Священноисповедник Георгий Коссов

26 Августа / 8 Сентября
27 Января / 9 Февраля (281-й день после Пасхи) Собор новомучеников и исповедников Церкви Русской

Ис­тин­ный ис­по­вед­ник ве­ры Хри­сто­вой про­то­и­е­рей Ге­ор­гий Алек­се­е­вич Кос­сов ро­дил­ся 4 ап­ре­ля 1855 го­да в се­ле Ан­д­ро­со­во Дмит­ров­ско­го уез­да Ор­лов­ской гу­бер­нии. То­гда, в се­ре­дине 19-го ве­ка, рус­ские лю­ди, осо­бен­но в се­лах, креп­ко и свя­то хра­ни­ли все тра­ди­ции оте­че­ствен­но­го бла­го­че­стия. Они не пред­став­ля­ли свою жизнь без кре­ще­ния де­тей, вен­ча­ния су­пру­гов, без пра­во­слав­но­го по­гре­бе­ния умер­ших. Ро­ди­те­ли Ге­ор­гия Кос­со­ва бы­ли очень бла­го­че­сти­вы­ми. Отец был свя­щен­ни­ком, а ма­туш­ка вос­пи­ты­ва­ла де­тей. Имя сво­е­му пер­вен­цу Кос­со­вы вы­бра­ли в честь Ге­ор­гия По­бе­до­нос­ца, весь­ма по­чи­та­е­мо­го на Ру­си как по­бе­ди­те­ля тем­ных сил. В серд­це от­ро­ка за­па­ло мно­же­ство рас­ска­зов о чу­до­тво­ре­ни­ях, ис­це­ле­ни­ях, по­мо­щи в нуж­дах и да­же спа­се­ни­ях от смер­ти. Ро­ди­те­ли стре­ми­лись дать Ге­ор­гию хо­ро­шее об­ра­зо­ва­ние. Вна­ча­ле он учил­ся в сель­ской шко­ле, ко­гда встал во­прос о про­дол­же­нии об­ра­зо­ва­ния, Ге­ор­гий по­слу­шал­ся со­ве­та ро­ди­те­лей, неустан­но на­став­ляв­ших сы­на в пра­ви­лах хри­сти­ан­ско­го бла­го­по­лу­чия. В се­ми­на­рии Ге­ор­гия Кос­со­ва от­ли­ча­ла чи­сто­та ду­шев­ная, сми­ре­ние и про­яв­ле­ние люб­ви нели­це­мер­ной. Бла­го­го­вей­ный ин­те­рес он про­яв­лял к изу­че­нию Свя­щен­но­го Пи­са­ния и тру­дов Свя­тых От­цов, лю­бил пре­да­вать­ся мо­лит­вам и пе­нию псал­мов. По­сле се­ми­на­рии он по­шел учи­тель­ство­вать к се­бе на ро­ди­ну, в Дмит­ров­ский уезд, в зем­скую шко­лу. Уро­ки, к ко­то­рым Ге­ор­гий Кос­сов го­то­вил­ся с осо­бой тща­тель­но­стью, бы­ли как бы ма­лы­ми про­по­ве­дя­ми, об­ра­щен­ны­ми к са­мо­му серд­цу де­тей, не мо­гу­щих не чув­ство­вать за­бо­ту и лю­бовь учи­те­ля. На эк­за­ме­нах он все­гда по­лу­чал на­гра­ды за сво­их уче­ни­ков. Ко­гда Ге­ор­гий Кос­сов стал за­ве­до­вать шко­лой, яр­ко про­явил­ся его пе­да­го­ги­че­ский та­лант, за­ме­ча­лись в вы­пуск­ни­ках его шко­лы бо­го­бо­яз­нен­ность, при­мер­ная дис­ци­пли­ни­ро­ван­ность и раз­ви­тые прак­ти­че­ские на­вы­ки. А в сво­бод­ное вре­мя Ге­ор­гия неудер­жи­мо тя­ну­ло в храм. Он лю­бил служ­бы так, слов­но храм был род­ной его дом. И это был зов Бо­жий к осо­знан­но­му по­движ­ни­че­ству. Се­рьез­ная бо­лезнь не удер­жа­ла Ге­ор­гия от по­дви­га во имя Хри­сто­ва. И по ме­ре то­го, как уси­ли­ва­лись его мо­лит­вен­ные про­ше­ния, укреп­ля­лась у него на­деж­да на Все­выш­нее ми­ло­сер­дие.  Ге­ор­гий со­че­тал­ся бра­ком с де­ви­цей про­сто­го зва­ния, си­ро­той, бес­при­дан­ни­цей, но бла­го­че­сти­вой. В 1884 г. Ге­ор­гий Кос­сов был ру­ко­по­ло­жен во свя­щен­ни­ка и на­зна­чен на бед­ней­ший при­ход в Ор­лов­ской епар­хии – се­ло Спас-Че­кряк Бол­хов­ско­го уез­да. И на этом ме­сте Гос­подь про­сла­вил его имя.  Бед­ствен­ное по­ло­же­ние при­хо­да из 14 дво­ров ужас­ну­ло но­во­го свя­щен­ни­ка, и ему ста­ло по­нят­но, по­че­му здесь не дер­жал­ся при­чт. В двух вер­стах от де­рев­ни сто­я­ла вет­хая и пу­стая цер­ковь, где во вре­мя служ­бы да­же Свя­тые Да­ры за­мер­за­ли, – вот где он дол­жен был слу­жить. А серд­ца сель­чан так бы­ли да­ле­ки от церк­ви и от Бо­га, что мо­ло­дой свя­щен­ник сра­зу же впал в рас­те­рян­ность. Не од­ну бес­сон­ную ночь про­вел в раз­мыш­ле­ни­ях о. Ге­ор­гий, ко­гда же ста­ло нев­мо­го­ту от безыс­ход­но­сти, ре­шил он пой­ти к му­жу вы­со­ко­му по ду­хов­ным за­слу­гам, в Оп­ти­ну пу­стынь. Там сто­ял на Бо­же­ствен­ной стра­же ве­ли­кий по­движ­ник, укра­шен­ный обиль­ны­ми ду­хов­ны­ми да­ро­ва­ни­я­ми – о. Ам­вро­сий. Ста­рец при­ни­мал лю­дей, неко­то­рых от­дель­но, или всех на об­щее бла­го­сло­ве­ние, вна­ча­ле муж­чин, а по­том жен­щин. О. Ге­ор­гий сто­ял в тол­пе, да­ле­ко от вхо­да. Ко­гда на­ко­нец ста­рец по­явил­ся, в бе­лом ба­ла­хоне и ме­хо­вой ряс­ке, он оста­но­вил­ся на сту­пень­ке пе­ред рас­сту­пив­шим­ся на­ро­дом, по­мо­лил­ся пе­ред по­став­лен­ной ико­ной Бо­жи­ей Ма­те­ри «До­стой­но есть». За­тем вни­ма­тель­но взгля­нул в тол­пу. И как же ве­ли­ко бы­ло удив­ле­ние о. Ге­ор­гия, ко­гда ста­рец стал ма­нить его через тол­пу к се­бе. А ведь он ни­ко­гда не ви­дел и не слы­шал о Ге­ор­гии Кос­со­ве, ко­то­рый и в мо­на­стырь при­шел без иерей­ской одеж­ды. А ста­рец за­го­во­рил: «Ты, иерей, что там та­кое за­ду­мал? При­ход бро­сать?! Храм, вишь, у него стар, за­ва­ли­вать­ся стал. А ты строй но­вый, да боль­шой, ка­мен­ный, да теп­лый, да по­лы в нем чтоб бы­ли де­ре­вян­ные: боль­ных при­во­зить бу­дут, так им чтоб теп­ло бы­ло. Сту­пай, иерей, до­мой, сту­пай, да дурь-то из го­ло­вы вы­кинь! Помни: храм-то строй, как я те­бе ска­зы­ваю. Сту­пай, иерей. Бог те­бя бла­го­сло­вит! С ве­ли­ким недо­уме­ни­ем вос­при­нял о. Ге­ор­гий по­ве­ле­ние про­зор­ли­во­го стар­ца. Как воз­двиг­нуть ка­мен­ный храм, мож­но ска­зать, в пу­стыне! Ка­кое усер­дие и тру­ды на­до по­ло­жить! Вер­нув­шись в Спас-Че­кряк, о. Ге­ор­гий ре­шил про­дол­жить свое слу­же­ние при хра­ме здеш­нем, еще не ве­дая, что сию оби­тель ме­стом по­дви­гов, дабы бы­ло про­слав­ле­но имя Бо­га. Он при­сту­пал к слу­же­нию с бла­го­го­вей­ным тре­пе­том. В мо­лит­ве его оза­ря­ла ра­дость ожи­да­ния яв­ле­ния сла­вы Бо­жи­ей, а ду­ша его пе­ре­пол­ня­лась вос­тор­гом о див­ных де­лах Гос­под­них. Пе­ре­не­сен­ные ис­ку­ше­ния раз­ви­ли в нем сми­ре­ние, страх Бо­жий укре­пил его по­движ­ни­че­ство. Бла­го­дать про­све­ти­ла его ра­зум. В празд­нич­ные дни, осо­бен­но 22 ок­тяб­ря, в день празд­но­ва­ния Ка­зан­ской ико­ны Бо­жи­ей Ма­те­ри о. Ге­ор­гий осо­бен­но дол­го и усерд­но свер­шал Бо­го­слу­же­ния. И в этот день в Спас-Че­кряк ста­ли стре­мить­ся не толь­ко при­хо­жане, но и па­лом­ни­ки из дру­гих мест. А по­сле служ­бы, ко­гда они под­хо­ди­ли к о. Ге­ор­гию с во­про­са­ми, он от­ве­чал об­сто­я­тель­но и ду­ше­спа­си­тель­но. Как-то по­лу­ча­лось у него сра­зу же по­нять ду­хов­ное со­сто­я­ние че­ло­ве­ка, его ду­хов­ную бо­лезнь, ука­зы­вал он преж­де все­го хри­сти­ан­ские сред­ства из­ле­че­ния неду­гов. Лю­ди ста­ли про­яв­лять к нему боль­шую бла­го­дар­ность и по­чи­та­ние.  Быст­ро рас­про­стра­ни­лась сла­ва о по­движ­ни­че­ской жиз­ни и обиль­ных доб­ро­де­те­лях вер­но­го пас­ты­ря. На­род во мно­же­стве сте­кал­ся в Спас-Че­кряк, же­лая узреть див­ное жи­тие ис­по­вед­ни­ка ве­ры, по­лу­чить от него бла­го­сло­ве­ние, услы­шать сло­во на­зи­да­ния. На­все­гда оста­ва­лась в серд­це лю­дей, по­бы­вав­ших на бо­го­слу­же­ни­ях в Спас-Че­кря­ке, па­мять о тех ду­хов­но сла­дост­ных ми­ну­тах, ко­то­ры­ми уте­ши­ла Ца­ри­ца Небес­ная через Ее чу­до­твор­ную ико­ну. Не толь­ко ве­ли­ко­ле­пи­ем и тор­же­ствен­но­стью от­ли­ча­лись служ­бы здесь, а неким про­ник­но­вен­ным на­стро­е­ни­ем слу­же­ния свя­щен­ни­ка Гос­по­ду и Его Пре­чи­стой Ма­те­ри, небес­ным Си­лам.  Со всех сто­рон, а Спас-Че­кряк на­хо­дил­ся на гра­ни­це трех гу­бер­ний – Ор­лов­ской, Ка­луж­ской и Туль­ской, – шли к ба­тюш­ке за со­ве­том лю­ди раз­ных зва­ний и со­сто­я­ния, по­ла и воз­рас­та. Для при­ез­жих у него был да­же вы­стро­ен стран­ни­че­ский дом, по­до­бие го­сти­ни­цы, по­стро­ен­ный из кир­пи­ча, сде­лан­но­го на сво­ем кир­пич­ном за­во­де. Свою хо­зяй­ствен­ную де­я­тель­ность ба­тюш­ка и на­чал с то­го, что устро­ил в 1896 г. неболь­шой кир­пич­ный за­вод. На нем и ра­бо­та­ли при­хо­жане се­ла. А при­ез­жие не толь­ко по­лу­чи­ли кров, ба­тюш­ка при­хо­дил к ним, вме­сте они вку­ша­ли тра­пе­зу, он так­же от­ве­чал на ве­ли­кое мно­же­ство во­про­сов.  По дан­ным бла­го­да­ти Бо­жи­ей о. Ге­ор­гий ис­це­лял лю­дей. К нему при­во­зи­ли и бес­но­ва­тых. Они ужас­но му­чи­лись, одер­жи­мые как бы ли­ша­лись ра­зу­ма, при­хо­ди­ли в ис­ступ­ле­ние. Неистов­ство­ва­ли, кри­ча­ли, во­пи­ли, ино­гда по­вер­га­лись к но­гам свя­щен­ни­ка. Он мо­лил­ся, окроп­лял их свя­той во­дой, и тем­ные си­лы остав­ля­ли боль­ных. Слу­чаи ис­це­ле­ний бы­ли мно­го­чис­лен­ны и каж­до­днев­ны. Бы­ва­ло не раз, что боль­но­го, рас­слаб­лен­но­го под­но­си­ли к ба­тюш­ке, а из Спас-Че­кря­ка он шел бод­ро, на сво­их но­гах, воз­но­ся мо­лит­вы ми­ло­сер­дию Бо­жию. Для тя­же­ло страж­ду­щих и боль­ных по­движ­ник от­крыл в Спас-Че­кря­ке боль­ни­цу. Еже­днев­но он в ней де­лал «об­хо­ды» боль­ных, из­ле­чи­вал тех, ко­го род­ные уже не ча­я­ли ви­деть здо­ро­вы­ми. По­движ­ни­ка так по­чи­та­ли и ве­ри­ли в его неустан­ное за­ступ­ни­че­ство, что счи­та­ли, что, ес­ли ба­тюш­ка по­мо­лит­ся, Гос­подь обя­за­тель­но ис­пол­нит его про­ше­ние. И Бог в са­мом де­ле вни­мал сло­вам пра­вед­ни­ка, про­слав­лен­но­го да­ром про­зре­ния. Про­ро­че­ства ба­тюш­ки пре­под­но­си­лись лю­дям в на­став­ле­нии За­по­ве­дей Бо­жьих. И сло­во его бы­ло ис­точ­ни­ком ис­це­ле­ний для ве­ру­ю­щих. В 1896 го­ду на­ча­лось стро­и­тель­ство хра­ма во ис­пол­не­ние по­ве­ле­ния от­ца Ав­ро­сия. А в 1905 го­ду уже кра­со­вал­ся за­ме­ча­тель­ный трех­пре­столь­ный храм во имя Пре­об­ра­же­ния Гос­под­ня, зна­ме­ну­ю­щий в са­мом де­ле пре­об­ра­же­ние всей жиз­ни в этом, недав­но еще за­хо­луст­ном се­ле, где тек­ла се­рая, скуч­ная, го­лод­ная жизнь, в ме­сте, ко­то­рое не на­зы­ва­ли ина­че, как Бо­гом за­бы­тое. И, об­ра­ти­лось оно в ме­сто Бо­жи­ей сла­вы. Ве­ли­кие бла­го­де­я­ния Бо­жии бы­ли яв­ле­ны в Спас-Че­кря­ке по­движ­ни­ку за его свя­тое жи­тие. Лю­ди не уста­ва­ли ди­вить­ся его бла­го­че­стию, а Си­ла Бо­жия по­дви­га­ла его на все бо­лее ве­ли­кие де­ла. Не имея средств, а упо­вая толь­ко на чу­до­дей­ствен­ную по­мощь, о. Ге­ор­гий, при­няв­ший ве­нец доб­ро­ты из рук Гос­по­да, на­чал устра­и­вать в де­ревне при­ют. В Спас-Че­кря­ке воз­ник­ло неви­дан­ное до­то­ле на Ру­си ме­сто спа­се­ния си­ро­ток. Этот при­ют для ста пя­ти­де­ся­ти кре­стьян­ских си­рот о. Ге­ор­гий, окры­лен­ный лю­бо­вью к Бо­гу, со­зда­вал с по­мо­щью лю­дей и про­сто­го зва­ния, и знат­ных, бла­го­род­но­го про­ис­хож­де­ния. Они нес­ли свои ко­пе­еч­ки и до­сто­я­ние. К муд­ро­му пас­ты­рю Хри­сто­ву при­шли вер­ные спо­движ­ни­ки – пе­да­го­ги и вос­пи­та­те­ли. А на­чаль­ство и ду­хов­ное ру­ко­вод­ство взял на се­бя отец Ге­ор­гий, по­да­вая всем при­мер тру­до­лю­бия, воз­дер­жа­ния и сми­ре­ния, из­бе­гая су­е­ты ми­ра. 22 ок­тяб­ря 1903 г., в день празд­но­ва­ния ико­ны Ка­зан­ской Бо­жи­ей Ма­те­ри, со­сто­я­лось в Спас-Че­кря­ке освя­ще­ние вто­ро­класс­ной шко­лы, ко­то­рой не бы­ло да­же в уез­де. Освя­ще­ние шко­лы об­ра­ти­лось во все­на­род­ный празд­ник в Спас-Че­кря­ке, на ко­то­рый при­е­ха­ли ду­хо­вен­ство, гу­берн­ские и уезд­ные пред­ста­ви­те­ли вла­стей, гу­берн­ские и уезд­ные пред­ста­ви­те­ли вла­стей, ду­хов­ные де­ти о. Ге­ор­гия, по­чи­та­те­ли его свя­то­сти. В при­хо­де о. Ге­ор­гия бы­ло по­стро­е­но еще несколь­ко школ: Си­го­ла­ев­ская (дер. Си­го­ла­е­во), Шпилев­ская (дер. Шпиле­во) и Мер­ку­лов­ская (дер. Мер­ку­ло­во), в ко­то­рых о. Ге­ор­гий был по­пе­чи­те­лем и за­ко­но­учи­те­лем. Его по­чи­та­ли бла­го­де­те­лем и Бол­хов­ско­го уез­да, и всей зем­ли ор­лов­ской. Без бла­го­сло­ве­ния о. Ге­ор­гия в уез­де не на­чи­на­лось ни­ка­кое де­ло, за со­ве­том, за по­мо­щью обя­за­тель­но еха­ли к нему. Ото­всю­ду еха­ли в Спас-Че­кря­ке лю­ди раз­ных по­ло­же­ний и со­сто­я­ний, знат­ные и про­сто­лю­ди­ны, чтобы убе­дить­ся в ис­тин­но­сти той сла­вы, ко­то­рая рас­про­стра­ни­лась об этом свет­лом угол­ке в глу­бине Рос­сии. По­се­тил Спас-Че­кряк клас­сик рус­ской ли­те­ра­ту­ры М. При­швин, и о тех ди­вах, что пред­ста­ви­лись в Спас-Че­кря­ке, он на­пи­сал очерк «Но­вая зем­ля». Рас­ска­зы­вал он и о свя­том ко­лод­це ба­тюш­ки Его­ра, и о ве­ли­кой пре­дан­ной ве­ре по­чи­та­те­лей по­движ­ни­ка, и о чуд­ных слу­ча­ях про­зре­ния и из­ле­че­ния хри­сти­ан. Вы­со­ко чтил по­движ­ни­ка свя­той Иоанн Крон­штадт­ский и вы­го­ва­ри­вал ор­лов­ским па­лом­ни­кам, за­чем они ез­дят к нему, ко­гда у них есть та­кой свя­той ба­тюш­ка, за­слу­жив­ший сво­ей бо­го­угод­ной жиз­нью лю­бовь у Гос­по­да. На дру­гой день по­сле ок­тябрь­ско­го пе­ре­во­ро­та о. Ге­ор­гия в Спас-Че­кря­ке по­се­тил Ор­лов­ско-Сев­ский епи­скоп Се­ра­фим (Ост­ро­умов), бу­ду­щий но­во­му­че­ник. По­сле бе­се­ды с про­зор­лив­цем он по­ки­нул его дом со сле­за­ми на гла­зах. По­ру­чая се­бя Про­мыс­лу Бо­жи­е­му, о. Ге­ор­гий про­дол­жал уте­шать свою паст­ву, про­жи­ва­ю­щую в столь мя­теж­ном ми­ре. И бла­го­да­ря его свя­тым уси­ли­ям Спас-Че­кряк был как бы ост­ров­ком по­сре­ди раз­бу­ше­вав­ше­го­ся мо­ря. Цер­ковь от­де­ли­ли от го­су­дар­ства. Вла­сти ста­ли раз­жи­гать нена­висть к ней и ду­хо­вен­ству. Пре­сле­до­вать ста­ли всех ду­хов­ных лиц и их род­ствен­ни­ков. Осе­нью 1918 го­да крас­но­ар­мей­цы при­е­ха­ли и за ба­тюш­кой в Спас-Че­кряк, чтобы за­брать его в тюрь­му. Но, уви­дев его необык­но­вен­ную кро­тость, сми­ре­ние и люб­ве­обиль­ность, несколь­ко да­же рас­те­ря­лись: как та­ко­го че­ло­ве­ка аре­сто­вать? В уезд­ной тюрь­ме не ве­да­ли, что де­лать с но­вым зна­ме­ни­тым аре­стан­том, как же за­пи­сы­вать его во вра­ги на­ро­да. На свои сред­ства со­дер­жал си­рот­ский дом, несколь­ко школ, кир­пич­ный за­вод, боль­ни­цу, все­гда по­мо­гал кре­стья­нам. Лю­ди его лю­би­ли и сте­ной бы­ли за него. С удив­ле­ни­ем смот­ре­ли боль­ше­ви­ки на вы­со­кую лич­ность пас­ты­ря, в гла­зах ко­то­ро­го си­я­ла ис­тин­ная лю­бовь к Бо­гу и лю­дям и же­ла­ние слу­жить им до по­след­не­го вздо­ха. Про­мы­сел Бо­жий про­дол­жал хра­нить угод­ни­ка сре­ди раз­бу­ше­вав­ше­го­ся мя­те­жа. Вла­сти вы­пу­сти­ли его из тюрь­мы, опа­са­ясь гне­ва на­род­но­го. Но в на­ча­ле два­дца­тых го­дов в Спас-Че­кряк при­бы­ла спе­ци­аль­ная ко­мис­сия по изъ­я­тию цер­ков­ных цен­но­стей и по­тре­бо­ва­ла сдать все из­де­лия из зо­ло­та и се­реб­ра. Цен­но­стей у свя­щен­ни­ка не ока­за­лось, его об­ви­ни­ли в укры­ва­тель­стве, аре­сто­ва­ли, от­пра­ви­ли уже не в уезд­ную тюрь­му, где мог­ли к нему про­явить ка­кое-ли­бо снис­хож­де­ние, а в гу­берн­скую. Же­лая уни­зить его сан, слу­жи­те­ли тюрь­мы да­ва­ли от­цу Ге­ор­гию вы­пол­нять са­мые гряз­ные уни­зи­тель­ные ра­бо­ты. Но дру­гие аре­стан­ты са­ми стре­ми­лись сде­лать их, вся­че­ски ограж­дая по­лю­бив­ше­го­ся им ба­тюш­ку от утес­не­ний. Вла­сти и на этот раз не смог­ли предъ­явить ба­тюш­ке улик его ви­нов­но­сти и сно­ва бы­ли вы­нуж­де­ны от­пу­стить. Бог про­дол­жал обе­ре­гать сво­е­го угод­ни­ка. Жиз­нен­ные невзго­ды и неустан­ные пас­тыр­ские тру­ды ухуд­ши­ли здо­ро­вье свя­щен­ни­ка. На­ча­лись бо­ли в же­луд­ке, пе­че­ни. Бо­лезнь ско­вы­ва­ла так, что не бы­ло сил встать на но­ги. Но и на смерт­ном ло­же не остав­лял ба­тюш­ка сво­ей по­пе­чи­тель­но­сти о ближ­них, не от­ка­зы­вал при­хо­дя­щим к нему лю­дям, при­ни­мал их ле­жа и го­во­рил им: «Все. Остав­ляю вас. На­дей­тесь те­перь на Бо­га. А ко мне с ва­ши­ми бе­да­ми при­хо­ди­те на мо­гил­ку, как к жи­во­му. Как и преж­де, бу­ду за вас мо­лить­ся и вам по­мо­гать». Пе­ред смер­тью о. Ге­ор­гия об­ва­лил­ся свя­той ко­ло­дец в Спас-Че­кря­ке, а непо­да­ле­ку за­бил но­вый род­ник. Ба­тюш­ке при­нес­ли из него во­ды. Он по­мо­лил­ся над нею, по­про­сил вы­лить во­ду в род­ник, ко­то­рый, как за­по­ве­до­вал, станет свя­щен­ным ко­лод­цем, бу­дет те­перь ис­це­лять ве­ру­ю­щих.  Умер он 26 ав­гу­ста 1928 го­да по ста­ро­му сти­лю. Всех лет его зем­ной жиз­ни бо­лее 73. Мно­же­ство на­ро­да спе­ши­ло в Спас-Че­кряк, же­лая воз­дать долг по­чи­та­ния и люб­ви, по­про­щать­ся с тем, кто жил Бо­га ра­ди. Вла­стям не уда­лось за­пре­тить по­кло­не­ния усоп­ше­му. Плач сто­ял по нему ве­ли­кий. Мно­гие толь­ко те­перь по­ня­ли, к ка­кой свя­то­сти бы­ли при­об­ще­ны. Гроб с те­лом в ве­ли­че­ствен­ном крест­ном хо­де об­нес­ли во­круг церк­ви и по­хо­ро­ни­ли свя­то­го око­ло церк­ви у ал­та­ря. Про­шли де­сят­ки лет, мно­гое пе­ре­ме­ни­лось и в Рос­сии, и в Спас-Че­кря­ке. Но неиз­мен­но по­яви­лось то, что не мо­жет ру­ка че­ло­ве­че­ская раз­ру­шить – де­ла Бо­жии. Не за­гла­ди­лась и уве­рен­ность в свя­то­сти о. Ге­ор­гия Кос­со­ва. Ду­хов­ные де­ти его по­ста­ви­ли па­мят­ник и оград­ку на мо­ги­ле. К ней «не за­рас­та­ла на­род­ная тро­па». Лю­ди ис­пы­ты­ва­ли на се­бе по­мощь от мо­литв к о. Ге­ор­гию, ока­зы­ва­лись сви­де­те­ля­ми чу­дес по его пред­ста­ви­тель­ству. Он яв­лял­ся в сно­ви­де­ни­ях, лю­ди ис­це­ля­лись, ку­па­ясь в ба­тюш­ки­ном свя­том ко­лод­це. В ав­гу­сте 2000 го­да на юби­лей­ном Ар­хи­ерей­ском Со­бо­ре Ге­ор­гий Кос­сов за свое свя­тое жи­тие был ка­но­ни­зи­ро­ван в чине свя­щен­но­ис­по­вед­ни­ка. Ор­лов­ское ду­хо­вен­ство об­ре­ло мо­щи свя­щен­но­ис­по­вед­ни­ка Ге­ор­гия Кос­со­ва в день па­мя­ти Ве­ли­ко­му­че­ни­ка Ге­ор­гия По­бе­до­нос­ца, ко­то­рый в дни зем­но­го бы­тия ба­тюш­ки был его ан­ге­лом-хра­ни­те­лем. И от­ныне 9 де­каб­ря бу­дет днем об­ре­те­ния свя­тых мо­щей свя­щен­но­ис­по­вед­ни­ка Ге­ор­гия Кос­со­ва.

Ис­точ­ник: http://www.oryol.ru

Молитвы

Тропарь священноисповеднику Георгию Коссову глас 6

Пастырю добрый Бога в сердце смирением стяжавый / Орловския земли предивное украшение. / Послушанием, терпением страхования преодолевый, / на месте пусте храм и школу создавый. / Любовью Христовой всех согревая, / силою благодати бесы изгоняя, / явлением мощей твоих нас ободряя, / святой праведный отче Георгие, / молись Пресвятой Троице спастися душам нашим.

Кондак священноисповеднику Георгию Коссову глас 6

Чудесы и подвиги украшенный / святое житие оставил еси нам в память. / Мы же с любовию верно чтущие Тя / молим, покрывай нас от всех бед и напастей / святою своею любовию, / священноисповедниче Георгие.

Величание священноисповеднику Георгию Коссову

Величаем тя, священноисповедниче Георгие, и чтим святую память твою, ты бо молиши за нас Христа Бога нашего.

Молитва священноисповеднику Георгию Коссову

О, преблаженне отче наш Георгие! Призри ныне от горния славы на нас смиренных и немощных, обремененных грехи многими, твоея помощи и утешения умильно просящих. Темже молим тя, отче святый, испроси и нам у Бога благоприятное и спасительное время на покаяние. Да отпустит Всемилостивый Господь народу нашему грехи за предание и убиение Царя, Помазанника Божия, за осквернение и разорение храмов Православных, за поругание всякия святыни земли Русския. Вемы яко осуетихомся умом и сердцем предахомся непотребным и лютым страстем, благочестие презрехом, паче же бесовское нечестие возлюбихом. Простри убо ныне молитвенно руцы твои ко Владыце всех и Господу, и испроси щедродательную Его милость да избавит нас от беззаконий наших, от всяких бед и скорбей за еже на ны пришедших, от расколов и ересей и от гонений иноплеменников на Церковь Православную. Веруем, отче всеблаженне, яко аще Христовою любовию возлюбил еси ближния твоя еще на земли тебе бывшу, кольми паче любиши вся ны и на небесех ныне водворяяся. Умоли, священноисповедниче наш Георгие, купно со всеми Мученики и Исповедники, Господа Бога Царя Сил, да подаст и нам грехов прощение, да процветет в России вера Православная и водворится паки ликование праведных.и да возстанет из забвения престол православных царей. Не презри убо молений наших, изливаемых ныне пред тобою, и вознеси я ко всещедрому Богу, яко кадило благовонное, да твоими ходатайствы почиет благодать Его во граде нашем, идеже почитаются преславное имя и многоцелебные мощи твои. Темже сохраняеми твоим предстательством, мирно и благочестно да поживем в веце сем, да никтоже во уповании своем на тя посрамлен будет, и да обрящем благодать и милость Господа нашего, Емуже подобает всякая слава, честь и поклонение ныне и присно и во веки веков. Аминь.

Акафист священноисповеднику протоиерею Георгию Коссову

Кондак 1

Избранный воине Христов, священноисповедниче отче Георгие, венцем славы небесныя украшенный, похвальное пение тебе приносим, ты же яко дерзновение имея ко Господу, моли Всеблагаго Царя Славы даровати милость почитающим святую память твою и теплым сердцем поющим:Радуйся, отче Георгие, твердый исповедниче и заступниче земли нашея.

Икос 1

От юности Христа возлюбил еси, и Тому тесным путем последовав, сосуд избран Духа Святаго явился еси, дар чудотворения и прозрения восприемый. Орловския земли заступниче, богоизбранне отче Георгие, преславный защитниче от врагов спасения нашего видимых и невидимых, темже нас на похвалу твою воздвизаеши радостию воспевати ти: Радуйся благочестивых родителей чадо прелюбезное; радуйся страху Божию и чистоте теми наученный.Радуйся, со млеком матерним веру православную впитавый;радуйся, узкий путь и тесныя врата ко спасению избравый.Радуйся Орловския страны в вере утверждение;радуйся, пред престолом Бога Вышняго наш твердый предстателю.Радуйся, отче Георгие, твердый исповедниче и заступниче земли нашея.

Кондак 2

Видя сердца твоего благое намерение, Христос предначерта узкий и тернистый путь спасения твоего. В зиму лютую, в болезни и нищете притекл еси в Спас-Чекряк, идеже место бе пусто и безлюдно. Но обаче то избра Господь да прославится тамо Имя Его, и бысть сие поприщем подвигов твоих. Темже взываем с радостию Богу: Аллилуйя.

Икос 2

Слыша велие житие и благочестие богомудрых отцев и старцев Оптинстих, бурею помышлений движимый пришел еси яко странник убогий к великому старцу Амвросию да укрепит твое сердце, и да наставит тя на подвиг пастырского служения. Он же, яко провидев вся Божия произволения о тебе, паки возврати тя в Спас-Чекряк, идеже и обрел еси доброе пристанище и утверждение. Видевше таковое Божие благоволение, глаголем сице: Радуйся, веры правыя нерушимое основание; радуйся светлый образе простоты и смирения. Радуйся, света Христова носителю; радуйся, всякия правды добрый ревнителю. Радуйся, любвеобилие неистощимое; радуйся, христианских добродетелей насадителю. Радуйся, отче Георгие, твердый исповедниче и заступнице земли нашея.

Кондак 3

Имеяй крепкую веру во благое промышление Господа нашего о спасении человеков, во смирении души возвратился еси в приход твой, отче Георгие, и взял еси крест твой на рамена твоя. Святым Даром от мраза замерзающим во храме ветхом, обаче возжигал еси ты свещу пред чудотворным образом Пресвятыя Богородицы и молил еси усердно Владычицу да управит путь твой. Мы же видяще таковое твое твердое упование на милость Царицы Небесныя, воспеваем: Аллилуйя.

Икос 3

Зря труды твоего послушания, враг спасения рода человеческаго завистию распалаемь, потщася изгнати тя, гнусными гласы хвалящеся воздвигнути бесы мнози супротив тебе единаго. Ты же молитвами старца Амвросия укрепляем, и небесному покровителю твоему Георгию Победоносцу подражая, победил еси древнего змия и разгнал еси нахождения бесовские. Мы же, благодаря о сем укрепившаго тя Господа, с любовию взываем ти: Радуйся, всю надежду на Господа возложивый; радуйся, силою Божией полки бесовские победивый. Радуйся, Оптинскаго старчества достойный приемниче; радуйся, старца Амвросия духовный наследниче. Радуйся, имже наставлен был еси к духовному деланию; радуйся, яко с ним ныне во славе небесней пребываеши. Радуйся, отче Георгие, твердый исповедниче и заступниче земли нашея.

Кондак 4

Разум Божественных писаний стяжав и силою любве утверждаяся в вере, поревновал еси, отче, Евангельское житие стяжати по образу преподобных отцев Церкви древния. Егда же даде ти Господь разумение сего благоугождения, увидел еси, яко благо есть иго Христово и бремя Его легко есть, темже воспел еси со умилением: Аллилуйя.

Икос 4

Боготечно шествовал еси от силы в силу, отче наш Георгие, и яко достойный быв сосуд Божия благодати, велия чудеса яви Господь ти, яко угоднику Своему. Имея дар прозрения, сокровенная сердец ведый и грядущая яко настоящая, прославил еси имя Христово во всех концех земли нашея, сего ради вопием ти: Радуйся, на земли от Бога даром чудотворения прославленный; радуйся, нищету духовную себе усвоивый. Радуйся, отче Георгие, земли нашея защитниче; радуйся, грехми оскверненныя молитвами твоими очищающий. Радуйся, супротив духов злобы доблий воителю; радуйся, на небесех венцем неувядаемым увенчанный. Радуйся, отче Георгие, твердый исповедниче и заступниче земли нашея.

Кондак 5

Слышавше людие мнози богоугодное житие твое, прихождаху к тебе со упованием получити утешение и вспомоществование в житейских скорбех и нуждах. Спастися взыскующим Царства Небеснаго вспомоществуя, верный путеводитель явился еси им, благодарно взывая к Богу: Аллилуйя.

Икос 5

Светом добрых дел твоих и врачеванием недугов умилил еси души и сердца человеков. И бысть храм твой, яко врачебница безмездная всякому в оньже притекшему - богатому и убогому, премудрому и простому. Ты же едино в сердце утвердив, яко даже наказуя Господь милует, врачеваше всех. Таковей силе твоего чудотворения и нелицеприятию дивящеся, воспеваем ти хвалебную песнь: Радуйся, неутешных в скорбех утешение; радуйся, требующих помощи стено необоримая. Радуйся, душевных и телесных недугов скорый врачевателю; радуйся, словом и делом ближнему усердно послуживый. Радуйся, смиренномудрия учителю; радуйся, веры и любви насадителю. Радуйся, отче Георгие, твердый исповедниче и заступниче земли нашея.

Кондак 6

Провозвестник святости и праведности жития твоего явися святый праведный Иоанн Кронштадтский, именуя тя своим соратником и преемником. Такожде и братия Оптинския начаша почитати тя яко старца. Ты же смиренно верою и правдою Богу и людем послужил еси, ихже оберегая от невзгод и напастей. Темже людие православнии с радостию прославляют Бога: Аллилуйя.

Икос 6

Хотя Господа нашего Иисуса Христа достойно ублажати, поревновал еси, отче Георгие, новаго храма каменнаго созданию, вкупе же и просвещения христианскаго насаждению и обездоленных ограждению. Мы же, видяще неустанный подвиг твоего пастырскаго служения, изумляемся, како понесе таковые труды немощь естества человеческаго, и усердию твоему покланяемся, благодарно вопиюще ти: Радуйся, мир с Богом и людьми стяжавый; радуйся, в кротости и смирении поживый. Радуйся, тайныя человеческия помышления прозревавый; радуйся, терпения христианского учителю. Радуйся, обидимых неложное упование; радуйся, гордых и заблуждших вразумителю. Радуйся, отче Георгие, твердый исповедниче и заступниче земли нашея.

Кондак 7

Дивный храм Преображения Господа Славы воздвигл еси в глухом сельце, яко в царстем граде подобаше, и тем исполнил еси благословение старца Амвросия. С усердием молился еси, отче, ко Господу и Пречистей Его Матери: да пребудет храм сей жилищем Божией благодати и да услышит в нем Творец люди Своя, с верою вопиющия: Аллилуйя.

Икос 7

Созидая храм велий на приношения людския, но обаче жертвы неправедныя, отче Георгие, отвергал еси. Темже в тайная сердца зря, нечестиваго купца, обидящаго сирот и вдовиц, обличил и к покаянию привел еси его, научая за все благодарити и славити Господа. Зряще таковое милосердие твое, поем ти: Радуйся, свет Христов на месте тьмы бесовския утвердивый; Радуйся, на месте идольских капищ храм Божий поставивый; Радуйся, молитвенными слезами основание его оросивый; Радуйся, рукама своима краеугольный камень его положивый. Радуйся, непреложно на помощь Божию уповавый; Радуйся, богомудрый учителю и молитвенниче о душах наших. Радуйся, отче Георгие, твердый исповедниче и заступниче земли нашея.

Кондак 8

Стена и прибежище был еси чадом твоим, блаженне, егда во время гладов и смуты нищия и убогия питал еси, приют отроковицам устрояя, да обретут тамо сироты душевный покой и спасение. Темже блаженство милостивых унаследовал еси ныне, отче Георгие, со святыми вечно воспевая на небесех хвалебную песнь: Аллилуйя.

Икос 8

Ревностно потрудившися на благо ближним своим, создал еси училище народное, идеже кротко и богомудренно добродетелем поучал еси, в милосердии, сострадании и целомудрии вся утверждая. Добре упасл еси Богом врученное тебе стадо, да не похитит враг невидимый едину от овец твоих. Темже тя хвалим и зовем ти сице: Радуйся, юныя души для Царствия Небеснаго возрастивый; радуйся, во главу угла любовь христианскую положивый. Радуйся, бездомных и сирот пристанище; радуйся, имже яко отец родной и добрый учителю пребывший. Радуйся, любовь к труду и молитве в сердца отроков влагавший; радуйся, любовию своею невзгоды других покрывавший. Радуйся, отче Георгие, твердый исповедниче и заступниче земли нашея.

Кондак 9

Новаго заступника, молитвенника и ходатая за Россию дарова тя Господь в годину тяжких испытаний всем верным, яко мнози отпадаху от спасительнаго корабля Церкви Православныя в море всепагубных треволнений. Ты же, отче, маловерныя и заблуждшыя усердно наставлял еси, ереси и учения тлетворная обличая, многия от пути погибели обратил еси ко Христу Жизнодавцу, научая пети Ему: Аллилуйя.

Икос 9

Видя державы Российския разорение, народа духовное падение, ересей чуждых востание и христиан верных злое погубление, молился еси непрестанно ко Господу, да пощадит Человеколюбец отчизну нашу от погибели всеконечныя ходатайством Царицы Небесныя и сонма Святых Русских. Сего ради вопием ти таковая: Радуйся, безбожия идольского неустанный сопротивоборче; радуйся, пастырю добрый и стада твоего от волков лютых защитниче. Радуйся, души заблудшие к Богу приводивый; радуйся, к единению с Матерью Церковью отпавших призывавый. Радуйся, во ограду церковную расточенныя овцы собиравый; радуйся, незлобия и всепрощения образ всем показавый. Радуйся, отче Георгие, твердый исповедниче и заступниче земли нашея.

Кондак 10

Бури безумия и злоречия не убоялся еси, священноисповедниче отче Георгие, егда предложенный ти соуз со враги на пагубу Отечества ничтоже сумняся отвергл еси. Мы же почитая во Христе твои страдания, просим твоея помощи и заступления. Утверди и нас в вере и терпении и подаждь нам разум воспевати Богу присно: Аллилуйя

Икос 10

Кто убо исчислит лишения и болезни твоя, егда восташа на тя вожди бесовские и предаша мукам заточения за имя Христово. Ты же к вечному спасению и мучители твоя обратил еси, чудеса и исцеления творя, да узрят силу Божию в немощи совершаемую. Мы же припадая к честному образу твоему, со умилением взываем ти: Радуйся, хулы и напасти от заблуждших претерпевый; радуйся, за обидящих и гонящих тя молитвенниче усердный. Радуйся, среди поруганий яко отроча беззлобное пребывая; радуйся, к покаянию мучителей призывая. Радуйся, сокрушенныя слезы за оставивших путь Христов проливавый; радуйся, за виновных пред Судиею милостивый ходатаю. Радуйся, отче Георгие, твердый исповедниче и заступниче земли нашея.

Кондак 11

Многи скорби и болезни претерпел еси, отче наш Георгие, егда твердо стал еси супротив сил вражиих, ихже козни и коварства обличая и бесы от одержимых теми отгоняя. Темже до конца дней твоих помогал еси страждущим и скорбящим, непрестанною молитвою славословя Господа: Аллилуйя.

Икос 11

Тако подвизаяся, в молитве усердной в руце Господа предал еси чистую душу твою, юже ангелы вознесоша со славою в горния обители. Ты же и по святей кончине твоей не оставил еси сирыми нас, чад твоих, наставляя и исцеляя всех с верою к тебе приходящих, моляся за ны пред престолом Божиим. Сего ради приими от нас малое моление сие: Радуйся, в истине Христовой даже до муки смертныя пребывый; радуйся, до конца всякия скорби от диавола претерпевый. Радуйся, в скорбное время печальниче и утешителю верных; радуйся, яко многия чада твоя за Христа исповедницы и мученицы быша. Радуйся, при жизни добрый подвижниче; радуйся, и по смерти на небесех наш добрый предстателю. Радуйся, отче Георгие, твердый исповедниче и заступниче земли нашея.

Кондак 12

Бурею злобы и неистовства дышуще, служители безбожныя и после смерти гнаху тя, могилу твою сравняша, храм же разориша, темже и Спас-Чекряк безлюден бысть. Мняху нечестивии дело твое и веру православную зде до конца истребити. Но обаче пред кончиною твоею паки сотвори Господь чудо и дарова источник воды живой, егоже ты освятил и благословил еси всем в нуждах и скорбех приходити семо, якоже и к тебе самому прихождаху. Сии же святыя воды явишася бесом поругание, верным же исцеление и утешение, занеже воспеваем Богу: Аллилуйя.

Икос 12

Действом Промысла Божия меж двух тысящелетий прославлен был еси Архиерейским Собором, священноисповедниче Георгие, и в лике Святых просиял еси. По сих же дарова Господь Орловстей земле сугубую милость, явив из под спуда святыя мощи твоя. Ныне с надеждою притекая к сей многоцелебней раце, ублажаем святую память твою вси, поем и славим тя: Радуйся, неугасимый светильниче земли Русския; радуйся, прославивый имя Божие среди человеков. Радуйся, весь живот твой Христу Богу предавый; радуйся, блаженне, любовию и кротостию злобу века сего победивый. Радуйся, блаженства Святых на небесех удостоенный; радуйся, и нас грешных молящихся тебе милостию твоею не оставляющий. Радуйся, отче Георгие, твердый исповедниче и заступниче земли нашея.

Кондак 13

О, дивный угодниче Христов и чудотворче, священноисповедниче наш Георгие, приими сие малое моление, якоже вдовицы две лепте. Услыши ныне и нас грешных, скорбьми, болезньми и печалями одержимых, обаче с верою почитающих честныя мощи твоя, яко многоценный залог предстательства твоего о нас ко Господу. Моли убо Владыку нашего да избавит нас от погибели веч-ныя, и да сподобит блаженства со Святыми воспевающих Ему хвалебную песнь: Аллилуйя.

(Этот кондак читается трижды, затем икос 1 и кондак 1)

Молитва

О, преблаженне отче наш Георгие! Призри ныне от горния славы на нас смиренных и немощных, обремененных грехи многими, твоея помощи и утешения умильно просящих. Темже молим тя, отче святый, испроси и нам у Бога благоприятное и спасительное время на покаяние. Да отпустит Всемилостивый Господь народу нашему грехи за предание и убиение Царя, Помазанника Божия, за осквернение и разорение храмов Православных, за поругание всякия святыни земли Русския. Вемы яко осуетихомся умом и сердцем предахомся непотребным и лютым страстем, благочестие презрехом, паче же бесовское нечестие возлюбихом. Простри убо ныне молитвенно руцы твои ко Владыце всех и Господу, и испроси щедродательную Его милость да избавит нас от беззаконий наших, от всяких бед и скорбей за еже на ны пришедших, от расколов и ересей и от гонений иноплеменников на Церковь Православную.

Веруем, отче всеблаженне, яко аще Христовою любовию возлюбил еси ближния твоя еще на земли тебе бывшу, кольми паче любиши вся ны и на небесех ныне водворяяся. Умоли, священноисповедниче наш Георгие, купно со всеми Мученики и Исповедники, Господа Бога Царя Сил, да подаст и нам грехов прощение, да процветет в России вера Православная и водворится паки ликование праведных.и да возстанет из забвения престол православных царей.

Не презри убо молений наших, изливаемых ныне пред тобою, и вознеси я ко всещедрому Богу, яко кадило благовонное, да твоими ходатайствы почиет благодать Его во граде нашем, идеже почитаются преславное имя и многоцелебные мощи твои. Темже сохраняеми твоим предстательством, мирно и благочестно да поживем в веце сем, да никтоже во уповании своем на тя посрамлен будет, и да обрящем благодать и милость Господа нашего, Емуже подобает всякая слава, честь и поклонение ныне и присно и во веки веков. Аминь.