Святитель Питирим Тамбовский

28 Июля / 10 Августа

10 / 23 Сентября Собор Липецких святых

12 / 25 Августа (113-й день после Пасхи) Собор Смоленских святых

Краткое житие святителя Питирима, епископа Тамбовского

Святитель Питирим, епископ Тамбовский, в миру Прокопий, родился 27 февраля 1645 (или 1644) года в городе Вязьме. С юных лет Господь готовил Прокопия к высокому духовному служению, которое ему предстояло выполнить. Еще в детстве его обучили грамоте. Любимым занятием Прокопия было чтение святоотеческой литературы и житий святых. Это способствовало формированию духовного облика будущего святителя. Мальчик удивлял окружающих трудолюбием, обширными знаниями и зрелостью суждений. Он был наделен художественным талантом, успешно занимался писанием икон и был глубоким знатоком церковного пения. Высокая духовная настроенность рано вывела Прокопия на путь иноческих подвигов. Решив всецело посвятить себя Богу, он поступил в Вяземскую Предтеченскую обитель, известную строгостью своего устава. На 21 году жизни он был пострижен в монашество с именем Питирим.

Своей подвижнической жизнью молодой инок заслужил уважение монастырской братии и был избран во игумена. В 1684 году его возвели в сан архимандрита. 15 февраля 1685 года патриарх Иоаким (1674–1690) вызвал его в Москву и рукоположил во епископа Тамбовского.

Созданная в 1682 году Тамбовская епархия страдала от крайней нищеты и грубой непросвещенности ее обитателей. Едва ли не большую часть населения составляли язычники: мордва, черемисы, мещера. На территории епархии проживало также много татар, ожесточенных противников христианства. Среди христиан, населявших епархию, насчитывалось много раскольников и беглых или ссыльных преступников.

Святитель горячо взялся за разрешение встававших перед ним задач. На месте ветхого деревянного храма в Тамбове он начал строить двухэтажный каменный кафедральный собор в честь Преображения Господня с приделом во имя святителя Николая. Святитель Питирим не только внимательно следил за постройкой храма, но даже сам участвовал в строительных работах. Большое внимание святитель уделял духовному просвещению. Он устроил для священнослужителей специальную школу, где под его руководством воспитывались достойные пастыри Церкви. При архиерейском доме трудами святителя собиралась библиотека духовной литературы (в описи московского Успенского собора значатся "две книги http://azbyka.ru/otechnik/Dionisij_Areopagit/">Дионисия Ареопагита, оболочены кожами, одна в красной, а другая в черной, по обрезу золочены", принадлежавшие святителю Питириму). Святитель неустанно поучал свою паству, проповедуя Слово Божие. Он часто совершал поездки по епархии, чтобы иметь возможность на месте вникать в нужды общин.

Святой архипастырь постоянно заботился о примирении с православной церковью отпавших от нее раскольников, о присоединении к ней иноверцев. Глубокое благочестие, деятельное сострадание к ближним и мудрое терпение святителя в беседах с раскольниками и иноверцами располагали их к полному доверию его словам. Личным примером святой жизни и силой благодатного слова святитель многих привел к истинной вере. Родная сестра святителя Екатерина стала первой настоятельницей основанного им в 1690 году Вознесенского женского монастыря.

Будучи дерзновенным молитвенником и ходатаем пред Богом, святитель Питирим никогда не забывал о христианском смирении. Не полагаясь на собственные человеческие силы, архипастырь осенил вверенный ему Богом город Тамбов иконами Спасителя и Казанской Божией Матери, поместив их на двух главных воротах.

Святитель Питирим много молился и учил молитве своих пасомых. Он ежедневно присутствовал на богослужении и часто сам совершал священнодействия. В тех же случаях, когда святитель не служил, он пел на клиросе, научая клириков правильному церковному пению и чтению. В своей келлии святитель особенно часто молился перед иконами Девпетерувской Божией Матери и святителя Николая.

Святитель Питирим тонко ощущал красоту родной природы, которая возбуждала в нем чувство молитвенной благодарности к Творцу видимого мира. Любимым местом его прогулок и благочестивых размышлений был построенный в глухом лесу Трегуляев монастырь Иоанна Предтечи, основанный им вместе с духовным другом, святителем http://azbyka.ru/otechnik/Mitrofan_Voronezhskij/">Митрофаном Воронежским (память 23 ноября и 7 августа). Святитель поставил большой деревянный крест с изображением Спасителя.

Подобно великим подвижникам, святитель Питирим много времени уделял физическому труду, об этом свидетельствуют колодцы, выкопанные руками святителя на месте своих молитвенных подвигов.

Преставился святитель Питирим в 1698 году в возрасте 53 лет.

Тело святителя было погребено в нижнем этаже Тамбовского Спасо-Преображенского собора, у южной стороны правого придела во имя святителя Николая. После блаженной кончины святителя Питирима его духовная связь с паствой не прервалась. Место его упокоения стало вскоре благоговейно почитаться. С каждым годом все более возрастало число богомольцев, собиравшихся в день кончины святителя, 28 июля, на богослужение в Тамбовский собор. Каждое новое знамение милости Божией, являемое по молитвам к святителю Питириму, внушало народу уверенность в том, что почитаемый ими епископ – воистину избранник Божий. С 1819 года при соборе стала вестись запись засвидетельствованных у гроба благодатных проявлений; почитание святителя Питирима вышло далеко за пределы Тамбовской епархии. В 1914 году 28 июля святитель Питирим, епископ Тамбовский, был причислен к лику святых.

Полное житие святителя Питирима, епископа Тамбовского

Святитель Питирим, епископ Тамбовский, в миру Прокопий, родился 27 февраля 1645 (или 1644) года в городе Вязьме в Смоленской губернии. Его родители были благочестивыми христианами и привили своим детям любовь к Богу и Святой Церкви. Они научили Прокопия с благоговением чтить святые иконы, хранить православные обряды и предания. Изучив грамоту, святой Прокопий особенно полюбил чтение Слова Божия и житий святых отцов и подвижников Церкви Христовой. Это способствовало формированию духовного облика будущего святителя. Мальчик удивлял окружающих трудолюбием, обширными знаниями и зрелостью суждений. Частое посещение храма развило в нем любовь к богослужению и церковному пению. Одаренный тонким художественным восприятием, святой Прокопий был искусным певцом, а также живописцем. Позднее он написал копии почитавшихся в Вязьме чудотворных икон. Святой Прокопий строго соблюдал посты, любил молиться и избегал праздных развлечений, детских шалостей и забав, что показывало его высокую аскетическую настроенность. Благоговея перед всеми святыми, Прокопий особенно чтил своего небесного покровителя – преподобного Прокопия Декаполита (VIII в.; память 27 февраля/11 марта), в день памяти которого он родился.

Достигнув совершеннолетия и решив всецело посвятить себя Богу, святой Прокопий попросил благословение родителей и поступил послушником в Вяземский Иоанно-Предтеченский монастырь, основанный преподобным Герасимом Болдинским ((† 1554; память 1/14 мая). Этот монастырь, расположенный вблизи Вязьмы, отличался строгостью устава, введенного его святым основателем. Вступив на путь монашеских подвигов, святой Прокопий стал с усердием подвизаться в посте, бдении и молитве. Неленостно исполняя возложенные на него монастырские послушания, он к обязательным трудам прилагал добровольные, стараясь никогда не быть праздным, читал наставления и жития святых отцов, стремясь в своей жизни подражать их подвигам.

На двадцать первом году жизни святой Прокопий был пострижен в монашество с именем Питирим. Через некоторое время он был рукоположен во иеродиакона и во иеромонаха.

Своей подвижнической жизнью молодой инок заслужил уважение монастырской братии и был избран игуменом. Опытный в духовной жизни, святой игумен умело управлял братией, милосердием и кротостью исправляя заблудших, примером своей жизни побуждал иноков к большему подвигу. В 1684 году он был возведен в сан архимандрита. Заботясь об укреплении в иноках духа строгого подвижничества, святой Питирим в своем служении проявил особую любовь к благолепию храмов. Под руководством мудрого наставника Предтеченская обитель достигла духовного расцвета.

Несмотря на всеобщее уважение, святой Питирим отличался глубоким смирением и кротостью. В своих трудах он все упование возлагал на помощь Божию. С 1681 года, когда Вязьма отошла к Смоленской епархии, в Предтеченском монастыре поселился викарный епископ Смоленского митрополита.

1 сентября 1684 года святой Питирим по благословению патриарха Иоакима (1674–1690) получил новое церковное послушание – был назначен на Тамбовскую кафедру. 15 февраля 1685 года в Неделю блудного сына в Успенском соборе в Москве святейший патриарх Иоаким рукоположил его во епископа. Однако в Тамбов святитель отправился не сразу. Очевидно, на некоторое время он был оставлен при патриархе. Во время пребывания в Москве святитель Питирим изучил положение и нужды Тамбовской епархии и разработал план необходимых мероприятий для укрепления благочестия в своей пастве и распространения христианства среди иноверцев, в большинстве составлявших население того края.

Тамбовская епархия была образована незадолго до назначения на нее святителя Питирима – в 1682 году. Поэтому епархию населяли в основном люди, не просвещенные светом Христовой веры: язычники (мордва, черемисы, мещера), магометане (татары), а также раскольники. Среди населения было много ссыльных из центральной России и беглых преступников. Святителю Питириму предстояло бороться с язычеством, сектантством и грубостью нравов. Укрепив себя на предстоящий подвиг постом и молитвой и испросив благословение у мощей московских святителей и чудотворцев и преподобного Сергия, святитель Питирим в начале 1686 года выехал в Тамбов. По пути он заехал в Воронеж для духовной беседы со святителем http://azbyka.ru/otechnik/Mitrofan_Voronezhskij/">Митрофаном Воронежским (память 23 ноября/6 декабря и 7/20 августа). Торжественная встреча в первом городе епархии – Козлове – смутила смиренного святителя, поэтому в Тамбов он въехал с сопровождавшими его несколькими монахами и келейником Василием еще до восхода солнца, и лишь немногие благочестивые христиане встретили его в храме за ранним богослужением.

Из сохранившихся в записях дел святителя Питирима первым его делом по прибытии на Тамбовскую кафедру значится выдача во дни Святой Пасхи 1686 года грамоты Козловскому монастырю на построение каменного соборного храма во имя Святой Троицы. Повсюду стали строиться храмы, благолепному украшению которых святитель Питирим придавал особое значение. Дело это было особенно трудным из-за крайней нищеты населения. Умелое руководство и личная нестяжательность святителя позволили ему при малочисленных средствах достигнуть в этом деле значительных результатов. Только в Тамбове было построено несколько храмов – свой для каждой слободы города. После кончины святителя в епархии было 168 храмов.

Особую пастырскую заботу проявил святитель о монастырях. По его инициативе были построены и новые обители: женская Вознесенская в Тамбове (1692 г.), игуменией которой стала сестра святителя Екатерина, и мужская Трегуляевская во имя Крестителя Господня Иоанна (1691 г.) в семи верстах от Тамбова, в пустынном, окруженном лесами месте. Название эта обитель получила с связи с тем, что святитель Питирим любил уединение. Тонко ощущая красоту родной природы, которая возбуждала в нем чувство молитвенной благодарности к Творцу видимого мира, он при всякой возможности гулял в окрестностях Тамбова и в одиночестве предавался богомыслию. Однажды (15 сентября 1688 года) он, совершая прогулку с навестившим его святителем Митрофаном Воронежским и благочестивым иноком Иннокентием, просил у них совета о выборе места для построения обители. Все трое пришли в уединенное место, которое и благословили для основания обители.

Заботясь о благолепном украшении храмов и монастырей, святитель Питирим старался, чтобы и населенные пункты имели вид христианских поселений. Так, сразу по прибытии в Тамбов на крепостных воротах и в городских слободах, около караульных постов он установил распятия Христа Спасителя и иконы Божией Матери, которые привез с собой. Ограждая город иконами, святитель вверял его покрову Господа и Божией Матери и возбуждал в жителях благочестие. Привезенная святителем Питиримом копия чудотворной Смоленской иконы Божией Матери, выполненная, возможно, им самим, была поставлена в Преображенском кафедральном соборе в Тамбове. Эта икона, а также привезенные святителем Казанская (также написанная, вероятно, им самим) и Ильинско-Черниговская, получившая затем название Тамбовской иконы, были родительским благословением святителя.

Много трудов приложил святитель для обращения в христианство язычников и магометан и для вразумления раскольников. Край, где прежде процветали грабежи и разбой, благодаря трудам и молитве святителя Питирима стал краем религиозным. Обращение святителя к пастве отличались кротостью и доступностью. Объезжая свою епархию с проповедью слова Божия, святитель словом искренней любви к пастве, кротостью и смирением сеял в душах семена веры и благочестия. Святитель отличался удивительным снисхождением даже к нравственно падшим людям. Со всеми он обращался одинаково, ровно и кротко, как истинный друг и брат. В то же время он был по-отечески требователен. Его двери были открыты для всех приходивших за советом и помощью. Нетребовательный в личной жизни, он все свои средства тратил на храмы, монастыри и нужды ближних. Избегая всяких удобств, святитель совершал поездки по епархии в простой повозке.

Вновь открытые храмы требовали новых пастырей. Одной из забот святителя Питирима было избрание и подготовка кандидатов в священники. Он неукоснительно требовал, чтобы прихожане избирали кандидатами только грамотных людей. В своем доме он устроил специальную школу, где сам готовил избранного к принятию священного сана.

В 1694 году святитель Питирим приступил к строительству каменного кафедрального собора. Он не только внимательно следил за постройкой храма, но даже сам участвовал в строительных работах. Закончен он был уже после его кончины. При святителе был освящен только южный придел в нижнем этаже собора – во имя святителя и чудотворца Николая. Новый собор святитель снабдил за свой счет необходимой утварью, ризами (одна из риз святителя Питирима была передана позднее святителю Иннокентию Иркутскому).

Святитель Питирим с детства любил богослужение. Он часто служил и заботился о благоговейном исполнении служб, внятном пении и чтении. Нередко он сам становился на клирос, чтобы научить певцов правильному пению. Святитель учил свою паству с благоговением относиться к священным предметам. Заботясь о торжественности богослужений, он установил в праздничные дни крестные ходы из соборного храма в тот храм, где были престольные торжества.

Слава о святительских трудах Тамбовского архипастыря распространилась за пределами епархии. О нем было хорошо известно при дворе московских государей Иоанна и Петра Алексеевичей, которые неоднократно удовлетворяли прошения святителя Питирима о нуждах епархии. В 1690 году святитель Питирим участвовал в Соборе Русской Церкви, избравшим святейшего патриарха Адриана (1690–1700).

На архиерейской кафедре святитель Питирим не только не ослабил подвижнические труды, но еще более усилил монашеские подвиги. Среди благочестивых душевных занятий он не оставлял и физический труд. Около архиерейского дома святитель своими руками ископал колодец, над которым позднее была построена часовня, а с 1868 года к нему стал совершаться крестный ход для освещения воды. Однажды во время тяжелой болезни святителя Питирима Господь утешил его дивным видением. Во время молитвы святитель просил не здравия и продления жизни, но с любовью и надеждой испрашивал оставления грехов и дарования вечной жизни в Царстве Небесном. Он обратился с просьбой ходатайствовать о нем к своему покровителю, которому молился всю жизнь, – святому Прокопию Декаполиту. Во время этой молитвы ему явился преподобный Прокопий и стал молить о нем Господа. По молитве преподобного в облаке явился Спаситель и благословил святителя Питирима. После кончины святителя это явление было запечатлено на иконе, помещенной над его гробницей.

После болезни, во время которой святителю явился Господь и преподобный Прокопий, святитель Питирим прожил еще около трех лет. Но силы не вернулись к нему полностью и он постоянно недомогал, поэтому он не смог закончить многие из своих начинаний, в частности, достроить кафедральный собор. Кончина святого последовала 28 июля 1698 года в возрасте 53 лет. Он был с честью погребен в освященном им Никольском приделе нового кафедрального собора, над могилой его была устроена деревянная резная гробница.

После блаженной кончины святителя Питирима его духовная связь с паствой не прервалась. Сначала память святителя совершалась в Тамбовской епархии местно. От его гробницы совершались исцеления больных. В начале XIX века в тамбовском кафедральном соборе была заведена книга, в которой отмечались чудесные исцеления от гробницы святителя. Эти записи свидетельствуют, что к святителю Питириму с просьбой обращались не только православные, но и иноверцы. Божественные откровения побуждали людей со всех концов России ехать в Тамбов за благодатной помощью, истекавшей от гробницы еще не прославленного святого. В 1914 году 28 июля святитель Питирим был причислен к лику святых Русской Церкви.

Молитвы

Тропарь святителя Питирима, епископа Тамбовского глас 4

Веры и благочестия наставниче,/ Церкве светильниче, монашествующих образе,/ святителю Питириме премудре,/ стадо твое благочестно упасл еси/ и ко Христу привел еси,/ темже в Вышних венцем славы украшен,/ с нами на земли духом пребываеши, сияя чудесы./ Моли Христа Бога/ спастися душам нашим.

Кондак святителя Питирима, епископа Тамбовского глас 8

Монахов наставника изрядна и святителя всем людем милостива,/ чудотворца предивна и молитвенника о нас неусыпна,/ сошедшеся, воспоим Питирима, Тамбовския земли похвалу.

Молитва святителю Питириму, епископу Тамбовскому

Благословен и препрославлен Господь Бог, призвавый тя, святителю отче наш Питириме, от перваго часа делателя в виноград Свой, явивый в тебе послушание воли Его неуклонное, ревность Предтечеву и любовь Павлову, таже и на свещник Церкве Тамбовския тя поставивый и архиереа велика тя показавый. Благодатию святительства укрепляем и огнем любве Христовы распаляем, не дал еси, пастырю наш добрый, сна очима твоима, наше веждома дремания, на всяк день труждаяся, моляся и благовествуя, неверныя просвещая, заблудшия вразумляя, падшия восставляя, немощныя укрепляя, плачущия утешая, всем быв вся, яко же святый Павел, да всяко некия спасеши. Егда же время делания твоего в вертограде волю Владыки Христа исполнися и отшел еси от земные в селения горняя придти мзду трудов твоих, дадеся ти, угодниче Божий, Престолу Царя славы с лики святые предстояти и оттуду паству твою назирати, за ны грешныя молитися, немощи немощных носити, недуги целити, скорби утоляти. Сего ради от дне блаженнаго успения твоего вернии не престаша притекати к тебе в скорбех и болезнех, и онии прикосновением ризы твоя, онии от воды из кладезя твоего избавление улучаху. Темже и ныне, к цельбоносному гробу твоему сошедшеся, славим Бога, дивнаго во святых Своих, и тебе, отче священнейший, величаем и молим: не отступай от нас любовию твоею, сохраняй молитвами твоими Церковь Православную незыблему от неверия и раскола, страну же Российскую от бед и напастей защити, мир и безмятежие той даруя, от всяких врагов огради, пастырем Церкве Святыя благопоспеши, дела рук их исправи и ревностию о спасении врученнаго им словеснаго стада сердца их распали, вся же ны в послушании спасительному благовестию Христову соблюди и дело спасения, яко едино на потребу вменяти помози, да купно с тобою едиными усты и единым сердцем вся на всяк день и час поем и славим Спаса Христа со Отцем и Святым Духом во веки веков. Аминь.

Канон первый святителю Питириму Тамбовскому глас 2

Песнь 1

Ирмос: Во глубине постла иногда фараонитское всевоинство преоруженная сила, воплощшееся же Слово всезлобный грех потребило есть: препрославленный Господь славно бо прославися.

Христе, Свете истинный, разум мой просвети и сердце очисти, да прославлю память угодника Твоего, Богоноснаго Питирима.

Отче преподобне Питириме, огнезрачному Престолу в Вышних предстоя и Трисолнечными светлостьми озаряемь, просвети глубину зол моих, яко да и аз пою: славно бо прославися.

Якоже Моисей Боговидец древле спасе Израиля от руки фараоновы, тако и ты, Богоносне отче, свободи мя от работы врагу, да, радуяся, славлю Бога, дивнаго во святых Своих.

Богородичен: Владычице и Мати Избавителя, предстательством Твоим умоли Сына Твоего, да потребит живущий во мне грех и изведет мя в свободу славы чад Своих.

Песнь 3

Ирмос: На камени мя веры утвердив, разширил еси уста моя на враги моя, возвесели бо ся дух мой, внегда пети: несть свят, якоже Бог наш, и несть праведен, паче Тебе, Господи.

Якоже древле праведная Анна свое чадо, вдал еси себе самаго, отче Питириме, в дар Богу. Утверди и мене на камени заповедей Его, да зову: несть свят, яко Бог наш.

Отче Питириме, молитвами твоими утверди ум и сердце наше во Господе, возвыси рог христиан православных, да заградятся уста врагов веры и возвеселимся о спасении своем.

У цельбоноснаго гроба новаго чудотворца да не хвалится сильный силою своею, да не хвалится мудрый мудростию своею, да не хвалится богатый богатством своим, но о сем да хвалится хваляйся, еже разумети и знати Господа и стяжати богатство благодати Его.

Богородичен: Пречистая Дево, Неискусобрачная Мати, неплодную душу мою и безчадную плодоносну покажи благодатию Сына Твоего, молитвами новаго чудотворца Питирима, да зову и аз со всеми верными: несть свят, якоже Бог наш.

Седален

Аще и зайде прежде под землю тело твое, но, яко солнце из облак, возсия, лучами благодати блистаяся. Темже память твою совершающе, святителю, со страхом покланяемся и, яко общему отцу, тепле молимся: избави ны, чада твоя, от бед и нуждных обстояний.

Песнь 4

Ирмос: Пришел еси от Девы не ходатай, ни Ангел, но Сам, Господи, воплощся, и спасл еси всего мя, человека. Тем зову Ти: слава силе Твоей, Господи.

От юности чистотою девства Ангелом в житии поревновал еси, спасению человеков послужил еси, отче Питириме, и к Богу взывал еси, вопия: слава силе Твоей, Господи.

Якоже Ангел во плоти, горел еси, святе, огнем любве Христовы и врученныя тебе люди познанием Сына Божия просветил еси, зовущия: слава силе Твоей, Господи.

Ангеле земный и человече Небесный, испроси и нам, грешным, спасение у Христа Бога, да и мы купно с тобою зовем: слава силе Твоей, Господи.

Богородичен: О Мати Слова и Дево, сохрани ны непорочны от страстей безчестных, да Христу, всельшуся в нас, поем: слава силе Твоей, Господи.

Песнь 5

Ирмос: Просвещение во тьме лежащих, спасение отчаянных, Христе, Спасе мой, к Тебе утренюю, Царю мира, просвети мя сиянием Твоим, иного бо, разве Тебе, Бога не знаю.

Светом Твоим всю вселенную озаривый, просвети тьму мою, Господи, мрак души моея разжени, в честней памяти угодника Твоего Питирима.

Светильник сый Солнца Праведнаго, озаряйся присно Светом невечерним, отче наш Питириме, облистай ум и сердце наше, да, радующеся, Спасу нашему поем: иного, разве Тебе, Бога не знаем.

Что Тебе принесем, Христе Спасе наш, кия песни воспоем благосердию Твоему, яко возсиял еси нам свет спасения, избавление от беззаконий наших чудесы многими святителя Питирима.

Богородичен: Мати Святая, Богородице, рождшая Свет Неприступный, не презри моления недостойных чад Твоих, во тьме грехов сущих, но просвети нас светом боговедения, да, утренююще, славим Тя.

Песнь 6

Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.

Бездна зол моих смущает мя и низводит мя во глубину отчаяния, но Ты, Боже, пучина милости сый неисчерпаемая, даждь ми руку помощи, яко Петрови, предстательством милостиваго угодника Питирима, и спаси мя.

Бездно милости и щедрот, Господи, ущедри ны, погибшее создание Твое, укроти волны страстей наших и в пристанище спасения ны возведи, молитв ради святителя Питирима.

Отче наш Питириме, служителю верный Милостиваго Бога, умоли Его благостыню, да имиже весть судьбами спасет ны, погибающия, и явит нам всемогущую помощь по твоему предстательству.

Богородичен: Пресвятая Владычице, Мати милосердия, обышедше, обыдоша нас врази веры нашея, и несть заступающаго, и погибаем, потоцы бо беззаконий премогоша ны, и отчаяваемся, но Ты Матерними Твоими щедротами приклони Сына Твоего на милость, да спасет ны от бед, якоже от кита Иону.

Кондак, глас 8

Монахов наставника изрядна и святителя всем людем милостива, чудотворца предивна и молитвенника о нас неусыпна, сошедшеся, воспоим Питирима, Тамбовския земли похвалу.

Икос

Воспоим днесь, вернии, святителя великаго в песнех и пениих духовных: радуйся, отче Богоносне Питириме, Смоленския земли отрасль пречестная, во граде Вязьме благодатию Божиею напоенная и, яко крин, процветшая, Тамбовскую же страну плоды добродетелей обогатившая; радуйся, пастырю добрый, насаждением истинныя веры и светом благочестия тьму нечестия разгнавый; радуйся, спасительными труды твоими и подвиги многи неверныя обративый и ко Христу приведый; радуйся, чудную икону Богоматере граду Тамбову в наследие оставивый, от неяже многоразличная исцеления источаются; радуйся, своима рукама ископавый кладязи воды неисчерпаемыя, юже с верою пиющии приемлют недугов исцеление и от душепагубных страстей свобождение; радуйся, посещением твоим со други твоими, святителем Митрофаном и Боголюбивым Василием, Тамбовския дебри и леса облагоухавый; радуйся, тем начало иноческаго жития тамо положивый, в мире же живущим образ истинныя дружбы показавый; радуйся, Тамбовския земли похвало.

Песнь 7

Ирмос: Образу златому, на поле Деире служиму, трие Твои отроцы небрегоша безбожнаго веления, посреде же огня ввержени, орошаема, пояху: благословен еси, Боже отец наших.

Господи Боже наш, Любы неизреченная, человека перстнаго паче злата и сребра образом Твоим украсил еси, всякими даровании и чудесы многими обогатил еси. Темже, память чудотворца Твоего Питирима совершающе, вопием Ти: благословен еси, Боже отец наших.

Преподобне отче Питириме, образ Создателя своего в души твоей от страстей очистив и любовию Божиею распалаемь, предал еси себе на служение воли Его, всегда взывая: благословен еси, Боже отец наших.

Якоже древле отроцы благочестивии в Вавилоне, истинную веру во стране Тамбовстей, отче Питириме, утвердил еси и нечестие обличил еси, всегда труждаяся, благовествуя, моляся и поя: благословен Бог отец наших.

Богородичен: Пресвятая Владычице Богородице, образ Твой честный граду Тамбову в благословение и покров державен рукама святителя Питирима даровала еси, да славословим Тобою Державнаго Христа, Бога нашего.

Песнь 8

Ирмос: В пещь огненную ко отроком еврейским снизшедшаго и пламень в росу преложшаго Бога пойте, дела, яко Господа, и превозносите во вся веки.

Господи Боже мой, пламень огненный древле в росу отроком благочестивым преложивый, пламень страстей моих угаси росою молитв благочестиваго святителя Питирима, да Тя превозношу с ним и аз во вся веки.

Отче наш Питириме, слез твоих теченьми огненная искушения страстей и похотей плотских угасил еси и, яко во цветнице, в чистем сердце твоем присно ликовствовал еси: вся дела, благословите, пойте Господа.

Чистою боголюбивою душею со Ангелы огнезрачному Престолу Бога ныне предстоя, и оттуду незаходимыми зарями облиставаемь, и чудесы многими нам сияя, просвети, отче Питириме, облежащую нас тьму неверия и суеверия, да поем и благословим дивнаго во святых Своих Бога во веки.

Богородичен: Якоже огнем пешным, страстьми палимый, зову Ти блудный аз: Владычице Чистая, Мати Всемогущаго, спаси и избави мя от огненнаго осуждения.

Песнь 9

Ирмос: Безначальна Родителя Сын, Бог и Господь, воплощся от Девы, нам явися, омраченная просветити, собрати расточенная. Тем Всепетую Богородицу величаем.

Отца Безначальнаго Слове, Сыне Единородный, человека падшаго хотя обновити, Сын Девы явился еси, и, грехи всего мира взем, на Крест вознесл еси, и оттуду распростертыма дланьма расточенная чада Божия собрал еси; темже и мы, днесь союзом любве Твоея связуеми и дивнаго угодника Твоего Питирима память совершающе, Рождшую Тя величаем.

Воплощенному Сыну Божию подражая, паче инех смирил еси себе, преподобне отче Питириме, темже и любовь Божию стяжал еси и заблуждшая чада Божия привел еси ко Отцу Небесному, славити Его благосердие.

Исполнь любве Христовы, отче наш Питириме, словом и житием паству твою поучал еси сирыя призирати, нищия питати, скорбящия утешати. Помолися Спасу Христу, да и мы днесь в память твою украсим себе состраданием и милостынями, якоже чада Божия возлюбленная.

Богородичен: Мати Святая, Безмужная Дево, во чреве Твоем Бога и Человека воедино совокупившая, даруй и нам, расточенным, соединитися во единем Христе, Сыне Твоем, на Немже утвердися Церковь, Тя величающая.

Светилен

Светила на небеси Утвердивый яви тя Церкви Своей новую звезду пресветлую, духа светлостьми и чудес сиянии нас озаряющую и нечестивыя посрамляющую, неусыпный предстателю наш, святителю отче Питириме.

Канон второй святителю Питириму Тамбовскому глас 8

Песнь 1

Ирмос: Воду прошед, яко сушу, и египетскаго зла избежав, израильтянин вопияше: Избавителю и Богу нашему поим.

Во свете неприступнем лицу Божию предстоя, Богомудре святителю, просвети душ наших омрачение и даждь слово, яко да восхвалим, радующеся, твою, всеблаженне, память.

От юности, преподобне, плотская мудрования покорил еси духу и, в безстрастие одеявся, сосуд избран явился еси благодати священства и пастырь истинен стаду твоему, молися, отче, спастися нам.

Жизнь твоя непорочна, отче, и успение со святыми, память же, яко праведнаго, с похвалами. Христу о нас молися, полезное прося: много бо может молитва праведнаго поспешествуема.

Богородичен: Треволнения помыслов и страстей и бездна грехов окаянную мою душу обыдоша. Даждь ми руку помощи, Дево Богородице, верных прибежище.

Песнь 3

Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.

Иоанну Милостивому подобяся, милостив к требующим в житии твоем явился еси, преподобне, и нищих воистину был еси отец, и ныне, в Вышних живый, милостив буди тя ублажающим.

Прикосновением к ризам Христовым мнози недужнии здрави быша древле, и ныне возлагающии на ся ризы святителя и тех во благоговении касающиися от всяких недугов приемлют исцеление. Темже убо, братие, евангельски прославим Бога, власть даровавшаго таковую человеком.

Кормчий добрый быв кораблю Христовы Церкве, избави, отче, стадо твое от бури грехов, бед же и скорбей, приводя ны во пристанища тихая Божественныя воли.

Богородичен: Еюже Небо и дворы Господни человеком отверзошася, Пречистую Матерь Деву песньми почтим: несть чистыя, якоже Ты, Пречистая, и несть непорочныя, паче Тебе, Владычице.

Седален

Песнь 4

Ирмос: Услышах, Господи, смотрения Твоего таинство, разумех дела Твоя и прославих Твое Божество.

Предстателя о нас теплейша и помощника готовнейша тя, отче, сущии в скорбех, стяжахом: не точию бо людей паствы твоея во граде Тамбове, но и далече сущия, призывающия же имя твое, соблюдаеши от всякого зла.

Христа единаго желал еси, преподобне, и весь Христов был еси: Тому в житии невозвратно последовал еси, Того тщался еси достигнути. Темже ныне Желаннаго обрет, и нас молитвами твоими стаду избранных сопричти.

Служитель верен сый Святыя Троицы, треми Божественными добродетельми, верою, надеждою и любовию, окаянную мою душу просвети и в будущем веце Триединаго Бога зрети мя сподоби.

Богородичен: Радость миру родившая, Господа, радости Небесныя причастники нас сотвори, Дево Всепетая, да глас Тебе вопием Архангелов: радуйся, Благодатная, Господь с Тобою.

Песнь 5

Ирмос: Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.

Провидев души твоея доброту, Пастыреначальник Христос пастыря тя добра и учителя изрядна стаду Своему показа, темже и прият тя в чертог Небесный со святительми, ихже житию мудре поревновал еси. С ними убо на Небеси молися о всех нас.

Телесныя немощи находят на ны, и беды отвсюду окружают ны. Изми убо ны от тех молитвами твоими, святителю: врача бо тя имамы богодарованнаго в болезнех и утешителя в скорбех.

Заповеди Христовы сотворив и тем стадо твое научив, велий по достоянию наречен еси во Царствии Небеснем. Потщися, отче, и нас ввести во дворы Господни: мы бо есмы чада твоя и овцы словеснаго твоего стада.

Богородичен: Небесных славо и земных веселие, Пречистая Дево, яко Царица, со всеми святыми непрестанно за ны молися Сыну Твоему: на Тя бо все упование по Бозе возложихом.

Песнь 6

Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.

Пастырю добрый, Христовы люди Божественными учении упасый и добродетельми души твоея воспитавый, не остави и нас во гресех наших погибнути, но в нихже и сам яко человек искушаемь был еси, и нам, искушаемым, ныне помози.

О, велие чудо! Гроб святителя общая всем врачебница бывает, безмездная воистину и готовая: приидите, человецы, со страхом и верою, туне приимите здравие душам и телесем вашим, Господа славяще и угодника Того ублажающе.

Граду твоему заступник буди, святе отче, и всю страну нашу необоримым твоим предстательством огради, да вси с веселием зовем ти: радуйся, Тамбовская похвало, Питириме приснопамятне.

Богородичен: Под кров Твой, Владычице, вси земнороднии, прибегаем и душами умиленными вопием Ти: всемощным ходатайством Твоим, Богомати, милостива нам сотвори, Егоже пречисто родила еси, Христа Бога нашего.

Кондак, глас 8

Икос

Песнь 7

Ирмос: Отроцы еврейстии в пещи попраша пламень дерзновенно и на росу огнь преложиша, вопиюще: благословен еси, Господи Боже, во веки.

Прилежное о стаде твоем попечение имел еси, отче, житием и словом на путь спасения вся добре наставляя. Темже заблуждшаго мя на стезях погибели, яко пастырь сострадателен, твое овча ныне взыщи, вопиюща: благословен еси, Господи Боже, во веки.

Слово Господне, яко чистии сердцем Бога узрят, на тебе, святе отче, исполнися. Видел бо еси телесныма очима Спаса Христа, послушающа молитву твою, Емуже взывал еси: благословен еси, Господи Боже, во веки.

На месте молитвенных твоих подвигов ископал еси источник воды благодатный, от негоже благоговейнии людие почерпают недугов исцеления, аще воспросят твоея помощи, и не раскаются, зовуще: благословен еси, Господи Боже, во веки.

Богородичен: От сна греховнаго воспряни, о окаянная душе моя, и ко единей Заступнице всех воззови: Мати Дево, спаси мя молитвами Твоими и избранных части сподоби, вопиюща: благословен еси, Господи Боже, во веки.

Песнь 8

Ирмос: Победители мучителя и пламене благодатию Твоею бывше, заповедем Твоим зело прилежаще, отроцы вопияху: благословите, вся дела Господня, Господа.

Икону Богоматере во освящение, покров и ограждение граду твоему принесл еси, отче, яже источник благодатных исцелений и от всяких напастей щит державен показася вопиющим: благословите, вся дела Господня, Господа.

Скоропослушный помощник в скорбех и болезнех бываеши, преподобне, призывающим тя верою, овым убо в сониих являяся, овым яве предстоя, овым же тайно благодея, вопиющим: благословите, вся дела Господня, Господа.

Святотатцу дерзновенному во храме твоем, возстав от гроба, яве предстал еси, святителю, грозным прещением призвав того к покаянию. Моли и нам датися прежде конца покаянию, зовущим: благословите, вся дела Господня, Господа.

Богородичен: Ублажают Тя вси роди человечестии, яко родила еси без отца Сына плотию, прежде век Сына Божия без матере суща, Емуже вопием: благословите, вся дела Господня, Господа

Песнь 9

Ирмос: Воистину Богородицу, Тя исповедуем, спасеннии Тобою, Дево Чистая, с Безплотными лики Тя величающе.

Пастырскою ревностию распаляемь, ины овцы, яже не беша от стада твоего, привел еси ко Христу, еретичествующих множества вразумляя, неверныя же светом богопознания озаряя, да будет, по глаголу Спасову, едино стадо и един пастырь.

Тя, яко Небеснаго врача, дар исцелений от Господа приимша, усердно молим, святителю: твоих молитв Небесным врачеванием исцели лютыя недуги душ и телес наших.

Благодарное сие пение чад твоих не презри, угодниче Божий, но благосердием твоим приими е и Творцу всяческих принеси, да Той милостив будет тя почитающим.

Богородичен: От бед спаси и от страстей свободи, Владычице, рабы Твоя святителя Питирима молением: Тя бо необоримую стену, вси сущии, в печалех имамы, яко рождшую Спасение наше.

Светилен

Акафист святитетю Питириму, епископу Тамбовскому, чудотворцу

Кондак 1

Избранный чудотворче и изрядный угодниче Христов, святителю отче Питириме, всем прибегающим к тебе скорый помощниче! Сподоби нас недостойными усты воспети тебе сия похвальная. Ты же, яко имеяй велие дерзновение ко Господу, от всяких нас бед свободи, зовущих:

Радуйся, святителю Питириме, Тамбовский чудотворче.

Икос 1

Ангелом подражатель и человеков наставник был еси, святителю отче Питириме: от юности бо возлюбил еси Божественное учение и, сему последовав, доброму житию поревновал еси. Сего ради тебе, на Небеси и на земли прославленному, вопием сице:

Радуйся, от рождения твоего Богом избранный; радуйся, на служение апостольское призванный.

Радуйся, избрание твое подвигом благочестия оправдавый; радуйся, образом жития твоего и нам путь к Небеси показавый.

Радуйся, от юности иго Христово возлюбивый; радуйся, чистоту сердца твоего до конца сохранивый.

Радуйся, яко, сего ради, еще сый на земли, Ангелом уподобился еси; радуйся, яко, сего ради, Господа Славы всегда зрети сподобился еси.

Радуйся, святителю Питириме, Тамбовский чудотворче.

Кондак 2

Видя Благопромыслитель Господь души твоея доброту, направи помысл твой ко исканию единаго на потребу. Ты же, сего возжелев, еще из детства навыкл еси непрестанно взывати к Богу: Аллилуиа.

Икос 2

Разум Божественный имый, всю суету привременныя сласти презрел еси, отче Питириме: темже оставив мир и вся яже в нем, измлада приял еси образ ангельский, всего себе отдав на служение Единому Господу. Таковое убо изволение твое восхваляюще, глаголем ти сицевая:

Радуйся, яко путь правый в Царствие Небесное обрел еси; радуйся, яко сим путем невозвратно шел еси.

Радуйся, яко красная мира сего ни во чтоже вменил еси; радуйся, яко, земная отринув, Небесная возлюбил еси.

Радуйся, сердце твое присно ко Христу имевый; радуйся, Тому Единому служити вожделевый.

Радуйся, разум твой в послушание веры пленивый; радуйся, в Бозе благочестно поживый.

Радуйся, святителю Питириме, Тамбовский чудотворче.

Кондак 3

Силою Божиею укрепляем, отче Питириме, вся послушания монастырская добре проходил еси в Вяземстей обители святаго Предтечи, емуже подражал еси подвиги твоими, всегда взывая к Подвигоположнику всех, Спасу Христу: Аллилуиа.

Икос 3

Имея помысл чист, и душу непорочну, священства благодать, еще млад сый, достойно восприял еси, отче Питириме; темже, во игумена обители избран был еси и саном архимандрита почтен, ревностно подвизаяся о спасении Богом врученнаго тебе словеснаго стада. Сего ради вопием ти сице:

Радуйся, яко вся послушания иноческая неленостно прошел еси; радуйся, яко сим на высоту добродетелей возшел еси.

Радуйся, красото смиренномудрия и воздержания; радуйся, образе кротости и послушания.

Радуйся, целомудрия ревнителю; радуйся, девства и чистоты хранителю.

Радуйся, иночествующих мудрый начальниче; радуйся, всех, благочестно жити хотящих, добрый наставниче.

Радуйся, святителю Питириме, Тамбовский чудотворче.

Кондак 4

Бури злословия и людскаго мятежа не убоялся еси, отче Питириме, егда икону преподобнаго Аркадиа, недобре писанную, почитания лишил еси. Темже, о правоверии ревнуя, поучал еси паству твою право взывати к Богу: Аллилуиа.

Икос 4

Слышав и видев премногую твою добродетель, блаженный Патриарх Иоаким святителя тебе нарече и паству Тамбовскую смотрению твоему вручи. Мы же, о сем веселящеся, глаголем ти сицевая:

Радуйся, вся степени иноческаго звания с честию и славою прошедый; радуйся, на престоле святительстем достойно возседый.

Радуйся, страже Церкве Христовы неустрашимый; радуйся, делателю винограда Христова неутомимый.

Радуйся, благовременне и безвременне паству твою поучавый; радуйся, ко Христу овцы заблуждшия призвавый.

Радуйся, люди, во тьме седящия, светом Христовым озаривый; радуйся, сим от погибели их сохранивый.

Радуйся, святителю Питириме, Тамбовский чудотворче.

Кондак 5

Боготечное светило, путь жизни твоея озаряющее, бысть тебе угодник Божий Прокопий, егоже именем во святем Крещении наречен был еси и к немуже присно с молитвою прибегал еси, поя Богу: Аллилуиа.

Икос 5

Видел еси, отче Питириме, твоима очима угодника Божия Прокопиа, предстояща пред лицем Господа и к Нему молящася сице: Безсмертный Боже, хвалу Тебе воздаю, Царь бо един еси всем; помилуй душу его и сподоби сего Царствия Небеснаго. Сего ради и мы взываем к тебе: не престай молитися о всех нас купно со Прокопием блаженным, да и нас сподобит Господь достигнути Небеснаго Царствия. О сем воздыхающе, похвальная воспеваем ти:

Радуйся, очеса твоя всегда на небо возводивый; радуйся, славу Небесную паче всего возлюбивый.

Радуйся, непрестанными молитвами сердце твое освятивый; радуйся, мысль твою в Бозе утвердивый.

Радуйся, яко Прокопиа святаго, молитвенника дерзновеннаго всегда имел еси; радуйся, яко сему споспешествующу, в радость Господа твоего вшел еси.

Радуйся, яко в райских обителех ныне пребываеши; радуйся, яко от Горних высот и нас, многогрешных, милостивно назираеши.

Радуйся, святителю Питириме, Тамбовский чудотворче.

Кондак 6

Проповедник веры православныя и ревнитель благочестия словом и житием твоим был еси, святителю Питириме. Темже духовная паства твоя непрестанно памятует и вся Российская страна достойно ныне прославляет труды твоя, имиже трудился еси, присно взывая ко Господу: Аллилуиа.

Икос 6

Возсиял еси во Церкви Тамбовстей светом Христова учения и ревностию твоею о славе Божией, святителю отче Питириме: ты бо, красоту Господню возлюбив, о устроении храмов святых и о благочинии церковнем всеусердно прилежал еси. Сего ради воспеваем ти сице:

Радуйся, славы Христовы ревнителю; радуйся, храмов святых строителю.

Радуйся, благочиния церковнаго строгий блюстителю; радуйся, чтения и пения Божественнаго искусный учителю.

Радуйся, яко тобою Церковь Русская благоукрасися; радуйся, яко в ней вера Христова тобою утвердися.

Радуйся, града Тамбова славо и украшение; радуйся, всем нам защито и ограждение.

Радуйся, святителю Питириме, Тамбовский чудотворче.

Кондак 7

Хотяй невозбранно возноситися духом в Горняя Селения, безмолвие пустыни возлюбил еси, отче Питириме, идеже многи дни в посте и молитве подвизался еси, овогда же со святителем Митрофаном, другом твоим, беседовал еси, воспевая с ним купно хвалебную песнь: Аллилуиа.

Икос 7

Новую обитель в месте пустыннем, якоже тихую пристань, во славу Предтечи Господня создав и в самом граде Тамбове с сестрою твоею Екатериною обитель женскую устроив, сим явил еси нам, отче Питириме, велию твою любовь ко обителем святым. Сего ради воспеваем ти похвальная сия:

Радуйся, Предтечу Господня возлюбивый и тому в житии твоем поревновавый; радуйся, строгий подвиг благочестия в себе показавый.

Радуйся, пустыни безмолвия любителю; радуйся, поста и молитвы строгий блюстителю.

Радуйся, Тамбовския дебри и леса молитвою твоею облагоухавый; радуйся, обитель иноком тамо основавый.

Радуйся, святителя Митрофана друже и собеседниче; радуйся, во Царствии Небеснем тому сонаследниче.

Радуйся, святителю Питириме, Тамбовский чудотворче.

Кондак 8

Странника и пришельца в мире сем помышлял еси себе, отче Питириме. Темже, Небесная возлюбив, сокровище некрадомое сокровиществовал еси, грядущаго града взыскуя и ко Господу радостно взывая: Аллилуиа.

Икос 8

Весь исполнь любве Христовы, душу твою за овцы твоя положити готов был еси, спасение всем устрояя и всем во всем угождая, не иский своея, но многих пользы, да всяко некия спасеши. Сего ради чтим святую память твою и усердно вопием ти:

Радуйся, отче благосердый, о спасении многих ревновавый; радуйся, не своих си, но ближняго искавый.

Радуйся, пастырю добрый, на пажитех тучных чада твоя духовная питавый; радуйся, страже неусыпный, от волков хищных овцы твоя охранявый.

Радуйся, нищих кормителю и гладных питателю; радуйся, сирых защитниче и обидимых предстателю.

Радуйся, яко и ныне во всяких нуждах скоро нам помогаеши; радуйся, яко и ныне всех, с верою к тебе притекающих, милостивно утешаеши.

Радуйся, святителю Питириме, Тамбовский чудотворче.

Кондак 9

Всяк возраст и всяко сословие еще в житии твоем величаху тя, яко человека Божия, и в час кончины твоея вся паства твоя плакаше о тебе, яко о отце своем. Зрящи же тя погребаема и новаго предстателя на Небеси имети уповающи, с рыданием, купно же и благодарным сердцем, возглашаше о тебе надгробную песнь: Аллилуиа.

Икос 9

Витийство человеческое не довлеет ко прославлению многих чудес твоих, святителю Питириме: новая бо купель Силоамская открыся всем страждущим во источнице твоем, рукама твоима ископаннем; таже и риза твоя честная, на недужныя полагаема, дарует им исцеление, и гроб твой святый явися воистину неоскудная врачебница: никтоже бо, с верою к нему притекаяй, тощ и неутешен отходит. Сего ради гласы хвалебными тя славим:

Радуйся, врачу безмездный, туне врачевания всем подаваяй; радуйся, сосуде драгоценный, целебное миро всем верным богатно изливаяй.

Радуйся, глухих слышание и слепых прозрение; радуйся, хромых хождение и сляченных исправление.

Радуйся, разслабленных укрепителю; радуйся, бесноватых от насилия диавольскаго свободителю.

Радуйся, лишенным смысла ум здравый подаваяй; радуйся, в сониих и видениих помощь твою являяй.

Радуйся, святителю Питириме, тамбовский чудотворче.

Кондак 10

Спасти хотя паству твою, отче Питириме, не судил еси ведети в ней ино что, точию Иисуса Христа, и Сего распята. Сего ради поставил еси образ распятия Господа, знамение нашего спасения, на вратех града, да вси мимоходящии покланяются ему, воспевающе хвалебную песнь: Аллилуиа.

Икос 10

Стены необоримыя и Заступницы рода христианскаго икону дивную граду Тамбову даровал еси, отче Питириме, от неяже доднесь всем с верою приходящим токи чудес изливаются. Сего ради благодарне взываем ти сице:

Радуйся, все упование твое на Матерь Божию возложивый; радуйся, и град твой покрову Тоя вручивый.

Радуйся, икону Ея святую в щит и ограждение граду поставивый; радуйся, залог любве твоея икону Богоматере пастве оставивый.

Радуйся, яко иконою тою чудеса многа содеваются; радуйся, яко милости Божия от нея непрестанно изливаются.

Радуйся, Богородицу нам указавый от всех бед избавление; радуйся, яко милостию Ея ты еси наша радость и утешение.

Радуйся, святителю Питириме, Тамбовский чудотворче.

Кондак 11

Пение немолчное даже доднесь совершается у святей иконы твоей, угодниче Божий Питириме: мнози бо, в нуждах сущии, ведят тя помощника благопоспешлива и молитвенника благоуветлива. Темже ныне вся Российская земля благодарне вопиет прославльшему тя Богу: Аллилуиа.

Икос 11

Светильник светозарен был еси в земнем житии твоем, отче наш Питириме, благодатно озаряя души верных. Просвети убо молитвами твоими очи душевныя и нам, в пучине греха погибающим, да благодарне вопием ти:

Радуйся, великий угодниче Божий, благочестную жизнь на земли возлюбивый; радуйся, веру, надежду и любовь даже до конца сохранивый.

Радуйся, светильниче многосветлый, светом истиннаго Богопознания нас озаряяй; радуйся, луче Солнца Правды, теплотою Божественныя любве души наша согреваяй.

Радуйся, бисере честный, сиянием Небесныя Славы сердца наша увеселяяй; радуйся, каменю драгий, страну нашу православную украшаяй.

Радуйся, яко тобою бездну милосердия Божия призываем; радуйся, яко тобою спасение вечное получити уповаем.

Радуйся, святителю Питириме, Тамбовский чудотворче.

Кондак 12

Благодать от Бога ти данную ведяще, ныне прилежно молим тя, святителю Питириме: пролей теплую о нас молитву ко Господу, да сохранит Церковь Свою Святую невреждену от ересей и расколов и вся православныя да помилует и спасет, вопиющия Ему: Аллилуиа.

Икос 12

Поюще твое Богоугодное житие, отче Питириме, и на Небеси от Бога прославление, величаем безчисленная чудеса и исцеления твоя, и, на неусыпныя молитвы твоя уповающе, взываем ти сицевая:

Радуйся, храм Преображения Господня благолепен устроивый; радуйся, вечное покоище себе в нем предуготовавый.

Радуйся, житие твое земное благочестне скончавый; радуйся, от Царя Небеснаго венец славы приемый.

Радуйся, апостолов собеседниче; радуйся, святителей сопрестольниче и сонаследниче.

Радуйся, Архангелов и Ангелов сослужителю; радуйся, всех Небесных Сил сожителю.

Радуйся, святителю Питириме, Тамбовский чудотворче.

Кондак 13

О преславный чудотворче, угодниче Божий Питириме! Приими сие от любве нашея приносимое тебе благохваление и твоим благоприятным ходатайством избави нас от всяких бед и зол, от внезапныя смерти и будущия муки, да сподобимся купно с тобою во веки пети: Аллилуиа.

Этот кондак читается трижды, затем 1-й икос «Ангелом подражатель...» и 1-й кондак «Избранный чудотворче...».

Молитва

О великий угодниче Божий и преславный чудотворче, святителю Питириме! К тебе смиренно припадаем и усердно молимся: яви нам, грешным, любовь твою отеческую и многомощное твое заступление. Веруем бо, яко велие дерзновение имаши ко Господу и яко много может предстательство твое пред Престолом благости Его. Сохрани молитвами твоими Церковь Святую от ересей и расколов, от суеверия и неверия. Испроси нам веру праву, надежду несомненну, любовь нелицемерну, в добрых делех преспеяние, во искушениях мужество, в злостраданиих терпение, в молитвах постоянство, мир и благоустроение стране нашей, здравие же и спасение людем ея. Призри милостивно на предстоящия и молящияся пред святою иконою твоею и вся прошения их во благо исполни, и всем вся в жизни временней и вечней потребная даруй, во славу дивнаго во святых Своих Бога, в Троице славимаго и покланяемаго, Отца и Сына и Святаго Духа, ныне и присно и во веки веков. Аминь.