симеону Верхотурскому помолився, и его молитвами исцелився пел еси Богу, Дивному во святых Своих: Аллилуиа.

Икос 3

Идущу тебе во обитель Верхотурскую издалеча ко многоцелебным мощем угодника Божия во исполнение обета, ему данного, узрел еси святаго в виде странника дивнаго. Милостыню же ему сотворив, услышал еси от него: « Монах будеши, схимник будеши, зде будеши». Мы же, дивящеся Божию о тебе благоволению, зовем ти: Радуйся, всего себя водительству Божию предавый; Радуйся, узкий и прискорбный путь монашескаго жития Его волею избравый; Радуйся, древних подвижников усердный соревнителю; Радуйся, добродетелей христианских рачителю; Радуйся, молитвами праведнаго Симеона исцеленный; Радуйся, в монашестве его предстательством предвосхищенный; Радуйся, любве ради Господа отечество оставивый; Радуйся, к воздержанному житию себе от юности наставивый; Радуйся, преподобие отче Гаврииле, любве Божия источниче неоскудеваемый.

Кондак 4

Бурею сомнений смутився и родительскаго гнева убоявся, яко класы хлебныя градом уязвленныя увеща отца оставити, у Самаго Бога испросити изобилия нивы дерзнул еси. Услышав же громоподобный глас с Небеси и зря велия дары Божия, воспе Ему: Аллилуиа.

Икос 4

Слыша велие житие Богомудрых отцев и старцев Оптиной пустыни и благочестию их подражати желая, благословения родительскаго испросил еси, отче преподобие. Они же, смирению твоему дивящеся, благословиша тя на тесный путь иноческаго жития. Мы же, восхваляюще твое благое изволение, поем ти: Радуйся, любовь велию к Богу показавый; Радуйся, в силе Его преспевавый; Радуйся, любовию божественною распаленный; Радуйся, образом жития отцев пустынных плененный; Радуйся, преподобным Амвросием благословенный; Радуйся, старцем Мелхиседеком от уныния и скорбей огражденный; Радуйся, пустыннолюбцев в искании Бога усердный сподвижниче; Радуйся, за враги своя и за вся теплейший молитвенниче; Радуйся, преподобие отче Гаврииле, любве Божия источниче неоскудеваемый.

Кондак 5

Боготечная великая светила, сияющия в пустыни Оптиной, облисташа тя, отрасль благую, ты же, духовным учителем подражая незлобием и кротостью, возсиял еси новою звездою и вкупе с ними взывал еси Богу: Аллилуиа.

Икос 5

Видел еси со скорбию яко, игумен, иноческаго пострижения тя лишает, обаче не возможе то поколебага крепости произволения твоего. Ты же, старческаго благословения испросив, во град Москву пришел еси. Мы же, видяще тя тяжкий крест на себе сим возложившаго, поем ти: Радуйся, не ради риз, но покаяния радионашество приемый; Радуйся, сладости плотския богомудре презревый; Радуйся, братолюбия прилежный строителю; Радуйся, постнически испытавый в Московских обителех; Радуйся, таланты своя в земли не сокрывый; Радуйся, сети тщеславия и гордыни сокрушивый; Радуйся, унывающих столпе утешения; Радуйся, монашествующим образе терпения; Радуйся, преподобне отче Гаврииле, любве Божия источниче неоскудеваемый.

Кондак 6

Проповедует стольный град Москва труды твоя и подвиги, богомудре Гаврииле, идеже во двою обителех потрудился еси, да новоначальному монашеству образ древнеотеческий будеши, научающий братию достойно воспевати Богу: Аллилуиа.

Икос 6

Возсиял еси от Уральския страны яко светило светозарное, преподобне отче, светом богопросвещенным освящая обителей множество. Посреде же них и Раифская пустынь, идеже священства удостоился еси. О сем тя ублажающе, воспеваем ти сице: Радуйся, хранителю старческих повелений; Радуйся, сопричастниче тайных откровений; Радуйся, восприявый древних отец следы; Радуйся, на зловерныя и враждотворцы от Бога получив победы; Радуйся, яко тобою зависть попирается; Радуйся, яко молитвами твоими к Богородице бесы изгоняются; Радуйся, в любви Христу дивный подражателю; Радуйся, тоя яко единаго богатства стяжателю; Радуйся, преподобне отче Гаврииле, любве Божия источниче неоскудеваемый.

Кондак 7

Хотя верен быти подражатель Агнца Божия, кротость и смирение Его себе усвоив, от завистных человек всякия обиды и скорби безропотно претерпел еси, егда из обители во град Казань удален бе; но ведый, яко скорбьми временными подается вечное спасение, взывал еси Спасу всех: Аллилуиа.

Икос 7

Новым повелением архиереовым стопы своя направил еси, отче присноблаженне, в пустынь при седми езерах, идеже Пресвятая Богородицы чудотворный образ стояше. Ты же, прославляя Ю, и обитель сию, паче прежняго прославил еси, егда поставлен бысть архимандритом тамо. Мы же тя прославляем сице: Радуйся, крине благоуханный пустыннаго прозябения; Радуйся, Божия Матери чадо возлюбленное и верное; Радуйся, Ея почитателю непоколебимый и благоусердный; Радуйся, союзом добродетелей удобренный; Радуйся, пустыни Седмиезерской благоукрасителю; Радуйся, иноческих подвигов ревнителю; Радуйся, путем к Небеси Боголюбие избравый; Радуйся, в злостраданиих смирением вся поправый; Радуйся, преподобие отче Гаврииле, любве Божия источниче неоскудеваемый.

Кондак 8

Страшный недуг порази тя, отче преподобие, имже на одре болезни пять лет держимо бе многострадальное тело твое, якоже иногда и души то него разлучатися. Ты же, прославление прп. Серафима предвосхищая, к помощи его в немощи взывал еси. По исцелении же образ его на немже идеже Мати Божия со мученики чудотворцу Саровскому явися, написа, поя Богу: Аллилуиа.

Икос 8

Всего себе предал еси воздвижению новаго храма, прп. отче, по приятии великия схимы помышляя, яко в храме сем по всем усопшим непрестанно Псалтирь чтома будет. В нем же литургисая, узрел еси светозарное видение всех святых, молящихся у Престола Владыки, Себе Самаго в жертву приносяща за ны, поющия Тебе: Радуйся, созерцателю лучезарнаго Божественнаго видения; Радуйся, всех святых увидевый пред Господом на молении; Радуйся, благоволением Богоматере осененный; Радуйся, боголюбче, дарами свыше одаренный; Радуйся, равную любовь к ближним живым и почившим простиравый; Радуйся, храм для неусыпнаго чтения Псалтири создавый; Радуйся, яко ничтоже имея ко строению, подвижеся к оному, на Бога уповая; Радуйся, яко по благословении архипастыря чудно создася церковное здание; Радуйся, преподобие отче Гаврииле, любве Божия источниче неоскудеваемый.

Кондак 9

Все множество человеческое удивися еже на земли во плоти твоему терпению и незлобию, преподобие отче, егда непорочна и праведна тя зряще и о благочестии ревнующа возмутишася против тебе братия законопреступная хотяща убити тя. Ты же, моля Господа, взывал еси Ему: Аллилуиа.

Икос 9

Велие твое терпение и теплую ко Христу любовь никтоже по достоянию поведати возможет, еда бесовским обещаниям угождая, изгнаша тя из обители клеветы ради, преподобие отче Гаврииле. Ты же пресели во Спасову обитель в пределех Псковских, идеже премного потрудился еси. Мы же, волю Божию в сем разумевающе, поем ти: Радуйся, правило благочестия и веры; Радуйся, за оныя поношения и изгнания претерпевый; Радуйся, от братии поруганный, бесчестие в почесть себе вменивый; Радуйся, козни нечестивых человек смирением победивый; Радуйся, потоками слез спасительных орошенный; Радуйся, истиннаго незлобия и братолюбия образ совершенный; Радуйся, чашу поругания, яко врачевство чистительное, испивший; Радуйся, за ненавидящих тя с любовию Господа моливший; Радуйся, преподобие отче Гаврииле, любве Божия источниче неоскудеваемый.

Кондак 10

Хотящу ти спасти чада твоя, к тебе во Ж множестве притекающая и предвидящу тебе годину лихолетия и на Церковь Христову гонения, ихже своим житием изобразил еси, любовь ко Господу яко корень всех благих заповедал еси им имети и тако претерпевати вся, до конца взывающе Богу: Ашшлуиа.

Икос 10

Стены Стасовы обители не возмогоша укрыти тя отче Гаврииле, мнози бо видяху тя равноангельна житием и прихождаху к тебе; слышавше же глаголы жизни вечныя, прославиша духовныя твоя подвиги во многих градах и весех Российских. Тем же и мы чествуем тя сими похвальными словесы: Радуйся, великия княгини Елисаветы духовный наставниче; Радуйся, архипастырем и пастырям тихое и верное пристанище; Радуйся, иночествующим помощниче богомудрый и скорый; Радуйся, чадом своим и нам путеводителю на неудобовосходимыя горы; Радуйся, вослед себе собор учеников ко Христу приведый; Радуйся, с ними, яко отец со чады, прияти мзду Небесную к Нему возшедый; Радуйся, слезами твоими землю и воды наша освятивый; Радуйся, житием своим будущия скорби Церкви Русския изобразивый; Радуйся, преподобие отче Гаврииле, любве Божия источниче неоскудеваемый.

Кондак 11

Пение всякое не довлеет к похвале твоей, отче преподобие, кто бо возможет по достоянию прославити многотрудное житие твое или восхвалите подвиги твоя? Токмо видяще тя паки, аще бо и в час смертный, людие града Казани плачуще взываша к Призывающему тя: Аллилуиа.

Икос 11

Светильника тя добрых дел, преподобие, исповедуем быти, яко теплыми молитвами ко Христу Богу и Пречистой Его Матери, о граде нашем и обители твоей ныне пред Ними ходатайствуеши и светом Божественныя любве согреваеши души и сердца приходящим к тебе и поющим тебе сице: Радуйся, светильниче Божественного света; Радуйся, молитвенниче усердный к Богу и Его Матери Всепетой; Радуйся, боголюбче, еще на земли созерцавый Свет Небесный; Радуйся, ради онаго избравый путь тяжкий и тесный; Радуйся, почитающим святую память твою Небесный покровителю; Радуйся, в горния обители нам путеводителю; Радуйся, вестниче любве Божия, к примирению с Господом всех призываяй; Радуйся, подвигом веры в любви к Нему нас укрепляяй; Радуйся, преподобие отче Гаврииле, любве Божия источниче неоскудеваемый.

Кондак 12

Благодати Божия светлое жилище быв в житии твоем, преподобие отче Гаврииле, и по смерти не оставлявши нас твоим предстательством пред Господом, научая и ныне учащихся, како подобает идти тесным путем спасения, прославляя, благодаря и взывая Ему: Аллилуиа.

Икос 12

Поюще твоя труды и подвиги, ублажаем тя, дивный старче, яко аще и преставился еси от нас, но жив сый и предстоя духом твоим пред Богом, ходатайствуеши за ны. Мы же, предстояще раце многоцелебных мощей твоих, прославляем тя: Радуйся, Российския земли духовное укрепление; Радуйся, граду Казани похвало и утверждение; Радуйся, Ангелов и всех святых собеседниче; Радуйся, Царствия Христова наследниче; Радуйся, молитвенниче за ны неусыпный; Радуйся, предстателю о нас непостыдный; Радуйся, яко на Небеси Богоначальную Троицу зриши; Радуйся, яко оставив мощи твоя на земли всем помощь твориши; Радуйся, преподобие отче Гаврииле, любве Божия источниче неоскудеваемый.

Кондак 13

О, пречудный старче, преподобие отче наш Гаврииле! Приими малую сию похвалу от недостойных и неразумных чад твоих. Присно моли о нас Пречистую Богородицу, яко пред честным Ея образом изливал еси слез потоки прося мира отечеству нашему, здравия и спасения всем живущим в нем. И ныне Сыну Ея Христу Богу нашему возноси молитвы и о нас, чтущих память Твою и вкупе с тобою поющих Ему: Аллилуиа.

Молитва преподобному Гавриилу (Зырянову), старцу Седмиезерной пустыни

О преподобие и богоносне отче наш, всечестный старче Гаврииле, отцев славо и праведных похвало! Во дни земнаго жития твоего в Спасовой и Богородичной обителех многия на путь правый наставивый, падшым руку помощи подавый, всем милостив и сострадателен отец бывый и новых мучеников Церкви Святой воспитавый! Ты и ныне, всеблаженный старче, в небесней пребывая обители, паче умножавши любовь твою к нам, грешным и недостойным чадом твоим, искушаемым злобою, унынием и неправдою. Сего ради к цельбоносным мощем твоим припадаем и смиренно молим тя: не премолчи за ны ко Господу и не презри нас, верою и любовию чтущих тя и поминающих святую память твою, буди нам помощник скорый во всяких скорбех, бедах и напастех, соблюди нас от всех видимых и невидимых враг, отжени от нас облак страстей и просвети наши очи сердечныя, исходатайствуй нам здравие душевное и телесное, не забуди нас и в час кончины нашея, егда наипаче твоего заступления смиренно потребуем. Испроси нам у Господа Бога нашего в мире и покаянии скончати живот наш, от мытарств и вечныя муки избавитися и сподобитися Царства Небеснаго с тобою и чадами твоими, ду¬ховными, во страданиих своих венцы приявшими нетленныя, и со всеми святыми, от века благоугодившими Господу и Богу нашему Иисусу Христу, Емуже подобает всякая честь и поклонение, со Безначальным Его Отцем и с Пресвятым и Благим, и Животворящим Его Духом, ныне и присно, и во веки веков. Аминь.