Икона Божией Матери «Неупиваемая Чаша»

5 / 18 Мая

Ико­на Бо­жи­ей Ма­те­ри «Неупи­ва­е­мая Ча­ша» по ико­но­гра­фии от­но­сит­ся к ти­пу «Оран­та» – Бо­го­ма­терь изо­бра­же­на с воз­де­ты­ми вверх ру­ка­ми, пе­ред Ней – Бо­гом­ла­де­нец, сто­я­щий в ча­ше. Это Ча­ша При­ча­ще­ния – неис­то­щи­мый ис­точ­ник ду­хов­ной ра­до­сти и уте­ше­ния. Пре­свя­тая Бо­го­ро­ди­ца мо­лит­ся за всех греш­ных и воз­ве­ща­ет, что каж­до­му страж­ду­ще­му уго­то­ва­на Неупи­ва­е­мая Ча­ша небес­ной по­мо­щи и ми­ло­сер­дия.

По­яв­ле­нию этой ико­ны пред­ше­ство­ва­ло необыч­ное про­ис­ше­ствие, про­изо­шед­шее в 1878 го­ду в Туль­ской гу­бер­нии. Некий от­став­ной сол­дат был одер­жим стра­стью к пьян­ству. Он про­пи­вал все, что у него бы­ло, и вско­ре стал ни­щен­ство­вать. От зло­упо­треб­ле­ния ал­ко­го­лем у него от­ня­лись но­ги, но это не оста­но­ви­ло его и он про­дол­жал пить. Как-то во сне быв­ший сол­дат, а ныне кре­стья­нин, уви­дел стар­ца, ко­то­рый при­ка­зал ему ид­ти в го­род Сер­пу­хов в мо­на­стырь Вла­ды­чи­цы Бо­го­ро­ди­цы, где на­хо­ди­лась ико­на Бо­жи­ей Ма­те­ри «Неупи­ва­е­мая Ча­ша», и от­слу­жить пе­ред ней мо­ле­бен. Не имея ни гро­ша, с от­няв­ши­ми­ся но­га­ми, кре­стья­нин не мог от­пра­вить­ся в путь. Но свя­той ста­рец во вто­рой и тре­тий раз явил­ся ему и гроз­но по­ве­лел ис­пол­нить ска­зан­ное. На чет­ве­рень­ках от­пра­вил­ся от­став­ной сол­дат в Сер­пу­хов. В од­ном из се­ле­ний, ко­то­рые ле­жа­ли на пу­ти, он оста­но­вил­ся для от­ды­ха. Чтобы об­лег­чить боль и стра­да­ния пут­ни­ку, ста­руш­ка-хо­зяй­ка рас­тер­ла ему но­ги и уло­жи­ла на печь. На сле­ду­ю­щий день сол­да­ту по­лег­ча­ло, но хо­зяй­ка оста­ви­ла его еще на од­ну ночь, сно­ва рас­те­рев ему боль­ные но­ги. Опи­ра­ясь на две, а по­том и на од­ну пал­ку, кре­стья­нин по­ти­хонь­ку до­шел до Сер­пу­хо­ва.

Во Вла­дыч­нем мо­на­сты­ре он рас­ска­зал о сво­их див­ных сно­ви­де­ни­ях и по­про­сил от­слу­жить мо­ле­бен пе­ред ико­ной Бо­жи­ей Ма­те­ри «Неупи­ва­е­мая Ча­ша». Но его прось­ба при­ве­ла в за­ме­ша­тель­ство на­сель­ниц мо­на­сты­ря: ни­кто в оби­те­ли не знал та­кой ико­ны. Лишь через неко­то­рое вре­мя они на­шли икон­ку, ви­сев­шую в про­хо­де из хра­ма в риз­ни­цу. На обо­рот­ной сто­роне ее бы­ла над­пись «Неупи­ва­е­мая Ча­ша»... В ли­ке же уче­ни­ка свя­ти­те­ля Алек­сия – пре­по­доб­но­го Вар­ла­а­ма – кре­стья­нин сра­зу же узнал явив­ше­го­ся ему во сне свя­то­го стар­ца. До­мой из Сер­пу­хо­ва от­став­ной сол­дат воз­вра­тил­ся уже сво­бод­ным от сво­ей па­губ­ной стра­сти.

Весть о чу­до­твор­ной иконе быст­ро рас­про­стра­ни­лась по всей Рос­сии. Лю­ди, стра­дав­шие от пьян­ства, их род­ные и близ­кие спе­ши­ли воз­не­сти мо­лит­вы к Пре­свя­той Бо­го­ро­ди­це об ис­це­ле­нии от неду­га, мно­гие при­хо­ди­ли уже по­сле, чтобы воз­бла­го­да­рить Вла­ды­чи­цу за Ее ве­ли­кую ми­лость.

Чу­до­твор­ная ико­на «Неупи­ва­е­мая Ча­ша» на­хо­ди­лась во Вла­дыч­нем мо­на­сты­ре до 1919 го­да, а по­сле его за­кры­тия – в со­бо­ре Ни­ко­лы Бе­ло­го на Ка­луж­ской ули­це. Даль­ней­шая судь­ба ико­ны неиз­вест­на.

В 1993 го­ду в Сер­пу­хов­ском Вы­соц­ком муж­ском мо­на­сты­ре, а в 1995 – в воз­рож­ден­ном Вла­дыч­нем мо­на­сты­ре бы­ли сде­ла­ны спис­ки чу­до­твор­ной ико­ны, при этом бы­ли со­хра­не­ны все про­пор­ции и ака­де­ми­че­ский стиль, ха­рак­тер­ный для под­лин­ни­ка. Все это по­слу­жи­ло на­ча­лом воз­рож­де­ния по­чи­та­ния чу­до­твор­ной ико­ны по­сле дол­гих лет бо­го­бор­че­ства.

По­кло­нить­ся иконе Бо­жи­ей Ма­те­ри «Неупи­ва­е­мая Ча­ша» едут со всех угол­ков Рос­сии и дру­гих стран. Сла­вит­ся чу­до­твор­ная ико­на ско­рым ис­це­ле­ни­ем страж­ду­щих от неду­гов нар­ко­ма­нии, ал­ко­го­лиз­ма и ку­ре­ния. За­ме­че­но, что ико­на не толь­ко ис­це­ля­ет, но и по­мо­га­ет из­ме­нить об­раз жиз­ни че­ло­ве­ка, при­во­дит его к осо­зна­нию сво­их гре­хов, по­ка­я­нию, воз­вра­ща­ет к бла­го­че­сти­вой жиз­ни.

К со­жа­ле­нию, точ­но не из­ве­стен тот день, в ко­то­рый ико­на бы­ла яв­ле­на. В XIX ве­ке празд­но­ва­ние в честь ико­ны «Неупи­ва­е­мая Ча­ша» со­вер­ша­лось 27 но­яб­ря – в один день с ико­ной Бо­жи­ей Ма­те­ри «Зна­ме­ние», так как обе эти ико­ны схо­жи по ико­но­гра­фии.

В кон­це XX ве­ка, по­сле вос­ста­нов­ле­ния по­чи­та­ния ико­ны «Неупи­ва­е­мая Ча­ша», ее празд­но­ва­ние бы­ло при­уро­че­но ко дню пре­став­ле­ния пре­по­доб­но­го Вар­ла­а­ма Сер­пу­хов­ско­го – 5 мая, так как яв­ле­ние чу­до­твор­ной ико­ны про­изо­шло через пред­ста­тель­ство это­го свя­то­го. В 1997 го­ду по бла­го­сло­ве­нию Свя­тей­ше­го Пат­ри­ар­ха Алек­сия II бы­ло уста­нов­ле­но со­вер­шать об­ще­цер­ков­ное празд­но­ва­ние иконе Бо­жи­ей Ма­те­ри «Неупи­ва­е­мая Ча­ша» 5 мая.

Молитвы

Тропарь Божией Матери пред иконой Ее Неупиваемая чаша глас 4

Днесь притецем вернии/ к Божественному и пречудному образу Пресвятыя Богоматери,/ напояющей верных сердца/ небесною Неупиваемою Чашею Своего милосердия/ и людем верным чудеса показующей./ Яже мы видяще и слышаще/ духовно празднуем и тепле вопием:/ Владычице премилостивая,/ исцели наша недуги и страсти/ молящи Сына Твоего Христа Бога нашего/ спасти души наша.

Кондак Пресвятей Богородице в честь иконы Ее «Неупиваемая Чаша»

Бысть чрево Твое святая Трапеза, имущая Небеснаго Хлеба, Христа Бога нашего, от Негоже всяк ядый не умирает, якоже рече всех, Богородительнице, Питатель.

Молитва Пресвятей Богородице в честь иконы Ее «Неупиваемая Чаша»

О, Премилостивая Владычице! К Твоему заступлению ныне прибегаем, молений наших не презри, но милостивно услыши нас, жен, детей и матерей, и исцели тяжким недугом пиянства одержимых и того ради от матери своея, Церкве Христовы, и спасения отпадающих братий и сестер и сродник наших. О Милостивая Мати Божия, коснися сердец их и скоро возстави от падений греховных, ко спасительному воздержанию приведи их. Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии. Приими, Пресвятая Богородице, молитвы матерей, о чадех своих слезы проливающих, жен, о мужех своих рыдающих, чад, сирых и убогих, заблудшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко Престолу Всевышняго. Покрый и соблюди нас от лукаваго ловления и всех козней вражиих, в страшный же час исхода нашего помози проити непреткновенно воздушная мытарства молитвами Твоими, избави нас вечнаго осуждения, да покроет нас милость Божия в нескончаемыя веки. Аминь.

Канон Пресвятой Богородице пред иконой «Неупиваемая Чаша»

Песнь 1

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Ангел вопияше Тебе, Дево Чистая: радуйся! Мы же что Ти принесем, благаго Царя благая Мати, яко явила еси нам в сия последняя времена сокровище неоскудное – чудотворную икону Твою на освящение и исцеление душ и телес наших.

Ты буди нам утверждение и в бедах скорое заступление, Царице Небесе и земли, на Тебе надеемся, непрестанно моляще Твою благостыню.

Богатство духовное неиждиваемое даровала еси рабом Твоим, Жизнь рождшая, Пренепорочная Чистая Дево, икону Твою священную, еяже прославление светло празднующе, вернии, избавляемся от всяких бед и скорбных обстояний.

Святая Владычице, Пречистая Бога нашего Мати, всех Творца неизреченно рождшая, моли всегда благость Его страстей нас избавити и оставление грехов нам даровати.

Озари, всепетая Дево, чистшая светлостей солнечных, слепотствующий ум наш разумом истиннаго Боговедения, да не погибнем люте во гресех наших: помыслы благочестия сердца наша просвети, да, спасшеся Тобою, радостно возгласим: слава силе, слава и милосердию Твоему, Господи, Благодетелю всеблагий.

Молим Тя, яже прежде век избранная в Матерь Господа, исцели расслабленныя грехом души наша, оживи росою покаяния сердечнаго и молитвы слезной, укрепи в сердцах рабов Твоих веру истинную и любовь нелицемерную, да сподобимся подвигом добрым подвизатися, веру непорочну соблюсти, житие мирно скончати, хваля Господа: слава долготерпению Твоему, Спасе наш.

Песнь 3

Ирмос: Твоя песнословцы, Богородице, живый и независтный источниче, лик себе совокупльшия, духовно утверди, в Божественней Твоей славе, венцев славы сподоби.

Достойно есть величати Тя, Богородицу, даровавшую пречистый образ Свой в помощь и Божественное заступление святей обители сей от враг видимых и невидимых.

Богоначальным мановением святая икона Твоя, Владычице, от лет древних хранимая, ныне, яко чаша, благодать Твою обильно изливающая, есть достояние обители Твоея, темже благочестно прославляюще Тя, Богородице, достойно величаем.

Не остави нас, Богородице, нечистыми страстьми влаятися, не остави в беззакониях наших погибнути, но молящихся Тебе житие свое исправити научи и Твое милосердие воспети достойно.

Человеков молитвы и Ангелов славословие, Владычице, приемлющи, и моего убогаго не отврати моления, скорбь души моея утоляющи, паче же терпение в скорбех присно мне подающи.

Владычице Пречистая, елика просим днесь от Тебе прияти, сия от чудотворныя Твоея иконы нам подаждь, и немощное наше произволение утверди, и небесных благ желание в сердца наша всели.

Нашему спасению буди, Богородице, ходатаица и наставница, но и телесныя нужды и болезни наша исцели; зане маловерни и нетерпеливи суще, помыслом уныния в бедах наших вдаемся и наипаче терпения дар у Бога просити требуем.

Седален

Яко воистину Божественное украшение Церкви и залог милости Твоея к христоименитым людем икона Твоя, Богородице Дево, показася: всяк бо, с верою к ней приходяй, в недузех исцеление, в скорбех утешение, в бедах вспоможение от Тебе скоро приемлет, всемилостива бо сущи, милости Твоея источник в чудотворнем образе Твоем нам зде являеши, да славим имя Твое преблагословенное во веки.

Песнь 4

Ирмос: Седяй в славе на Престоле Божества во облаце легце, прииде Иисус Пребожественный нетленною дланию и спасе зовущия: слава, Христе, силе Твоей.

Иже в бедах сущии человецы, ведите, яко близ вас избавление верное обретается, аще токмо с верою сие призывати будете, сице глаголюще: о, Владычице, помози и прости нас грешных, о нас милосердовавши.

Вемы, Владычице, вемы, яко веры исполненная молитва Тобою не отщетится; но сицевыя веры лености ради нашея не стяжахом, аще и стяжати возжелехом. Темже и вопием: веруем, Пречистая, помози нашему маловерию.

Широкий путь жития зле возлюбихом, Богородице, к погибели сыны своя влекущий и веру их сокрушающий; но пред святою Твоею иконою предстояще, покаяние о сем приносим и помощи Твоея смиренно просим, во еже на путь спасения обратитися.

Еже ко временному житию потребное вмале полезно есть, но паче сих о сухости сердец наших восплачем, о братие, и исцеления страстей наших просити потщимся, греховное житие свое окаявше и горних даров тепле возжелевше.

Ядом страстей извращена ми душа, и нозе мои по пути спасения ходити не возмогут, аще не Твоим, Пречистая, предстательством благодатную обрящу помощь, во еже на путь правый устремити души моея шествие.

Церковь, в нейже икона Твоя пребывает, Богородице, врачебница недугов телесных и душевных является, веры же учительница и неверия явная обличительница.

Песнь 5

Ирмос: Ужасошася всяческая о Божественней славе Твоей: Ты бо, неискусобрачная Дево, имела еси во утробе над всеми Бога и родила еси безлетнаго Сына, всем воспевающим Тя мир подавающая.

Людей мольбы и славословия, пред чудотворным Твоим образом и на всяком месте возносимыя, благоутробно, Владычице, приими, и, узами Твоея любве души наша пророчески связавши, сия в Небесное привлецы Царство, и тамо Твоему лицу поклонится сподоби.

Благочестно отвсюду, о Богомати, к чудотворней иконе Твоей притекающим и усердно покланяющияся милостей Твоих и щедрот не лишаеши, от бед сия спасаеши, от недуг избавляеши, духи лукавыя от них прогоняеши, утешение же и здравие всем подающи, яко всеблагая.

К Твоей, Дево, прибегаем благости, и очи сердец наших к Тебе, Чистая, возводим: не презри воздыханий наших молитвенных, но буди нам покров и помощница в день судный.

Освящение, здравие и спасение душам и телесем нашим, Мати Божия, от святыя Твоея иконы подаеши, ейже благочестно покланяемся и усты и сердцем благоговейно сию целуем, Твоя чудеса и неисчетную милость к христианскому роду присно славяще.

Известная верных еси помощница и всяких благ подательница, Пречистая Дево, иконою бо Твоею чудотворною неисчетныя милости просящим подаеши и вся спасаеши, иже Тебе верно вопиют от души: помилуй и спаси нас, Владычице.

Мати Божия всеблагая, милосердых щедрот Твоих не лиши нас, обнищавших во гресех, и от челюстей мысленнаго волка исхити души наша, да не погибнем до конца, но приносим присно плоды покаяния Богу.

Песнь 6

Ирмос: Божественное сие и всечестное совершающе празднество, богомудрии, Богоматере, приидите, руками восплещим, от Нея рождшагося Бога славим.

О, преславных чудес Твоих, Владычице, и многаго Твоего к человеком сострадания: единым бо прикосновением к иконе Твоей немощныя врачуеши, и издалече, в сониих и видениих, к ней требующих Твоего заступления призываеши.

Вода освященная и елей от лампады иконы Твоея святыя недуги неисцельныя, Богородице Дево, врачуют и оныя с верою приемлющим во исцеление и спасение бывают; сего ради Тя, Целительницу, ублажаем, и чудеса Твоя, от иконы Твоея явленная и присноявляемая, славим.

Расторгни пленицы наших грехопадений, избави от рова страстнаго жития, и даруй свободу рабом Твоим, Богородице, да скончаем прочее живота нашего в мире и покаянии, уповающе наследити вечную славу.

Зряще на Твою, Богородительнице, икону, молим Тя, яко Матерь Света незаходимаго, отжени от нас мрак страстей Того светлостию, да, просвещшеся, воспоем: слава силе Твоей, Господи.

Ты тихое обуреваемым, Богородице, пристанище, Ты радость печалию погруженным, болящим Ты исцеление и покров всем, к Тебе прибегающим, Владычице, едина Чистая и Благословенная.

Тя, Богоневесто Чистая, недостойнии раби, славим, лобызающе бренными устны образ Твой святый, и Тебе молимся со слезами: спаси нас от лютых грехопадений, да избавимся от вечныя муки.

Кондак, глас 6

Бысть чрево Твое святая Трапеза, имущая Небеснаго Хлеба, Христа Бога нашего, от Негоже всяк ядый не умирает, якоже рече всех, Богородительнице, Питатель.

Икос

Како отверзу бренная уста и воспою Небо одушевленное, Деву Марию, от Неяже нам возсия Солнце мысленное, Христос, просвещаяй всякаго человека? Недоумеет бо ум мой, безгласием язык связуется. Но к чудес виновней Тоя иконе зряще, ангельски воспоем, глаголюще: радуйся, неистощимое сокровище благодати; радуйся, чудес неизследимая пучино. Радуйся, всем верным Божественное услаждение; радуйся, скорбящим всерадостное веселие. Радуйся, обидимым скорое избавление; радуйся, в житейстем мори спасительное окормление. Радуйся, обуреваемым страстьми тихое пристанище; радуйся, оружие, во брани мысленней противныя поражающее. Радуйся, молние, попаляющая диавола; радуйся, врачевство, болезни вся исцеляющее. Радуйся, миро благовонное всему миру; радуйся, горо, вся осененная Божеством. Радуйся, Дево, всех благих виновная верным; радуйся, Невесто Неневестная.

Песнь 7

Ирмос: Не послужиша твари Богомудрии паче Создавшаго, но огненное прещение мужески поправше, радовахуся поюще: препетый отцев Господь и Бог, благословен еси.

Неисповедимое чудес море вемы Тя, Богородице, паче бо ума и слова оными Ты прославилася еси. Тем ныне, яко Матерь Божию, в песнех Тя славим, раби Твои, благодарственно.

Живоносный источниче, Богородице Дево, зноем страстей палимую мою душу напои благодатными струями Сына Твоего, и услади горесть сердца моего зрением святаго образа Твоего.

Непостыдную предстательницу нам дарова, икону Матери Своея, иже Ея зряще, веселимся и умильно зовем: помози, Владычице, всем, и от всех злых спаси, и Царствию Небесному сподоби.

Тобою вси спасаемся и от нахождений диавольских свобождаемся. Тя Бог показа нам заступницу и Твою честную икону нам дарова, Ейже вопием: Владычице, помози, и от всех злых человек спаси, и Царствию Небесному сподоби.

Не умолчим, Владычице, чудеса Твоя, яко Своею честною иконою всех спасаеши и страждущих от бед избавляеши, недужным цельбы подаеши, и нас от всех злых спаси и Царствию Небесному сподоби.

Пение от недостойных раб приими, Мати Христа Бога, и не отрини мене от Своего пречистаго лица, но спаси от злых всех и Царствию Небесному сподоби.

Песнь 8

Ирмос: Отроки благочестивыя в пещи Рождество Богородичо спасло есть, тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

Приидите, вси вернии, воспоем Пречистую Деву Марию и честному Ея образу поклонимся, вопиюще от сердца: радуйся, Гавриилово благовещение; радуйся, Царя Христа восприимши и на руку Своею держа, яко солнце. Того моли, Чистая, от злых спасти душу мою.

Божественныя Твоея иконы святое явление, яко солнце, возсия в сердцах, луча всечестная просвещает светом Своим всех, вопиющих Ей: радуйся, благая наша предстательнице и скорая помощнице, славословящих Тя, Пречистая, помилуй нас.

Правоверно чтущи Тя, Царицу всех Бога, и Твоей чудней иконе святей любезно покланяюся, вопиющи: о, Божия Мати, спаси от клеветы злых человек и избави мя, славословящаго Тя, и помилуй.

Божественней Твоей иконе покланяемся, Богородице Дево, просяще от Тебе великия милости, юже даруй рабом Своим, едина Чистая, и от всякия злобы избави, и славословящих Тя, Пречистую, помилуй.

Взираю на Божественный образ Твой, и чту Владычню Божию Матерь, и взираю на подобия пречистаго Ея лица зрак, покланяюся и вопию: Дево Богородице, чтущих Тя, Многопетую, во веки сохрани.

Приими песнь исходную, Мати Живаго Бога, и спаси всех, верно покланяющихся святей Твоей и чудотворней иконе и вопиющих Тебе, Богородительнице: молися, Пречистая, Сыну Своему, помиловатися от всех злых.

Песнь 9

Ирмос: Всяк земнородный да взыграется, Духом просвещаемь, да торжествует же безплотных умов естество, почитающее священное торжество Богоматере, и да вопиет: радуйся, всеблаженная Богородице, Чистая Приснодево.

Богородице Пречистая, аще и многогрешни суть людие, в Твой святый храм притекающии, но якоже Сын Твой спасения ради грешник от небес к нам пришел есть, тако и Ты от небесных кругов на моления наша призри и прошений людей Твоих не презри, Всепетая.

Да утверждается Православная вера умножением исцелений от Твоея чудотворныя иконы, о Владычице, бываемых, да прославляется в людех Твое предстательство, паче же над страстьми победою увенчай наша зде возносимыя Тебе молитвы.

Твоей чудотворней иконе, Пречистая, покланяяся и сию благоговейно лобызая, о своих же грехопадениих ужасаяся, сице реку: аще подобает мне их ради скорби приимати, терпения дар молитвою Твоею мне низпосли.

Отечество наше, Владычице, паче всех стран земли чудотворными иконами Твоими просветила еси, яже, аки звезды небесныя, нощь земнаго жития нашего освещают и по пути правому ходити нас научают.

Множеству людей, семо притекающему, многая дарования от чудотворныя иконы Божия Матере подаются, от нихже лучшее есть, еже в чувство покаяния приити и на деяния благая устремитися. В сем убо помощь Твою яви мне, Пречистая.

Помощи Богородицы Пречистыя, о братие, мнози свидетелие зде обретаются, нашему же нерадению обличителие, темже чудотворней иконе Владычицы предстояще, к покаянию теплому устремим душ наших шествие.

Акафист Пресвятой Богородице пред иконой «Неупиваемая Чаша»

Кондак 1

Избра́нное и ди́в­ное из­бав­ле́­ние нам да­ро­ва́­ся Твой о́б­раз чест­ны́й, Вла­ды́­чи­це Бо­го­ро́­ди­це, я́ко из­ба́вль­ше­ся яв­ле́­ни­ем его́ от не­ду́­гов ду­ше́в­ных и те­ле́с­ных и ско́рб­ных об­стоя́­ний, бла­го­да́р­ствен­ная хвале́ния при­но́­сим Ти, Все­ми́­лос­ти­вая За­сту́п­ни­це. Ты же, Вла­ды́­чи­це, «Неупива́емою Ча́шею» на́­ми имену́емая, приклони́ся бла­го­утро́б­но к на́­шим воздыха́нием и во́плем серде́чным и из­бав­ле́­ние по­да́ждь стра́­жду­щим неду́гом пиа́нства, да с ве́­рою воззове́м Ти:

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Икос 1

А́нгельстии чи́ни и пра́ведников со́нми непреста́нно сла́вят Тя, Цари́цу Богоро́дицу, Хода́таицу о многогре́шнем ро́де христиа́нстем, погря́зшем в без­за­ко́­ни­их и пребыва́ющем во гре­се́х, и́бо во уте­ше́­ние и спа­се́­ние да́руеши ему́ ми́­лость Свою́ чрез многоиме́нныя чудотво́рныя ико́­ны Твоя́, и́хже, я́ко зве́зды не­бе́с­ныя, по всей зем­ли́ на́­шей зрим; к еди́­но­му же из сих о́бразов, «Неупива́емая Ча́ша» имену́емому, при­па́­даю­ще, из глу­би­ны́ се́рд­ца взы­ва́­ем Ти:

Ра́­дуй­ся, непристу́пнаго Бо­же­ства́ се­ле́­ние; ра́­дуй­ся, непреста́нное лю­де́й удив­ле́­ние.

Ра́­дуй­ся, скорбьми́ гре­хи́ на́­ша очища́ющая; ра́­дуй­ся, печа́льми на́­ша не́­мо­щи врачу́ющая.

Ра́­дуй­ся, ми́­лость Свою́ чрез чудотво́рныя ико́­ны Твоя́ нам свы́­ше посыла́ющая; ра́­дуй­ся, яв­ле́­ни­ем их ско́рбная серд­ца́ на́­ша возвеселя́ющая.

Ра́­дуй­ся, пречу́дное всех с Бо́­гом при­ми­ре́­ние; ра́­дуй­ся, гее́нны ве́ч­ныя из­бав­ле́­ние.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Кондак 2

Ви́­дя­щи, Пре­свя­та́я Вла­ды́­чи­це, ско́р­би сер­де́ч­ныя, му́­ки ду­ше́в­ныя, и́скреннее по­кая́­ние лю­де́й, одержи́мых губи́тельным поро́ком пиа́нства, бла­го­во­ли́­ла еси́ яви́­ти богоспаса́емому гра́­ду Се́рпухову ми́­лость Свою́ яв­ле́­ни­ем пречу́днаго о́браза Сво­его́ «Неупива́емая Ча́ша», да вси к не­му́ припа́дающии с ве́­рою и со­кру­ше́н­ным се́рд­цем, по­лу­чи́в­ше ис­це­ле́­ние от тя́жкаго не­ду́­га сво­его́, из глу­би­ны́ души́ во­пи­ю́т Бо́­гу: Алли­лу́иа.

Икос 2

Разуме́в трикра́тное яв­ле́­ние преподо́бнаго Варлаа́ма и повеле́ние его́ в путь ше́ствовати в богоспаса́емый град Се́рпухов, че­ло­ве́к не́кий, стра́стию пиа́нства одержи́мый, обре́те та́­мо в монастыре́ ико́­ну Твою́ свя­ту́ю, «Неупива́емая Ча́ша» имену́емую. Мы же, ви́­дя­ще та­ко­во́е о нас, гре́ш­ных, попече́ние, с благогове́нием во­пи­е́м Ти:

Ра́­дуй­ся, чрез бла­го­чес­ти́­вых лю­де́й сла́­ву чу­де́с Тво­и́х гре́ш­ным от­кры­ва́ю­щая; ра́­дуй­ся, Путеводи́тельнице прозорли́вая, путь спа­се́­ния им показу́ющая.

Ра́­дуй­ся, всеблага́я на́­ша Нас­та́в­ни­це, лю­бо́­вию Твое́ю нас привлека́ющая; ра́­дуй­ся, за вся благодея́ния Твоя́ благодаре́нию нас науча́ющая.

Ра́­дуй­ся, скорбь на́­шу в ра́­дость пре­тво­ря́ю­щая; ра́­дуй­ся, несомне́нною на­де́ж­дою нас уве­се­ля́ю­щая.

Ра́­дуй­ся, губи́тельныя стра́с­ти на́­ша раз­ру­ша́ю­щая; ра́­дуй­ся, бла­ги́м на­ме́­ре­ни­ем спо­со́б­ствую­щая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Кондак 3

Си́­ла Вы́ш­ня­го и бла­го­да́ть Влады́чицы укрепля́ше не́коего че­ло­ве́­ка, стра́ждущаго неду́гом пиа́нства, ег­да́ он, но́зи разсла́бленеи иму́ще, и́де во град Се́рпухов, повеле́ние Бо­го­ма́­те­ре, чрез преподо́бнаго Варлаа́ма рече́нное, ис­пол­ня́я. При­ше́д же во град сей, обре́те ико́­ну Пречи́стыя Бо­го­ма́­те­ре, а́бие исцеле́ от не­ду́­га сво­его́ душе́внаго и теле́снаго и из глу­би­ны́ ду­ши́ бла­го­да́р­ствен­но воззва́ Бо́­гу: Алли­лу́иа.

Икос 3

Иму́ще ис­то́ч­ник неоскудева́емый, неупива́емую ча́шу не­бе́с­ных да­ро­ва́­ний, не то́кмо лю́­дие гра́­да Се́рпухова, но и вси пра­во­сла́в­нии христиа́ны ины́х гра­до́в и ве́­сей, притека́ющии к Тво­ему́ пречу́дному о́б­ра­зу, «Неупива́емая Ча́ша» имену́емому, и пред сим по­лу­чи́в­ше ис­це­ле́­ние, при­па́­даю­ще, бла­го­да́р­ны­ми ус­ты́ во­пи­ю́т Ти:

Ра́­дуй­ся, купе́ле, в ней­же вся ско́р­би на́­ша погружа́ются; ра́­дуй­ся, ча́ше, е́ю­же ра́­дость спа­се́­ния на́­ше­го восприе́млем.

Ра́­дуй­ся, на́­ша не́­мо­щи ду­ше́в­ныя и те­ле́с­ныя врачу́ющая; ра́­дуй­ся, стра́с­ти на́­ша си́­лою мо­ли́тв Тво­и́х укроща́ющая.

Ра́­дуй­ся, коему́ждо, во вся́­кой потре́бе про­ся́­щим, по­ле́з­ная да́­рую­щая; ра́­дуй­ся, бесчи́сленныя щед­ро́­ты всем по­даю́­щая.

Ра́­дуй­ся, ми́­лос­ти со­кро́­ви­ще нам от­кры­ва́ю­щая; ра́­дуй­ся, ми­ло­се́р­дие к па́дшим яв­ля́ю­щая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Кондак 4

Бу́­рю внутрь иму́ще по­мыш­ле́­ний су­мни́­тель­ных, но с и́скренним покая́нием притека́юще к Тво­ему́ неизрече́нному милосе́рдию, одержи́мии пиа́нственною стра́стию получа́ют ис­це­ле́­ние и из глу­би­ны́ се́рд­ца во­пи­ю́т рожде́нному от Те­бе́ Спа­си́­те­лю на́­ше­му: Алли­лу́иа.

Икос 4

Слы́­ша Гос­по́дь тя́жкия ско́р­би, во́пли и плач жен, ста́риц, дете́й, сро́дницы ко́их обурева́еми суть пиа́нственною стра́стию, да­ро­ва́ им Твою́, Вла­ды́­чи­це, ико́­ну, от нея́же вси притека́ющии обрета́ют уте­ше́­ние и ра́­дость духо́вную и во­пи­ю́т Ти со сле­за́­ми:

Ра́­дуй­ся, А́гнице, ро́жд­шая А́гнца, взе́млющаго гре­хи́ ми́­ра; ра́­дуй­ся, ча́ше, че́рплющая нам ра́­дость от ис­то́ч­ни­ка без­сме́р­тия.

Ра́­дуй­ся, ско́рб­ных матере́й уте­ше́­ние; ра́­дуй­ся, безнаде́жных На­де́ж­до.

Ра́­дуй­ся, при­те­ка́ю­щих к Те­бе́ благода́тное охране́ние; ра́­дуй­ся, скор­бя́­щих от­ра́­до и уве­се­ле́­ние.

Ра́­дуй­ся, волне́ние стра́с­ти пиа́нства утиша́ющая; ра́­дуй­ся, ру­ку́ по́­мо­щи Твоея́ тре́­бую­щим простира́ющая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Кондак 5

Я́ко боготе́чную звезду́, чест­ну́ю ико́­ну Твою́ показа́ла еси́ нам, Вла­ды́­чи­це ми́­ра, ю́же зря́ще и с ве́­рою серде́чною мо­ля́­ще­ся Те­бе́, Бо­го­ро́­ди­це, гла­го́­лем: ис­це­ли́ пиа́нством и ино́ю боле́знию душе́вною и теле́сною стра́ждущих, ве́р­ных же нау­чи́ вос­пе­ва́­ти хва­лу́ Бо́­гу: Алли­лу́иа.

Икос 5

Ви́­дя­ще чу­де­са́ пре­сла́в­ная и зна́­ме­ния пречу́дная, быва́емая не то́кмо от ико́­ны Твоея́, Бо­го­ма́­ти, во гра́­де Се́рпухове явле́нныя, но и от по подо́бию сея́ ико́­ны спи́санных изображе́ний, при­па́­даю­ще к ним, смире́нно во­пи­е́м Ти:

Ра́­дуй­ся, скоропредста́тельная По­мо́щ­ни­це усе́рд­но к Те­бе́ при­те­ка́ю­щих; ра́­дуй­ся, благосе́рдная Услы́шательнице моле́ний на́­ших.

Ра́­дуй­ся, град Се́рпухов благослове́нием Тво­и́м осени́вшая; ра́­дуй­ся, в преде́лех Моско́вских сла́­ву чу­де́с Тво­и́х показа́вшая.

Ра́­дуй­ся, всем тре́­бую­щим со­кро́­ви­ще ис­це­ле́­ний не­ос­ку́д­ное; ра́­дуй­ся, в трезве́нии благоподвиза́ющихся всемо́щная Покрови́тельнице.

Ра́­дуй­ся, веду́щим брань про­ти́­ву ми́­ра, пло́­ти, диа́вола и пиа́нства до́б­рая Споспе́шнице; ра́­дуй­ся, в ми́­ре бла­го­че́ст­но живу́щих усе́рд­ная За­сту́п­ни­це.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Кондак 6

Пропове́дающе чу­де­са́ Твоя́, Бо­го­ро­ди́­тель­ни­це, от ико́­ны Твоея́ «Неупива́емая Ча́ша» имену́емыя, быва́емая, мо́­лим Тя, Пре­чи́с­тая, со сле­за́­ми: из­ба́­ви всех нас от ви́ннаго пристра́стия и от паде́ния грехо́внаго, нау­чи́ нас воздержа́нию, подвиза́ющи вос­пе­ва́­ти Бо́­гу: Алли­лу́иа.

Икос 6

Возсия́ла еси́ в све́тлости Бо­же́ст­вен­ныя сла́­вы, Де́­во Богоотрокови́це, на Мла­де́н­ца, Преве́чнаго Бо́­га, Го́с­по­да на́­ше­го Иису́­са Хри­ста́, зря́щи. И́же в со­су́­де, а́ки в неупива́емой ча́ше, предстои́т, я́ко­же Тя ви́­дим изображе́нную на ико­не Тво­е́й, «Неупива́емая Ча́ша» та́ин­ствен­но пронарече́нней, от нея́же из­бав­ле́­ние от пиа́нственныя стра́с­ти при­те­ка́ю­щим с ве́­рою да́руеши, се­го́ ра́­ди со сле­за́­ми при­но́­сим Те­бе́ гла́сы немо́лчныя си́­це:

Ра́­дуй­ся, я́ко о Те­бе́ ра́дуется и торжеству́ет а́н­гель­ский собо́р и челове́ческий род; ра́­дуй­ся, я́ко Твоя́ сла́­ва превосхо́дит похвалы́ зем­ны́я и не­бе́с­ныя.

Ра́­дуй­ся, та́инственным изображе́нием Сы́­на в со­су́­де Та́й­ну Бо­же́ст­вен­ныя Евхари́стии нам от­кры­ва́ю­щая; ра́­дуй­ся, рож­де́н­на­го То­бо́ю А́гнца, всег­да́ ядо́маго и никогда́же иждива́емаго, нам ди́в­но указу́ющая.

Ра́­дуй­ся, ча́ше жи́з­ни и без­сме́р­тия, ко врата́м ве́ч­ныя жи́з­ни нас приводя́щая; ра́­дуй­ся, ис­то́ч­ни­ком не­тле́­ния и ра́­дос­ти жа́ждущия ду́­ши напоя́ющая.

Ра́­дуй­ся, несче́тною бла́гостию не оставля́ющая са́мых презре́нных и отве́рженных; ра́­дуй­ся, от ро́ва по­ги́­бе­ли милосе́рдием Тво­и́м исхища́ющая безнаде́жных.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Кондак 7

Хо­тя́ че­ло­ве́к не́кий возблагодари́ти Тя, Вла­ды́­чи­це, за ис­це­ле́­ние от не­ду́­га пиа́нства, укра­си́ Твою́ пречу́дную ико́­ну, Бо­го­ма́­ти, во гра́­де Се́рпухове пребыва́ющую, из глу­би­ны́ се́рд­ца воспева́я Бо́­гу: Алли­лу́иа.

Икос 7

Но́вое чу́­до ви́­дим, Вла­ды́­чи­це, от ико́­ны Твоея́ свя­ты́я: стра́ждущий бо неду́гом пиа́нства не́кий раб Бо́­жий Стефа́н, прибега́я к Тво­ему́ Ма́тернему предста́тельству, от тя́жкаго не­ду́­га сво­его́ изба́вися, и, бла­го­да­ря́­ще Тя, благоле́пными да́ры ико́­ну Твою́ укра­си́, и припа́дающи к ней, со сле­за́­ми возо­пи́ Те­бе́ та́­ко:

Ра́­дуй­ся, Жи­во­но́с­ный Ис­то́ч­ни­че ис­це­ле́­ний; ра́­дуй­ся, ча́ше не­бе́с­ная Бо­же́ст­вен­ных да­ро­ва́­ний.

Ра́­дуй­ся, ре­ко́ ис­це­ле́­ний приснотеку́щая; ра́­дуй­ся, мо́ре, вся на́­ша стра́с­ти потопля́ющее.

Ра́­дуй­ся, под тя́жестию греха́ пиа́нства па́дающих Ма́тернима рука́ма Твои́ма возставля́ющая; ра́­дуй­ся, благода́рственныя да́ры не отверга́ющая.

Ра́­дуй­ся, серд­ца́ бла­го­чес­ти́­вых лю­де́й возвеселя́ющая; ра́­дуй­ся, вся бла­га́я про­ше́­ния на́­ша исполня́ющая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Кондак 8

Стра́н­но и су­мни́­тель­но не­ве́­рую­щим слы́шати, ка́­ко ико́­на Твоя́ свя­та́я «Неупива́емая Ча́ша» Бо­же́ст­вен­ных ис­це­ле́­ний ис­то­ча́­ет чу́­до. Мы же, ве́рую­ще сло́­ву Тво­ему́, Вла­ды́­чи­це, ре­че́н­ному к первопи́санней Тво­е́й ико­не: «Бла­го­да́ть Ро́жд­ша­го­ся от Ме­не́ и Моя́ с се́ю ико́­ною да бу́дет», — ве́­ру­ем, я́ко и сия́ ико́­на Твоя́ бла­го­да́ть Твою́ ис­то­ча́­ет. Те́м­же, бла­го­го­ве́й­но поклоня́ющеся, ло­бы­за́­ем ю, во­пию́­ще Бо́­гу: Алли­лу́иа.

Икос 8

Все упо­ва́­ние лю́­дие, стра́ждущии неду́гом пиа́нства, на Тя, Вла­ды́­чи­це, возлага́ют. Приклони́ся к не́мощем и стра­сте́м на́­шим. Кто бо нас, гре́ш­ных, из­ве­де́т от ро́ва по­ги́­бе­ли и ни­ще­ты́ ду­хо́в­ныя и те­ле́с­ныя, а́ще не Ты, Вла­ды́­чи­це! Се­го́ ра́­ди, прикло́нше коле́на пред Тво­и́м пре­чи́с­тым о́б­ра­зом, во­пи­е́м Ти та́­ко:

Ра́­дуй­ся, мо­ле́­ния гре́ш­ни­ков не отверга́ющая; ра́­дуй­ся, при­зы­ва́­ющим Тя Свою́ не­бе́с­ную по́­мощь ниспосыла́ющая.

Ра́­дуй­ся, глу­би­ну́ ми­ло­се́р­дия Тво­его́ гре́ш­ным показу́ющая; ра́­дуй­ся, от­ча́­ян­ных и безнаде́жных ободря́ющая.

Ра́­дуй­ся, одержи́мым стра́стию пиа́нства ру­ку́ по́­мо­щи простира́ющая; ра́­дуй­ся, терпели́вых страда́льцев благода́тными да́ры утеша́ющая.

Ра́­дуй­ся, не­ду́­ги на́­ша ду­ше́в­ныя и те­ле́с­ныя врачу́ющая; ра́­дуй­ся, су́етныя ра́­дос­ти ми́­ра се­го́ презира́ти нас науча́ющая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Кондак 9

Вся́­кое ес­тес­тво́ а́н­гель­ское уди­ви́­ся де́лу Тво­его́ ми­ло­се́р­дия, Го́с­по­ди, я́ко дарова́л еси́ гре́шнему ро́ду челове́ческому твер­дую За­сту́п­ни­цу и По­мо́щ­ни­цу, к на́­шим не́мощем приклоня́ющуюся и от го́рькаго не­ду́­га пиа́нства свобожда́ющую, ве́р­ныя же науча́ющую пе́­ти Бо́­гу: Алли­лу́иа.

Икос 9

Ви­ти́я челове́честии не­до­уме́­ют вос­хва­ли́­ти по до­стоя́­нию сла́вное, Вла­ды́­чи­це, ико́­ны Твоея́ яв­ле́­ние, ни­же́ мы, гре́ш­нии, от скве́рных усте́н на́­ших возмо́жем при­нес­ти́ досто́йное похвале́ние За­сту́п­ни­це на́­шей. Оба́­че неисче́тная чу­де­са́, ико́­ною Твое́ю явля́емая, ви́­дев­ше, ду­ше́ю и се́рд­цем ра́дующеся, Те­бе́ гла­го́­лем:

Ра́­дуй­ся, от свяще́ннаго ли́­ка Тво­его́ чу­де­са́ ис­то­ча́ю­щая; ра́­дуй­ся, от бед и скор­бе́й ско́ро из­бав­ля́ю­щая.

Ра́­дуй­ся, отверга́ющих Тя по­срам­ля́ю­щая; ра́­дуй­ся, от вся́­ка­го зла при­бе­га́ю­щих к Те­бе́ сохраня́ющая.

Ра́­дуй­ся, кро́тким сия́­ни­ем Тво­и́м мрак гре­хо́в и мглу страс­те́й на́­ших разгоня́ющая; ра́­дуй­ся, ду́­ши на́­ша лю­бо́­вию к Те­бе́ и Сы́­ну Тво­ему́ исполня́ющая.

Ра́­дуй­ся, на стезю́ по­кая́­ния нас прему́дре нас­тав­ля́ю­щая; ра́­дуй­ся, до́браго отве́та пред Судие́ю Пра́ведным нам усе́рд­ная Хо­да́­таи­це.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Кондак 10

Спас­ти́ хо­тя́­щи лю́­ди мно́­гия, стра́ждущия неду́гом пиа́нства, чу́д­ную ико́­ну Твою́, Бо­го­ма́­ти, да­ро­ва́­ла еси́, да вси одержи́ми се́ю стра́стию к чудотво́рному о́б­ра­зу Тво­ему́ притека́ют, и, по­лу­чи́в­ше ис­це­ле́­ние, во уми­ле́­нии взыва́ют Бо́­гу: Алли­лу́иа.

Икос 10

Сте­на́ еси́ и щит, Бо­го­ма́­ти, лю́­дем, стра́­жду­щим неду́гом пиа́нства, и всем, усе́рд­но к Те­бе́ при­те­ка́ю­щим и ико́­ну Твою́ свя­ту́ю бла­го­го­ве́й­но чту́­щим, и́бо сию́ да­ро­ва́ нам бла­ги́х пода́тель Гос­по́дь в по́­мощь и врачева́ние от губи́тельныя стра́с­ти, ея́ же ра́­ди внуша́ет нам пе́­ти Те­бе́:

Ра́­дуй­ся, от­ча́­ян­ных На­де́ж­до и пе­ча́­лей на́­ших утоле́ние; ра́­дуй­ся, бо­ле́з­ней ду­ше́в­ных и те­ле́с­ных ис­це­ле́­ние.

Ра́­дуй­ся, на́­шу скве́рну чис­то­то́ю Твое́ю очища́ющая; ра́­дуй­ся, Свое́ю бла­го­да́­тию на́­ше недосто́инство про­све­ща́ю­щая.

Ра́­дуй­ся, бре́ние на́­ше тле́нное в нетле́ние облека́ющая; ра́­дуй­ся, мо­ле́­ния на́­ша Тво­и́м пред­ста́­тель­ством подкрепля́ющая.

Ра́­дуй­ся, в неможе́нии на́­шем нас утвержда́ющая; ра́­дуй­ся, облега́ющий нас о́блак страс­те́й ско́ро разгоня́ющая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Кондак 11

Пе́­ние на́­ше смире́нное, от полноты́ любви́ и усе́рдия Те­бе́ при­но­си́­мое, не пре́­зри, Чи́с­тая, и не от­вра­ти́ от отча́явшихся и стра́ждущих неду́гом пиа́нства ли́­ка Сво­его́, но помози́ им же и нам очи́ститися от вся́­кия скве́р­ны гре­хо́в­ныя, да возмо́жем досто́йно и пра́ведно пе́­ти Бо́­гу: Алли­лу́иа.

Икос 11

Све­то­при­е́м­ную све­щу́ зрим Тя, Пре­свя­та́я Де́­во, и́бо о́б­раз Твой свя­ты́й лу­ча́­ми бла­го­да́­ти Твоея́ мглу грехо́вную прогоня́ет и на све́тлую стезю́ доб­ро­де́­те­лей наставля́ет с ве́­рою зо­ву́­щих Ти та­ко­ва́я:

Ра́­дуй­ся, заступле́нием Тво­и́м от суеты́ ми́­ра се­го́ многомяте́жнаго нас из­бав­ля́ю­щая; ра́­дуй­ся, прираже́ния страс­те́й плот­ски́х отража́ти нам помога́ющая.

Ра́­дуй­ся, мысль благу́ю в се́рд­це на́­ше полага́ющая; ра́­дуй­ся, нечи́стую со́­весть на́­шу про­све­ща́ю­щая.

Ра́­дуй­ся, от мучи́тельнаго не­ду́­га пиа́нства стра́ждущих из­бав­ля́ю­щая; ра́­дуй­ся, к и́скреннему по­кая­нию и вра­зум­ле́­нию призыва́ющая.

Ра́­дуй­ся, ду́­ши всех озло́бленных умягча́ющая; ра́­дуй­ся, на по́­мощь Тя при­зы­ва́ю­щих и и́мя Твое́ сла́вящих спа­са́ю­щая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Кондак 12

Бла­го­да́ть Бо́­жия, прису́щая ико­не Тво­е́й, «Неупива́емая Ча́ша» име­нуе­мой, влече́т к ней, Вла­ды́­чи­це, всех скор­бя́­щих, обездо́ленных, вдов и ста́риц, наипа́че же всех стра́ждущих неду́гом пиа́нства и не тще́тни отхо́дят, Пре­чи́с­тая, от неупива́емыя ча́ши Тво­и́х Бо­же́ст­вен­ных да­ро­ва́­ний, но, не­ос­ку́д­но получа́юще цельбы́ от чудотво́рнаго о́браза Тво­его́, Всебла́гая, бла­го­да́р­ствен­но пою́т Бо́­гу: Алли­лу́иа.

Икос 12

Пою́­ще Твоя́ чу­де­са́ и ве́­лию ми́­лость, лю́­дем, одержи́мым стра́стию пиа́нства, явле́нныя, мо́­лим Тя, Вла­ды́­чи­це, спа­си́ и по­ми́­луй, и наста́ви нас на стезю́ пра́ву, и не оста́­ви нас, покро́ва Тво­его́ и́щу­щих и зо­ву́­щих Ти:

Ра́­дуй­ся, воздержа́нию от греха́ пиа́нства всех подвиза́ющая; ра́­дуй­ся, от пристра́стия к вину́ росо́ю ми́­лос­ти Твоея́ свобожда́ющая.

Ра́­дуй­ся, стра́ждущих от тя́жкаго греха́ пиа́нства при́сное врачева́ние; ра́­дуй­ся, бе́д­ствую­щим в страсте́х ско́­рая По­мо́щ­ни­це.

Ра́­дуй­ся, малоду́шных ди́в­ное ободре́ние; ра́­дуй­ся, благоду́шных ве́лия ра́­дос­те.

Ра́­дуй­ся, го́рдых смиря́ющая; ра́­дуй­ся, смире́нныя возвыша́ющая и всем спа­се́­ния жела́ющая.

Ра́­дуй­ся, Вла­ды́­чи­це, Неупива́емая Ча́ше, духо́вную жа́жду на́­шу утоля́ющая.

Кондак 13

О Преми́лостивая Ма́­ти Сладча́йшаго Го́с­по­да на́­ше­го Иису́­са Хри­ста́! Ны́нешнее на́­ше услы́­ши мо­ле́­ние и из­ба́­ви нас от всех не­ду́­гов ду­ше́в­ных и те­ле́с­ных, наипа́че же сво­бо­ди́ стра́ждущих неду́гом пиа́нства ра­бо́в Тво­и́х (име­на́ их), да не во зле поги́бнут, но да спасе́ннии То­бо́ю, при́с­но во­пи­ю́т Бо́­гу: Алли­лу́иа.

Этот кондак чи­та­ет­ся трижды, за­те́м 1-й икос «А́нгельстии чи́ни…» и 1-й кондак «Избра́нное и ди́в­ное из­бав­ле́­ние…».

Мо­ли́т­ва

О, Преми́лостивая Вла­ды́­чи­це! К Тво­ему́ зас­туп­ле­нию ны́­не при­бе­га́­ем, моле́ний на́­ших не пре́­зри, но ми́лостивно услы́­ши нас, жен, дете́й и матере́й, и ис­це­ли́ тя́жким неду́гом пия́нства одержи́мых и того́ ра́­ди от ма­те­ри своея́, Це́рк­ве Хри­сто́­вы, и спа­се́­ния отпада́ющих бра́тий и сесте́р и сро́дник на́­ших. О Ми́лостивая Ма́­ти Бо́­жия, косни́ся сер­де́ц их и ско́ро возста́ви от па­де́­ний гре­хо́в­ных, ко спаси́тельному воздержа́нию приведи́ их. Умо­ли́ Сы́­на Сво­его́, Хри­ста́ Бо́­га на́­ше­го, да прости́т нам согреше́ния на́­ша и не отврати́т ми́­лос­ти Своея́ от лю­де́й Сво­и́х, но да укрепи́т нас в трезве́нии и целому́дрии. При­ими́, Пре­свя­та́я Бо­го­ро́­ди­це, мо­ли́т­вы матере́й, о ча́дех сво­и́х сле́зы пролива́ющих, жен, о муже́х сво­и́х рыда́ющих, чад, си́­рых и убо́­гих, заблу́дшими оста́вленных, и всех нас, к ико­не Тво­е́й при­па́­даю­щих. И да прии́дет сей вопль наш, мо­ли́т­ва­ми Тво­и́ми, ко Пре­сто́­лу Все­вы́ш­ня­го. По­кры́й и соблюди́ нас от лу­ка́­ва­го ловле́ния и всех ко́з­ней вра́жиих, в стра́шный же час исхо́да на́­ше­го помози́ проити́ непреткнове́нно возду́шная мыта́рства мо­ли́т­ва­ми Тво­и́ми, из­ба́­ви нас ве́ч­на­го осужде́ния, да покро́ет нас ми́­лость Бо́­жия в несконча́емыя ве́­ки. Ами́нь.

Почитание святыни в Введенском Владычнем женском монастыре

Сказание это, по справедливости, принадлежит всему Владычнему монастырю, но более оно все-таки есть сказание монахини Елизаветы (+1910), потому что она была церковницей при том храме, где обретена была чудотворная икона «Неупиваемая Чаша» и в то самое время. Святой иконе она прислуживала до самой своей кончине. Вот ее рассказ.

Случившееся произошло в первый год игуменства матушки Марии (1878 г.). Один крестьянин Тульской губернии Евфремовского уезда, отставной николаевский солдат, с пенсией, имел слабость к вину. Он пропивал все в доме и всю пенсию и дошел до нищенского состояния. В довершение бедственности у него отнялись ноги. Но и при этом он не переставал пить. Находясь в таком разладе душевном, телесном и материальном, он видит однажды сон: приходит к нему старичок благообразного вида и говорит ему: «Иди в Серпухов, во Владычний монастырь, там в Георгиевском храме есть икона Божией Матери «Неупиваемая Чаша», отслужи перед ней молебен и будишь здоров и душою и телом». Но крестьянин, несмотря на то, что сон, видимо, был необыкновенный, не пошел в Серпухов, потому что не знал, как добраться туда без ног и без гроша денег. Тогда тот же старец явился ему во второй и в третий раз и уже настолько грозно потребовал исполнить его приказание, что наш крестьянин решился немедленно отправиться в путь. Двигался он на четвереньках. По лежащим на пути селениям останавливался для отдыха и подкрепления пищей. На одной из таких остановок старушка-крестьянка приняла его на ночлег, напоила и, в облегчение болезненности ног, растерла их и уложила больного и усталого путника на печь. И вот что тогда случилось: ночью, проснувшись, путник почувствовал приятное ощущение в ногах и тут же с большой осторожностью, спуская их с печи, пробует встать на ноги. Хотя и очень слабо но он может стоять на ногах! И с нетерпением ждет утра, что бы отправиться в дальнейший путь: теперь уже, может быть, не на четвереньках, а на ногах, хотя и с помощью палок! Но добрая старушка удержала его еще на сутки и опять на ночь растерла ему ноги. Видимо больному стал лучше. И он действительно теперь уже идет, правда, сначала с двумя палками, а потом уже и с одной. Так дошел он до Серпухова и до Владычнего монастыря. Обут был в теплые валеные сапоги, несмотря на июль месяц.

Во Владычнем монастыре он поведал о своих дивных сновидениях послушнице Захарии (в последствии монахиня Елизавета) церковнице при храме великомученника Георгия и настойчиво просил, чтобы отслужен был молебен Матери Божией перед ее иконой «Неупиваемая Чаша». Последним он вводил всех в большое затруднение, потому что в монастыре никто не знал иконы Божией Матери с таким наименованием. Тогда явилась мысль: уж не та ли это икона, которая висит в проходе из Георгиевского храма на колокольню или в ризницу. На ней есть изображение чаши. И каково же было удивление всех, когда на обратной стороне этой иконы действительно усмотрели надпись: «Неупиваемая Чаша». Знаменательно было и то, что когда нашего путника подвели к раке преподобного строителя Варлаама, то в его святом лике он сразу же признал того благолепного старца, который явился ему во сне и повелел идти в Серпухов во Владычний монастырь к Матери Божией «Неупиваемая Чаша».

Весть о чудном явлении быстро распространилась по городу Серпухову и затем по ближним и дальним весям Серпуховского уезда и далеко за его пределами. Стали приходить и приезжать одержимые пьянственной страстью, чтобы помолиться Матери Божией пред ее новоявленною иконою. Некоторые же являлись снова, чтобы благодарить Царицу Небесную за ее великие милости, за исцеления. Как на одно из таких исцелений от пьянственной страсти после моления Матери Божией перед ее иконой «Неупиваемая Чаша» можно указать на совершенное избавление от запоя одного московского купца, Стефана Федоровича Федорова, который в благодарном чувстве соорудил прекрасный иконостас для иконы, возложил на нее сребропозлащенную ризу, взамен фольговой и для своего дома имеет теперь точную копию с чудотворной иконы Матери Божией. Вскоре после прославления святая икона «Неупиваемая Чаша» из ее прежнего помещения была перенесена в соборный храм и поставлена на чрезвычайно удобном месте.

Святая икона «Неупиваемая Чаша» прекрасного старинного письма. Лик Матери Божией совершенно как живой. Что изображает эта икона? По-видимому, это точное изображение «Знамения Божией Матери». Только Богомладенец написан стоящим в чаше. Чаша с благословляющим Богомладенцем – это Чаша Святого Причащения. Чаша эта воистину есть неупиваемая или неиспиваемая, потому что агнец ее есть «всегда ядомый и никогда неиждиваемый.». А Матерь Божия с воздетыми вверх пречистыми руками, как могучий первосвященник очевидно ходатайствует, что бы жертва сия — Святая Чаша – была принята в Принебесный Жертвенник за грешный род человеческий. И так же нет другого наиболее верного средства приобрести нам любовь и благоволение Матери Божией, как тоже через Причащение Святых Христовый Таин.

Священномученик Иаков Брилиантов, 1912г. г. Серпухов. Напечатано с сокращениями.

О дне празднования иконы «Неупиваемая Чаша»

К сожалению неизвестен тот день, в который была явлена икона. В XIX веке празднование иконы «Неупиваемая Чаша» совершалось 27 ноября (ст.ст.) / 10 декабря (н.ст.) в один день с иконой Божией Матери «Знамение», так как эти иконы схожи по иконографии.

В конце XX века, когда было восстановлено почитание иконы «Неупиваемая Чаша», ее празднование было приурочено ко дню преставления преподобного Варлаама Серпуховского – 18 мая (н.ст.), так как иконы была явлена через предстательство этого святого. В 1997 году по благословению Святейшего Патриарха Алексия II было установлено совершать общецерковное празднование иконе Божией Матери «Неупиваемая Чаша» 18 мая (н.ст.).

Сейчас во Владычнем монастыре по благословению митрополита Крутицкого и Коломенского Ювеналия наряду с общецерковным почитанием возрождается традиция празднования иконы «Неупиваемая Чаша» 10 декабря (н.ст.), как это было в XIX веке.

Чудотворная икона «Неупиваемая Чаша» находилась во Владычнем монастыре до 1919 года, а после его закрытия – в соборе Николы Белого на улице Калужской. Дальнейшая судьба иконы неизвестна. По преданиям старожилов г. Серпухова известно, что многие иконы из собора Николы Белого были сожжены на берегу реки Нары. Сестры обители надеются, что Матерь Божия уберегла свою чудотворную икону, и она будет когда-нибудь найдена.

В 1993 году в Высоцком мужском монастыре, через два года после его открытия, был написан список чудотворной иконы «Неупиваемая Чаша», что послужило началом возрождения почитания этой иконы после долгих лет богоборчества.

В 1995 году, в первый год возрождения Владычнего монастыря игумения Алексия получила благословение митрополита Крутицкого и Коломенского Ювеналия на возрождение почитания иконы «Неупиваемая Чаша», как явленной во Владычнем монастыре. В этом же году со старой фотографии был написан точный список иконы «Неупиваемая Чаша». При письме сохранены все пропорции иконы и академический стиль, характерный для подлинника. Со временем написания иконы, когда образ находился еще у иконописца, связано первое чудо исцеления от пьянства. «Монахиня Рахиль. В начале Светлой Седмицы во время Богослужения кто-то оставил на крыльце храма киот, завернутый в портьеру. Все люди из храма вышли, а киот все стоит. Когда сестры развернули ткань, то увидели, что киот старинный, с резьбой и совершенно целый. Все недоумевали, кто бы мог принести его, и дивились неожиданной находке. А когда в пятницу привезли новую икону «Неупиваемая Чаша», то все удивились еще больше: оказалось, что киот точно подошел к ней по размеру. Так эта икона до сих пор и находится в этом киоте. Приблизительно через год пришла в храм женщина, смотрит на икону «Неупиваемая Чаша» и говорит: «Так ведь это мой киот!» Эта женщина рассказала, что когда она принесла в монастырь киот, ее сын бросил пить. Вот ведь как случилось – никто не знал, какая икона будет находиться в этом киоте, а Богородица уже исцелила человека». (Летопись 1996 год, стр. 5, 19 апреля). Икона периодически мироточит с 19 августа 2000 года. Некоторые люди и целые паломнические группы свидетельствуют, что иногда глаза Богоматери становятся как живые: щурятся или открываются шире. Такое необычное явление дважды было зафиксировано и на фотографиях.

Поклониться Матери Божией едут со всех уголков России и других стран. В нашем монастыре всегда рады паломникам. Славится чудотворная икона «Неупиваемая Чаша» скорым исцелением страждущих от недугов наркомании, алкоголизма и курения, разрешением жилищных проблем. Замечено, что икона не только исцеляет, но и помогает изменить образ жизни заблудшего человека, приводит его к осознанию своих грехов, к покаянию и благочестивой жизни.