Святитель Алексий Московский, Киевский и всея Руси, чудотворец

12 / 25 Февраля
20 Мая / 2 Июня Обре́тение мощей
23 Июня / 6 Июля Собор Владимирских святых
30 Июля / 12 Августа Собор Самарских святых
10 / 23 Сентября Собор Липецких святых
5 / 18 Октября Собор Московских святителей
16 / 29 Сентября (148-й день после Пасхи) Собор Нижегородских святых

Краткое житие святителя Алексия, митрополита Московского и всея Руси

Свя­ти­тель Алек­сий, мит­ро­по­лит Мос­ков­ский и всея Рос­сии чу­до­тво­рец (в ми­ру Елев­фе­рий) ро­дил­ся в 1292 го­ду (по дру­гим дан­ным, 1304) в Москве в се­мье бо­яри­на Фе­о­до­ра Бя­кон­та, вы­ход­ца из Чер­ни­гов­ско­го кня­же­ства.

Гос­подь ра­но от­крыл бу­ду­ще­му свя­ти­те­лю его вы­со­кое пред­на­зна­че­ние. На две­на­дца­том го­ду жиз­ни Елев­фе­рий рас­ки­нул се­ти для лов­ли птиц, неза­мет­но для са­мо­го се­бя за­дре­мал и вдруг яв­ствен­но услы­шал го­лос: "Алек­сий! Что на­прас­но тру­дишь­ся? Ты бу­дешь ло­вить лю­дей". С это­го дня от­рок стал уеди­нять­ся, ча­сто по­се­щать цер­ковь и в пят­на­дцать лет ре­шил­ся стать ино­ком. В 1320 го­ду он всту­пил в Мос­ков­ский Бо­го­яв­лен­ский мо­на­стырь, где про­вел бо­лее два­дца­ти лет в стро­гих ино­че­ских по­дви­гах. Ру­ко­во­ди­те­ля­ми его и дру­зья­ми бы­ли за­ме­ча­тель­ные по­движ­ни­ки этой оби­те­ли – ста­рец Ге­рон­тий и Сте­фан, брат пре­по­доб­но­го Сер­гия Ра­до­неж­ско­го. За­тем мит­ро­по­лит Фе­о­гност по­ве­лел бу­ду­ще­му свя­ти­те­лю оста­вить мо­на­стырь и за­ве­до­вать су­деб­ны­ми де­ла­ми Церк­ви. Эту долж­ность свя­той ис­пол­нял 12 лет со зва­ни­ем мит­ро­по­ли­чье­го на­мест­ни­ка. В кон­це 1350 го­да вла­ды­ка Фе­о­гност по­свя­тил Алек­сия во епи­ско­па Вла­ди­мир­ско­го, а по смер­ти мит­ро­по­ли­та он стал его пре­ем­ни­ком в 1354 го­ду. В то вре­мя Рус­ская Цер­ковь раз­ди­ра­е­ма бы­ла ве­ли­ки­ми нестро­е­ни­я­ми и рас­пря­ми, в част­но­сти, из-за пре­тен­зий мит­ро­по­ли­та Лит­вы и Во­лы­ни Ро­ма­на. В 1356 го­ду, чтобы по­ло­жить ко­нец сму­там и тре­во­гам, свя­ти­тель от­пра­вил­ся в Кон­стан­ти­но­поль к Все­лен­ско­му пат­ри­ар­ху. Пат­ри­арх Кал­лист дал Алек­сию пра­во счи­тать­ся ар­хи­епи­ско­пом Ки­е­ва и Ве­ли­кой Рос­сии с ти­ту­лом "все­чест­на­го мит­ро­по­ли­та и эк­зар­ха". На об­рат­ном пу­ти во вре­мя бу­ри на мо­ре ко­раб­лю гро­зи­ла ги­бель. Алек­сий мо­лил­ся и дал обет по­стро­ить храм свя­то­му то­го дня, в ко­то­рый ко­рабль при­станет к бе­ре­гу. Бу­ря утих­ла, ко­рабль при­стал 16 ав­гу­ста. Вос­тор­жен­но встре­ти­ла свя­ти­те­ля Москва.

Несмот­ря на все сму­ты, свя­ти­тель Алек­сий вся­че­ски за­бо­тил­ся о сво­ей пастве – ста­вил епи­ско­пов, устра­и­вал об­ще­жи­тель­ные мо­на­сты­ри (по об­раз­цу Тро­иц­ко­го, ос­но­ван­но­го пре­по­доб­ным Сер­ги­ем), на­ла­жи­вал от­но­ше­ния с ор­дын­ски­ми ха­на­ми. Не раз свя­то­му и са­мо­му при­хо­ди­лось пу­те­ше­ство­вать в Зо­ло­тую Ор­ду. В 1357 го­ду хан по­тре­бо­вал у ве­ли­ко­го кня­зя, чтобы свя­ти­тель при­был к нему и ис­це­лил сле­пую Тай­ду­лу – его су­пру­гу. "Про­ше­ние и де­ло пре­вы­ша­ет ме­ру сил мо­их, – ска­зал свя­той Алек­сий, – но я ве­рю То­му, Ко­то­рый дал про­зреть сле­по­му, – не пре­зрит Он мо­лит­вы ве­ры". И дей­стви­тель­но, по его мо­лит­ве, окроп­лен­ная свя­той во­дой, су­пру­га ха­на ис­це­ли­лась.

Ко­гда скон­чал­ся ве­ли­кий князь Иоанн, свя­ти­тель взял под свою опе­ку ма­ло­лет­не­го его сы­на Ди­мит­рия (бу­ду­ще­го Дон­ско­го). Мно­го при­шлось свя­то­му вла­ды­ке по­тру­дить­ся, дабы при­ми­рять и сми­рять строп­ти­вых кня­зей, не же­лав­ших при­зна­вать власть Моск­вы. Вме­сте с тем не остав­лял мит­ро­по­лит и тру­дов по устрой­ству но­вых оби­те­лей. Им ос­но­ва­ны в 1361 го­ду Спа­са Неру­ко­тво­рен­но­го Об­ра­за мо­на­стырь на Яу­зе в Москве (Ан­д­ро­ни­ков, по име­ни уче­ни­ка пре­по­доб­но­го Сер­гия, пер­во­го игу­ме­на мо­на­сты­ря) по обе­ту, ко­то­рый он дал, ко­гда ко­рабль во вре­мя его по­езд­ки в Кон­стан­ти­но­поль тер­пел бед­ствие; Чу­дов – в Мос­ков­ском Крем­ле, вос­ста­нов­ле­ны и две древ­ние оби­те­ли – Бла­го­ве­щен­ская в Ниж­нем Нов­го­ро­де и Кон­стан­ти­но-Еле­нин­ская во Вла­ди­ми­ре. В 1361 го­ду так­же бы­ла по­стро­е­на жен­ская об­ще­жи­тель­ная оби­тель его име­ни (Алек­се­ев­ская).

Свя­ти­тель Алек­сий до­стиг глу­бо­кой ста­ро­сти – 78 лет, про­быв на мит­ро­по­ли­чьей ка­фед­ре 24 го­да. По­чил он 12 фев­ра­ля 1378 го­да и по­гре­бен по за­ве­ща­нию в Чу­до­вом мо­на­сты­ре. Мо­щи его бы­ли об­ре­те­ны через 50 лет чу­дес­ным об­ра­зом, по­сле че­го ста­ли чтить па­мять ве­ли­ко­го свя­ти­те­ля и мо­лит­вен­ни­ка за Рус­скую зем­лю.

Полное житие святителя Алексия, митрополита Московского и всея Руси

Свя­ти­тель Алек­сий про­ис­хо­дил из бо­яр­ско­го ро­да Чер­ни­гов­ско­го кня­же­ства и на­зы­вал­ся в ми­ре Елев­фе­ри­ем. Он ро­дил­ся в 1300 го­ду (по дру­гим дан­ным – в 1292, 1293, 1304 го­ду) и с ма­лых лет от­дан был учить­ся гра­мо­те. «Бог преж­де из­бра от юно­сти пас­ты­ря ов­цам и учи­те­ля ве­ли­ка» и ра­но от­крыл бу­ду­ще­му свя­ти­те­лю его вы­со­кое пред­на­зна­че­ние. На две­на­дца­том го­ду жиз­ни Елев­фе­рий рас­ки­нул се­ти для лов­ли птиц, неза­мет­но для са­мо­го се­бя за­дре­мал и вдруг яв­ствен­но услы­шал го­лос: «Алек­сий! Что на­прас­но тру­дишь­ся? Ты бу­дешь ло­вить лю­дей». С этих пор от­рок стал за­дум­чив, мол­ча­лив, оста­вил дет­ские иг­ры и охот­нее на­чал чи­тать Бо­же­ствен­ные кни­ги. На­клон­ность к ду­ше­спа­си­тель­но­му чте­нию и мо­лит­ве рос­ла в нем с каж­дым го­дом, и ско­ро са­мым пла­мен­ным же­ла­ни­ем его ста­ло всту­пить в мо­на­стырь, чтобы со­вер­шен­но по­свя­тить се­бя Бо­гу.

И в 1320 го­ду всту­пил в Бо­го­яв­лен­ский мо­на­стырь в Москве и то­гда же по­стри­жен был с име­нем Алек­сий – на 20-м го­ду. Два­дцать лет про­был Алек­сий в Бо­го­яв­лен­ском мо­на­сты­ре, из­ну­ряя се­бя по­стом и бде­ни­ем, мо­лит­ва­ми и сле­за­ми, изу­чая Свя­тое Пи­са­ние, со­вер­шен­ству­ясь и воз­вы­ша­ясь в ду­хов­ной жиз­ни. На­став­ни­ком и ру­ко­во­ди­те­лем его был ста­рец Ге­рон­тий, опыт­ный в ду­хов­ной жиз­ни. Сте­фан, брат пре­по­доб­но­го Сер­гия, по­сту­пив­ший в оби­тель Бо­го­яв­лен­скую, с 1337 го­да был ду­хов­ным бра­том его: они вме­сте пе­ва­ли на кли­ро­се и ду­хов­но лю­би­ли друг дру­га. Мит­ро­по­лит Фе­о­гност лю­бил Сте­фа­на, Ге­рон­тия и Алек­сия и по вре­ме­нам при­зы­вал их к се­бе для ду­хов­ных бе­сед. Впо­след­ствии мит­ро­по­лит по­ста­вил Сте­фа­на в игу­ме­на оби­те­ли, а Алек­сия, оце­нив его доб­ро­де­те­ли и вы­со­кие да­ро­ва­ния, при­бли­зил к се­бе, по­ру­чив ему управ­ле­ние су­деб­ны­ми де­ла­ми Церк­ви. При та­ком от­но­ше­нии к свя­ти­те­лю-гре­ку у Алек­сия по­яви­лась необ­хо­ди­мость знать гре­че­ский язык, раз­го­вор­ный и пись­мен­ный. При за­ня­ти­ях су­деб­ны­ми де­ла­ми он ко­рот­ко узнал лю­дей и их сла­бо­сти и при­об­рел об­шир­ные и точ­ные све­де­ния о цер­ков­ных за­ко­нах. Две­на­дцать лет от­прав­лял он су­дей­скую долж­ность с зва­ни­ем на­мест­ни­ка мит­ро­по­ли­чье­го.

В кон­це 1352 (1350) го­да вла­ды­ка Фе­о­гност по­свя­тил Алек­сия в епи­ско­па Вла­ди­мир­ско­го. Мит­ро­по­лит и ве­ли­кий князь Иоанн Иоан­но­вич по­ло­жи­ли на об­щем со­ве­ща­нии быть бла­жен­но­му Алек­сию пре­ем­ни­ком Фе­о­гно­ста на мит­ро­по­ли­чьей ка­фед­ре. Об этом из­бра­нии то­гда же на­пи­са­но бы­ло в Кон­стан­ти­но­поль с прось­бой «не по­став­лять ни­ко­го дру­го­го в мит­ро­по­ли­та Рос­сии, как пре­по­доб­но­го Алек­сия, ко­то­рый мно­го лет был на­мест­ни­ком и жиз­ни весь­ма доб­ро­де­тель­ной».

Сде­лав­шись в 1354 го­ду мит­ро­по­ли­том, свя­той Алек­сий стал с неуто­ми­мой рев­но­стью за­ни­мать­ся цер­ков­ны­ми де­ла­ми. В то вре­мя Рус­ская Цер­ковь раз­ди­ра­е­ма бы­ла ве­ли­ки­ми нестро­е­ни­я­ми и рас­пря­ми, в част­но­сти, из-за пре­тен­зий мит­ро­по­ли­та Лит­вы и Во­лы­ни Ро­ма­на, ко­то­рый тре­бо­вал се­бе до­хо­дов от Твер­ско­го епи­ско­па. Свя­ти­те­лю из­вест­но бы­ло, что хо­тя при мит­ро­по­ли­те Фе­о­гно­сте ис­пра­ши­ва­ли се­бе осо­бо­го мит­ро­по­ли­та, но это бы­ло нена­дол­го, да и не в том ви­де, как хо­тел Ро­ман.

И чтобы по­ло­жить ко­нец сму­там и тре­во­гам, сми­рен­ный свя­ти­тель от­пра­вил­ся в 1356 го­ду в Кон­стан­ти­но­поль, ту­да же явил­ся и Ро­ман. Пат­ри­арх Кал­лист под­твер­дил Ро­ма­ну, чтобы был он мит­ро­по­ли­том Лит­вы и Во­лы­ни, а Алек­сию предо­ста­вил счи­тать­ся ар­хи­епи­ско­пом Ки­е­ва и ве­ли­кой Рос­сии, и с тит­лом «все­чест­на­го мит­ро­по­ли­та и эк­зар­ха». На об­рат­ном пу­ти под­ня­лась страш­ная бу­ря на мо­ре: вол­ны ка­ти­лись, как го­ры, и ко­рабль каж­дую ми­ну­ту го­тов был ис­чез­нуть в без­дне. Все быв­шие с мит­ро­по­ли­том от­ча­и­ва­лись в спа­се­нии. Свя­ти­тель мо­лил­ся, мо­лил­ся усерд­но, дав обет со­ору­дить храм во имя свя­то­го то­го дня, в ко­то­рый ко­рабль при­станет к бе­ре­гу. Гос­подь услы­шал мо­лит­ву свя­ти­те­ля. На­ста­ла ти­ши­на, и ко­рабль при­стал к бе­ре­гу 16 ав­гу­ста. И так свя­ти­тель остал­ся обет­ным долж­ни­ком Все­ми­ло­сти­во­му Спа­си­те­лю.

В Москве при­ня­ли ожи­да­е­мо­го свя­ти­те­ля с вос­тор­га­ми ра­до­сти. И он с рев­но­стью об­ра­тил­ся к де­лам мит­ро­по­лии. Несколь­ко епар­хий оста­ва­лось без ар­хи­пас­ты­рей, умер­ших от мо­ро­вой яз­вы. Он по­свя­тил епи­ско­пов в Ро­стов, Смо­ленск и Ря­зань. В то же вре­мя низ­ло­жил он Са­рай­ско­го епи­ско­па Афа­на­сия за рас­по­ря­же­ние в чу­жой епар­хии и по­свя­тил в Са­рай Иоан­на. Вся­че­ски за­бо­тясь о сво­ей пастве, устра­и­вал об­ще­жи­тель­ные мо­на­сты­ри (по об­раз­цу Тро­иц­ко­го, ос­но­ван­но­го пре­по­доб­ным Сер­ги­ем). Свя­ти­тель Алек­сий мно­го тру­дил­ся для уми­ро­тво­ре­ния смут и меж­до­усо­биц, на­ла­жи­вал от­но­ше­ния с ор­дын­ски­ми ха­на­ми.

Сла­ва о свя­той жиз­ни мит­ро­по­ли­та Алек­сия до­шла до сто­ли­цы та­тар­ско­го ха­на. Же­на ха­на Джа­ни­бе­ка Тай­ду­ла впа­ла в тяж­кую бо­лезнь и ослеп­ла. Ни­ка­кие вра­че­ва­ния не мог­ли воз­вра­тить ей зре­ние, и она ре­ши­лась об­ра­тить­ся к свя­ти­те­лю Алек­сию, о ко­то­ром слы­ша­ла как о свя­том му­же. В Моск­ву яви­лось по­соль­ство от ха­на с пись­мом к ве­ли­ко­му кня­зю. «Мы слы­ша­ли, – пи­сал хан, – что есть у вас слу­жи­тель Бо­жий, ко­то­рый ес­ли в чем по­про­сит Бо­га, Бог слу­ша­ет его. От­пу­сти­те его к нам, и ес­ли его мо­лит­ва­ми ис­це­ле­ет моя ца­ри­ца, бу­де­те иметь со мною мир; ес­ли же не от­пу­сти­те его, пой­ду опу­сто­шать ва­шу зем­лю». Сму­тил­ся сми­рен­ный свя­ти­тель, ко­гда ве­ли­кий князь пе­ре­дал ему гра­мо­ту ха­на и про­сил ис­пол­нить его во­лю. Лю­бовь к от­чизне и Свя­той Церк­ви не доз­во­ля­ла от­ка­зать­ся от ис­пол­не­ния во­ли гроз­но­го ха­на; но как сми­рен­но­му при­нять на се­бя та­кое ве­ли­кое де­ло? «Про­ше­ние и де­ло пре­вы­ша­ют ме­ру сил мо­их, – го­во­рил свя­ти­тель кня­зю, – но я ве­рю То­му, Ко­то­рый дал про­зреть сле­по­му, не пре­зрит Он мо­лит­вы ве­ры». Свя­ти­тель на­чал го­то­вить­ся в путь. В со­бор­ном хра­ме со всем кли­ром со­вер­шил он мо­леб­ствие пе­ред ико­ной Бо­го­ма­те­ри и по­том пе­ред ра­кой свя­ти­те­ля Пет­ра. Во вре­мя са­мо­го мо­ле­ния вне­зап­но пе­ред гла­за­ми всех са­ма со­бой за­жглась све­ча при гро­бе чу­до­твор­ца Пет­ра. Уте­шен­ный Алек­сий раз­де­лил чу­дес­ную све­чу на ча­сти, раз­дал ее в бла­го­сло­ве­ние пред­сто­яв­шим и, сде­лав из остат­ка ма­лую све­чу, взял ее вме­сте с освя­щен­ной во­дой для со­вер­ше­ния но­во­го мо­леб­ствия в Ор­де. Из Моск­вы от­пра­вил­ся он 18 ав­гу­ста 1357 го­да. С ве­рой твер­дой шел он в Ор­ду; а ве­ра Тай­ду­лы бы­ла укреп­ле­на ви­де­ни­ем. Ко­гда бла­жен­ный Алек­сий был на пу­ти, Тай­ду­ла ви­де­ла во сне му­жа, об­ле­чен­но­го в свя­ти­тель­скую одеж­ду, при­шед­ше­го к ней, и с ним дру­гих, оде­тых в ри­зы. Она по­ве­ле­ла устро­ить одеж­ды то­го ви­да, как ви­де­ла она. Ожи­да­е­мый при­нят был с че­стью в Ор­де. Свя­ти­тель от­слу­жил над бо­ля­щей мо­ле­бен с чуд­ной све­чой, окро­пил ее свя­той во­дой, и Тай­ду­ла ста­ла ви­деть. При­зна­тель­ный хан дал свя­ти­те­лю в ка­че­стве по­че­сти пер­стень, ко­то­рый до­се­ле мож­но ви­деть в пат­ри­ар­шей риз­ни­це. Свя­ти­тель, со­вер­шив чу­до ве­ры меж­ду людь­ми тьмы, воз­вра­тил­ся на ро­ди­ну, а Тай­ду­ла мно­го по­том хо­да­тай­ство­ва­ла за Русь.

Свя­тая рев­ность о бла­ге оте­че­ства за­ста­ви­ла свя­то­го Алек­сия еще раз пред­при­нять тот же путь. Хан Джа­ни­бек был зло­дей­ски убит сво­им сы­ном Бер­ди­бе­ком, ко­то­рый умерт­вил еще и 12 бра­тьев сво­их. В Моск­ву явил­ся по­сол но­во­го ха­на и тре­бо­вал от рус­ских кня­зей да­ров и их са­мих звал в Ор­ду. Свя­ти­те­ля умо­ля­ли сно­ва ид­ти в Ор­ду смяг­чать же­сто­кость Бер­ди­бе­ка. Опас­ность бы­ла оче­вид­на. «Но пас­тырь доб­рый по­ла­га­ет ду­шу свою за ов­цы», – ска­зал се­бе свя­ти­тель и от­пра­вил­ся по Вол­ге в Зо­ло­тую Ор­ду. Ему при­шлось ис­пы­тать в Ор­де мно­го при­тес­не­ний и скор­бей. Но при по­мо­щи Бо­жи­ей су­мел он снис­кать бла­го­склон­ность Бер­ди­бе­ка. И при­зна­тель­ная Тай­ду­ла не мог­ла за­быть сво­е­го це­ли­те­ля: при ее по­сред­стве ис­хо­да­тай­ство­ва­на бы­ла ми­лость для Рус­ско­го го­су­дар­ства и Церк­ви: свя­ти­тель Алек­сий по­лу­чил от Бер­ди­бе­ка яр­лык и охра­ну ду­хо­вен­ства рус­ско­го.

Ко­гда скон­чал­ся ве­ли­кий князь Иоанн (1359 год), на ра­ме­на свя­ти­те­ля па­ла опе­ка над несо­вер­шен­но­лет­ним кня­зем Ди­мит­ри­ем (бу­ду­щим Дон­ским). И несколь­ко лет он был граж­дан­ским и ду­хов­ным ру­ко­во­ди­те­лем Ру­си. Сво­им умом и об­шир­ным об­ра­зо­ва­ни­ем, на­стой­чи­во­стью и твер­до­стью ха­рак­те­ра, бла­го­че­сти­вой и стро­гой жиз­нью свя­той Алек­сий при­об­рел се­бе все­об­щее ува­же­ние. Рев­ност­но за­бо­тясь о бла­го­че­стии всей сво­ей паст­вы и по­учая ее ис­пол­не­нию хри­сти­ан­ских обя­зан­но­стей, свя­ти­тель был учи­те­лем и ми­ро­твор­цем кня­зей, ссо­рив­ших­ся меж­ду со­бой за свои вла­де­ния. Тру­да­ми свя­ти­те­ля рос­ла и креп­ла власть ве­ли­ко­го кня­зя Мос­ков­ско­го. Он воз­вы­шал Моск­ву как центр пра­во­сла­вия и еди­не­ния Ру­си.

Меж­ду тем свя­ти­тель за­ни­мал­ся стро­е­ни­ем оби­те­ли ино­че­ства. В 1361 го­ду ос­но­вал он жен­скую об­ще­жи­тель­ную оби­тель во имя Ан­ге­ла Хра­ни­те­ля сво­е­го – Алек­сия. В том же го­ду ос­но­ван им на бе­ре­гу ре­ки Яу­за обет­ный мо­на­стырь во имя Неру­ко­тво­рен­но­го об­ра­за Спа­си­те­ля. Свя­ти­тель, об­ра­ща­ясь к пре­по­доб­но­му Сер­гию, го­во­рил: «Хо­чу, чтобы ты усту­пил мне од­но­го из уче­ни­ков тво­их». И пре­по­доб­ный с лю­бо­вью от­дал уче­ни­ка сво­е­го Ан­д­ро­ни­ка в на­сто­я­те­ли но­вой оби­те­ли. В 1362 го­ду ос­но­ван свя­ти­те­лем вла­дыч­ний мо­на­стырь в 3 вер­стах от Сер­пу­хо­ва. Здесь был пер­вым игу­ме­ном уче­ник его Вар­ла­ам, до­се­ле чти­мый за бла­го­че­сти­вую жизнь. По­сле то­го ис­пол­нил свя­ти­тель преж­нее на­ме­ре­ние свое о вос­ста­нов­ле­нии двух древ­них мо­на­сты­рей: Бла­го­ве­щен­ско­го в Ниж­нем Нов­го­ро­де и Кон­стан­ти­но-Елен­ско­го во Вла­ди­ми­ре. В том и в дру­гом вве­де­но им об­ще­жи­тие. В 1365 го­ду ос­но­ва­на в са­мом Крем­ле оби­тель в честь чу­да Ар­хан­ге­ла Ми­ха­и­ла на ме­сте, по­да­рен­ном ца­ри­цей Тай­ду­лой. Это был бла­го­дар­ный па­мят­ник чу­ду, со­вер­шив­ше­му­ся над ца­ри­цей в день празд­но­ва­ния чу­ду в Ко­лос­сах (6/19 сен­тяб­ря). Свя­ти­тель со всей щед­ро­стью стро­ил и укра­сил храм Ар­хан­ге­ла Ми­ха­и­ла. Обес­пе­чил со­дер­жа­ние оби­те­ли, где по­ло­жил быть пол­но­му об­ще­жи­тию. «В Чу­до­вом мо­на­сты­ре, – пи­сал пре­по­доб­ный Иосиф Во­ло­ко­лам­ский, – бла­жен­ный мит­ро­по­лит Алек­сий по­са­дил чест­ных стар­цев, ис­про­сив од­них у свя­то­го Сер­гия, а дру­гих взял из иных мо­на­сты­рей, быв­ших под его ру­кою; эти ино­ки жи­ли ино­че­ски, жиз­нью ду­хов­ною, так, что мно­гие при­хо­ди­ли к ним, ста­рые и юные, и по­лу­ча­ли поль­зу». Са­мым на­деж­ным на­став­ни­ком был здесь сам свя­ти­тель. Он лю­бил эту оби­тель и здесь под­ви­зал­ся, по вре­ме­нам, в по­сте и мо­лит­вах. «Мо­на­стырь Ми­ха­и­ла Чу­да при­ка­зы­ваю те­бе, сво­е­му сы­ну, ве­ли­ко­му кня­зю Ди­мит­рию Ива­но­ви­чу», – пи­сал свя­ти­тель. Он же по­дал со­вет ве­ли­ко­му кня­зю по­стро­ить ка­мен­ный кремль, без­опас­ный от по­жа­ров и на­деж­ный для за­щи­ты про­тив непри­я­те­ля.

С 1367 го­да свя­ти­те­лю Алек­сию мно­го над­ле­жа­ло пе­ре­не­сти скор­бей и тру­дов по де­лам твер­ских кня­зей. Вме­сте с пре­по­доб­ным Сер­ги­ем уми­рил Тверь, и князь Ми­ха­ил по­сле пя­ти лет враж­ды вы­нуж­ден был сми­рять­ся пе­ред ве­ли­ким кня­зем Ди­мит­ри­ем. До­го­вор за­клю­чен был при по­сред­стве свя­ти­те­ля Алек­сия. В нем чи­та­ем: «По бла­го­сло­ве­нию от­ца на­ше­го мит­ро­по­ли­та всей Ру­си князь твер­ской да­ет клят­ву за се­бя и за сво­их на­след­ни­ков при­зна­вать ве­ли­ко­го кня­зя мос­ков­ско­го стар­шим сво­им бра­том, ни­ко­гда не ис­кать Вла­ди­мир­ской вот­чи­ны и не при­ни­мать ее от ха­на».

Мит­ро­по­лит неред­ко по­се­щал сво­е­го пу­стын­но­го дру­га, пре­по­доб­но­го Сер­гия, и со­ве­щал­ся с ним о всем, что ка­са­лось цер­ков­ных дел. Муд­рые со­ве­ты сми­рен­но­го стар­ца и его свя­тая рав­но­ан­гель­ская жизнь по­да­ли свя­ти­те­лю мысль при­го­то­вить в ли­це Сер­гия до­стой­но­го се­бе пре­ем­ни­ка пер­во­свя­ти­тель­ской ка­фед­ры. Чув­ствуя ослаб­ле­ние стар­че­ских сил сво­их, он хо­тел по­сту­пить по при­ме­ру сво­е­го пред­ше­ствен­ни­ка мит­ро­по­ли­та Фе­о­гно­ста, ко­то­рый еще при жиз­ни вме­сте с ве­ли­ким кня­зем про­сил пат­ри­ар­ха не на­зна­чать се­бе дру­го­го пре­ем­ни­ка, кро­ме него, то есть Алек­сия.

И вот он вы­звал к се­бе в Моск­ву пре­по­доб­но­го Сер­гия из его лю­би­мо­го уеди­не­ния. Пе­ший идет ста­рец-игу­мен к сво­е­му дру­гу-мит­ро­по­ли­ту. С лю­бо­вью встре­тил свя­ти­тель пу­стын­но­го го­стя. Сре­ди бе­се­ды он вдруг при­ка­зал при­не­сти зо­ло­той «па­ра­манд­ный» крест, укра­шен­ный дра­го­цен­ны­ми ка­ме­нья­ми. Он сво­и­ми ру­ка­ми воз­ло­жил на Сер­гия зо­ло­той крест, «как бы в знак об­ру­че­ния свя­ти­тель­ско­го са­на», и ска­зал: «Я же­лал бы, по­ка сам жив, най­ти че­ло­ве­ка, ко­то­рый мог бы по­сле ме­ня па­сти ста­до Хри­сто­во. Знаю до­сто­вер­но, что все от ве­ли­ко­дер­жав­но­го до по­след­не­го че­ло­ве­ка те­бя по­же­ла­ют иметь сво­им пас­ты­рем. Те­перь, за­бла­говре­мен­но ты по­чтен бу­дешь са­ном епи­ско­па, а по­сле ис­хо­да мо­е­го и пре­стол мой вос­при­и­мешь».

Глу­бо­ко сму­ти­ло сми­рен­но­муд­рую ду­шу Сер­гия столь неожи­дан­ное пред­ло­же­ние стар­ца-свя­ти­те­ля. С ве­ли­ким уни­чи­же­ни­ем, да­же со скор­бью, он стал от­ре­кать­ся от пред­ла­га­е­мой ему че­сти, несмот­ря на дол­гие уго­во­ры свя­ти­те­ля. То­гда про­зор­ли­вый свя­ти­тель уви­дел, что ес­ли он еще бу­дет на­ста­и­вать на сво­ем же­ла­нии, то за­ста­вит пре­по­доб­но­го Сер­гия уда­лить­ся в ка­кую-ни­будь без­вест­ную пу­сты­ню, и опа­са­ясь, чтобы со­всем не скрыл­ся све­тиль­ник, ти­хим све­том оза­ряв­ший и бла­го­дат­ной теп­ло­той со­гре­вав­шей его паст­ву, пе­ре­ме­нил раз­го­вор. Уте­шив стар­ца сло­вом оте­че­ской люб­ви, он от­пу­стил его с ми­ром в оби­тель.

Свя­ти­тель Алек­сий до­стиг глу­бо­кой ста­ро­сти, 78 лет, про­быв на ка­фед­ре мит­ро­по­ли­чьей 24 го­да. В про­дол­же­ние слу­же­ния по­свя­ще­но им бы­ло бо­лее 20 ар­хи­пас­ты­рей Рус­ской Церк­ви.

Дра­го­цен­ным па­мят­ни­ком пас­тыр­ско­го уче­ния его слу­жат Еван­ге­лие, окруж­ное по­сла­ние к пастве и по­сла­ние к хри­сти­а­нам Ни­же­го­род­ской об­ла­сти. Еван­ге­лие свя­то­го Алек­сия, пи­сан­ное соб­ствен­ной ру­кой его, хра­нит­ся в Чу­до­вом мо­на­сты­ре. Оно пи­са­но то­гда, как свя­ти­тель был в Кон­стан­ти­но­по­ле, и, сле­до­ва­тель­но, то­гда, как мог он иметь в ру­ках луч­шие спис­ки гре­че­ско­го Еван­ге­лия. В окруж­ном по­уче­нии свя­ти­тель, ска­зав о сво­ей обя­зан­но­сти учить паст­ву и о рас­по­ло­же­нии, с ка­ки­ми паства долж­на при­ни­мать на­став­ле­ния, всем го­во­рит: «При­хо­ди­те к иерею, от­цу ду­хов­но­му, с по­ка­я­ни­ем и сле­за­ми; от­верг­ни­те все де­ла злые и не воз­вра­щай­тесь к ним. Ис­тин­ное по­ка­я­ние в том и со­сто­ит, чтобы воз­не­на­ви­деть свои преж­ние гре­хи. Оста­вив все де­ла свои, без ле­но­сти со­би­рай­ся на цер­ков­ную мо­лит­ву. Не го­во­ри­те: от­по­ем се­бе до­ма. Как хра­ми­на без ог­ня от од­но­го ды­ма не мо­жет на­греть­ся, так и эта мо­лит­ва без цер­ков­ной. Цер­ковь име­ну­ет­ся зем­ным небом. В ней за­ка­ла­ет­ся Аг­нец, Сын и Сло­во Бо­жие, для очи­ще­ния гре­хов все­го ми­ра; в ней про­по­ве­ду­ет­ся Еван­ге­лие Цар­ства Бо­жия и пи­са­ния свя­тых апо­сто­лов; в ней пре­стол сла­вы Бо­жи­ей, неви­ди­мо осе­ня­е­мый Хе­ру­ви­ма­ми; в ней ру­ка­ми свя­щен­ни­че­ски­ми при­ем­лют­ся Те­ло и Кровь Бо­же­ствен­ные и пре­по­да­ют­ся вер­ным во спа­се­ние и очи­ще­ние ду­ши и те­ла. Итак, вхо­дя в цер­ковь, востре­пе­щи ду­шою и те­лом: не в про­стую хра­ми­ну вхо­дишь. Не дер­зай­те, де­ти, про­гнев­лять Бо­га сво­и­ми раз­го­во­ра­ми в церк­ви. Имей­те зна­ме­ние Хри­сто­во в ду­шах ва­ших. Знак же для овец ста­да Бо­жия есть при­об­ще­ние Те­ла и Кро­ви Хри­сто­вой. Вы, де­ти, как ов­цы сло­вес­но­го ста­да, не про­пус­кай­те ни од­но­го по­ста, не воз­об­но­вив на се­бе се­го зна­ме­ния, при­ча­щай­тесь Те­ла и Кро­ви Хри­сто­вой».

В по­сла­нии к ни­же­го­род­ской пастве на­уча­ет паст­ву стра­ху Бо­жию. Пас­ты­рям го­во­рит: «Не убой­тесь ли­ца силь­ных, за­пре­щай­те им оби­жать мень­ших. Пусть бу­дет меж­ду хри­сти­а­на­ми мир, лю­бовь и прав­да, не на сло­вах толь­ко и на язы­ке, но в серд­це чи­стом и ду­ше пря­мой. Пи­шу это не для од­них игу­ме­нов и иере­ев, но и для кня­зей и бо­яр, для му­жей и жен, и для всех пра­во­слав­ных хри­сти­ан. Имей­те, де­ти, по­пе­че­ние, по­кор­ность и по­слу­ша­ние к ду­хов­ным от­цам ва­шим, так как они учат вас по­лез­но­му и спа­си­тель­но­му для ду­ши». Свя­той Цер­ко­вью свя­ти­тель про­слав­ля­ет­ся как «пи­та­тель вдов, и си­рот отец, по­мощ­ник су­щим в скор­би все­из­ря­ден, пла­чу­щим уте­ше­ние, пас­тырь и на­став­ник всем за­блуж­да­ю­щим», «цер­ков­ная кра­со­то», «ве­ли­кий чу­до­тво­рец», «све­ти­ло всея рос­сий­ския мит­ро­по­лии», «зла­то­зар­ная рос­сий­ская звез­да».

Свя­ти­тель Бо­жий окон­чил зем­ное те­че­ние свое 12 фев­ра­ля 1378 го­да. Он за­ве­щал по­ло­жить те­ло его в Чу­до­вом мо­на­сты­ре, ука­зал и ме­сто по­гре­бе­ния «за ал­та­рем хра­ма» сво­е­го, не же­лая, по сми­ре­нию, быть по­хо­ро­нен­ным в хра­ме. Но бла­го­че­сти­вый ве­ли­кий князь Ди­мит­рий Иоан­но­вич Дон­ской (1363–1389), глу­бо­ко по­чи­тав­ший ве­ли­ко­го свя­ти­те­ля, по­ве­лел по­ло­жить те­ло мит­ро­по­ли­та Алек­сия в церк­ви, близ ал­та­ря. Це­леб­ные мо­щи его от­кры­лись спу­стя 50 лет по­сле его кон­чи­ны.

20 мая по ст. ст./2 июня – Об­ре­те­ние и пе­ре­не­се­ние чест­ных мо­щей

Так как пер­вый храм, по­стро­ен­ный в Чу­до­вом мо­на­сты­ре са­мим свя­ти­те­лем Алек­си­ем во имя свя­то­го Ар­хи­стра­ти­га Ми­ха­и­ла, в па­мять быв­ше­го чу­да его в Хо­нех, был де­ре­вян­ный, то слу­чи­лось, что кры­ша его, при­шед­шая от дол­го­го вре­ме­ни в вет­хость, об­ру­ши­лась во вре­мя со­вер­ше­ния Бо­же­ствен­ной ли­тур­гии, при­чем по устро­е­нию Бо­жию все быв­шие в это вре­мя в хра­ме оста­лись невре­ди­мы­ми. То­гда ве­ли­кий князь Мос­ков­ский Ва­си­лий Ва­си­лье­вич Тем­ный (1425–1462) по­ве­лел по­стро­ить ка­мен­ный храм. И ко­гда внут­ри преж­не­го де­ре­вян­но­го хра­ма ста­ли ко­пать рвы для фун­да­мен­та но­во­го хра­ма, то на­шли мо­щи ве­ли­ко­го свя­ти­те­ля Алек­сия непо­вре­жден­ны­ми и да­же одеж­ды на нем неис­тлев­ши­ми. Это бы­ло 20 мая 1431 го­да. С то­го вре­ме­ни ста­ли чтить па­мять свя­ти­те­ля. В но­вом хра­ме, освя­щен­ном, как и преж­ний, во имя Ар­хи­стра­ти­га Бо­жия Ми­ха­и­ла, был устро­ен при­дел в честь Бла­го­ве­ще­ния Пре­свя­той Бо­го­ро­ди­цы, в ко­то­ром и по­ло­жи­ли мно­го­це­леб­ные мо­щи свя­ти­те­ля Алек­сия.

В 1484 го­ду при на­сто­я­те­ле Чу­до­ва мо­на­сты­ря ар­хи­манд­ри­те Ген­на­дии (с 12 де­каб­ря 1484 го­да – ар­хи­епи­скоп Нов­го­род­ский; па­мять 4/17 де­каб­ря) в оби­те­ли на­ча­лось стро­и­тель­ство но­вой тра­пез­ной с хра­мом во имя свя­ти­те­ля Алек­сия. В 1485 го­ду свя­тые мо­щи его бы­ли пе­ре­не­се­ны в но­вый тра­пез­ный храм и по­став­ле­ны у юж­ной сте­ны, где и хра­ни­лись два сто­ле­тия. 12 фев­ра­ля 1535 го­да, в день па­мя­ти свя­ти­те­ля, мо­щи его бы­ли пе­ре­ло­же­ны в но­вую се­реб­ря­ную гроб­ни­цу.

20 мая 1686 го­да при пат­ри­ар­хе всея Рос­сии Иоаки­ме († 1690) мо­щи свя­ти­те­ля тор­же­ствен­но пе­ре­нес­ли из об­вет­шав­ше­го к то­му вре­ме­ни тра­пез­но­го хра­ма в ар­ку меж­ду но­во­устро­ен­ны­ми хра­мом в честь Бла­го­ве­ще­ния Пре­свя­той Бо­го­ро­ди­цы и хра­мом во имя свя­ти­те­ля Алек­сия, где по­чи­ва­ли от­кры­то. Ныне свя­тые мо­щи по­ко­ят­ся в Бо­го­яв­лен­ском пат­ри­ар­шем со­бо­ре в Москве.

Со вре­ме­ни от­кры­тия мо­щей ис­це­ле­ния и чу­де­са раз­но­го ро­да обиль­ным по­то­ком те­кут от свя­ти­те­ля Бо­жия.


Молитвы

Тропарь святителя Московского Алексия глас 8

Яко апостолом сопрестольна,/ и врача предобра, и служителя благоприятна,/ к раце твоей честней притекающе, святителю Алексие, богомудре чудотворче,/ сошедшеся, любовию в память твою светло празднуем,/ в песнех и пениих радующеся и Христа славяще,/ таковую благодать тебе даровавшаго исцелений// и граду твоему великое утверждение.

Ин тропарь Алексия, митрополита Московского и всея России глас 8

Яко светоносная возсия днесь память твоя, славне,/ верных озаряющи души и телеса,/ и исцеления струй Богоприятными ти молитвами источаеши,/ отче святителю Алексие,/ темже тя молим, яко архиереом сопрестольна и чудодейственника изрядна,/ иже Христову Престолу предстояй,/ о нас не оскудевай моляся спастися душам нашим.

Тропарь святителя Алексия глас 2

Яко сокровище пребогатое, многолетно в земли сокровенное,/ честныя мощи твоя обретошася чудоточащия,/ всеблаженне отче святителю Алексие,/ от нихже врачевство приемлюще, обогащаемся/ и Христа славословим, глаголюще:// слава прославляющему святыя Своя.

Ин тропарь святителя Алексия, митр. Московского и всея России, чудотворца глас 4

Апостольских преемников архиереев сопрестольниче,/ России всея пастырю и учителю,/ всеблаженне отче Алексие,/ Владыце всех молися/ мир пастве твоей даровати,/ и спасение душам,/ и велию милость.

Ин тропарь святителя Алексия, митр. Московского и всея России, чудотворца глас 3

Свыше от Бога глас глаголющ услышав,/ от юности подвизався, мудре,/ в молитвах, и во умилении, и слезах,/ во бдениих же и пощениих образ быв добродетели,/ отонюдуже и дом Духу Пречистому явися./ Сего ради Русския митрополии архиерейским саном почтен быв,/ Христово стадо упасл еси добре,/ еретическая нападения, не усумнеся, отрази/ и церкви воздвиже Христови, святителю Алексие,/ иночествующих лики собра/ и сих Христови привел еси./ Умре же, явися, яко спящ,/ цел соблюден бысть пред многими леты,/ подавая цельбы болящим./ Тем молим тя:/ моли Христа Бога спасти град твой Москву неврежден/ и страну и православныя люди по велицей Его милости.

Тропарь святителям Московским глас 4

Первопрестольницы Российстии,/ истиннии хранителие апостольских преданий,/ столпи непоколебимии, православия наставницы,/ Петре, Алексие, Ионо, Филиппе и Ермогене,/ Владыку всех молите/ мир вселенней даровати// и душам нашим велию милость.

Кондак святителя Московского Алексия глас 8

Божественнаго и пречестнаго святителя Христова,/ новаго чудотворца Алексия,/ верно вси поюще, людие, любовию да ублажим, яко пастыря великаго,/ служителя же и учителя премудра земли Российстей./ Днесь, в память его притекше, радостно возопием песнь богоносному:/ яко имея дерзновение к Богу, многообразных нас избави обстояний, да зовем ти:// радуйся, утверждение граду нашему.

Кондак святителя Алексия глас 8

Яко солнце незаходимое, от гроба возсия нам/ от мног лет сокровены честныя твоя мощи нетленны,/ святителю Алексие,/ тобою благодать приемлем,/ всю бо страну сию и вся ны чудесы и добротою обогащаеши,/ действом благодати, да поем ти:// радуйся, отче, светило России.

Ин кондак святителя Алексия, митр. Московского и всея России, чудотворца глас 3

Яко светоносная память святителя/ всем разруши уныние/ и свет облиста Небесных даров,/ всех созывающи на веселие:/ от Бога бо, святителю Алексие, благодать обрете прогонити недуги/ и вся человеки исцеляти,/ и мнихом же степень показася.

Кондак святителям Московским глас 3

Во святителех благочестно пожисте/ и люди к богоразумию настависте,/ и добре Богу угодисте,/ сего ради от Него нетлением/ и чудесы прославистеся,// яко ученицы Божия благодати.

Величание

Величаем вас,/ святителие Христовы,/ Петре, Алексие, Ионо, Филиппе и Ермогене,/ и чтим святую память вашу,/ вы бо молите за нас// Христа Бога нашего.

Молитва святителю Алексию

О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Алексие! Предстоя у Престола всех Царя и наслаждаяся Света Единосущныя Троицы и херувимски со Ангелы возглашая песнь Трисвятую, велико и неизследованное дерзновение имея ко Всемилостивому Владыце, молися паствы твоей спасти люди, единородный ти язык, благостояние святых церквей утверди, архиереи благолепием святительства украси, монашествующих к подвигом добраго течения укрепи: град сей (или: весь сию: аще во обители: святую обитель сию) и вся грады и страны добре сохрани и веру святую непорочну соблюсти умоли: мир весь умири, от глада и пагубы избави ны и от нападения иноплеменных сохрани нас: старыя утеши, юныя накажи, безумныя умудри, вдовицы помилуй, сироты заступи, младенцы возрасти, немощствующия исцели и везде тепле призывающих тя и с верою притекающих к раце честных и многоцелебных мощей твоих, усердно припадающих и молящих ти ся, от всяких напастей и бед ходатайством твоим свободи, да зовем ти: о, Богоизбранный пастырю, звездо всесветлая мысленныя тверди, тайнаго Сиона необоримый столпе, миродохновенный цвете райский, всезлатая уста Слова, Московская похвало, всея России украшение! Моли о нас Всещедраго и Человеколюбиваго Христа Бога нашего, да в день страшнаго Пришествия Его шуияго стояния избавит нас и радости святых причастники сотворит, со всеми святыми во веки. Аминь.

Канон первый на преставление святителя Алексия, митрополита Московского и всей России, чудотворца глас 8

Песнь 1

Ирмос: Колесницегонителя фараоня погрузи чудотворяй иногда Моисейский жезл, крестообразно поразив и разделив море, Израиля же беглеца, пешеходца спасе, песнь Богови воспевающа.

Колесницею благодати Твоея, Господи, возвыси наша помыслы от дольних на Горняя и сподоби восхвалити угодника Твоего, святителя Алексия, песнь Тебе, Богу, воспевающа.

Колесницею ходатайств твоих ум наш, отягченный житейскими печальми, возвыси от земных к Небесным и настави восхвалити тя достойно, отче Алексие, песнь победную Богу воспевающа.

Колесницу гордости мира сего превозшел еси смирением, и, взем крест твой, последовал еси Христу добротами, и, во пристанище горняго селения достиг, песнь Богу победную воспеваеши.

Колесницею добродетелей, яко Илия огненною, возшел еси на Небо, отонудуже моли Бога низпослати яко милоть благодать Духа, учащую ны песнь победную Богу воспевати.

Богородичен: Колесница огнеобразная, носившая Бога Слова, во чреве Твоем воплощеннаго, моли Его прилежно спастися рабом Твоим, к Тебе притекающим и победную песнь Богу воспевающим.

Песнь 3

Ирмос: Небеснаго круга Верхотворче Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.

Небеснаго круга и всея твари Господь, предведый тя, отче Алексие, будуща пастыря добра, ввери тебе паству словесную, яко Един Человеколюбец.

Небеснаго круга возлюбив Творца, постом облегчен, страстей море прешел еси и, на безстрастия верх добродетельми возшед, Бога узрел еси, Единаго Человеколюбца.

Небеснаго круга на высоту возшед Богоразумием, увидел еси умно тамо неизреченная и приял еси дар чудотворения от Бога Человеколюбца.

Богородичен: Небеснаго круга Верхотворца, хотяща родитися из Тебе, Пречистая, возвести Тебе Гавриил: радуйся, Дево, Господь с Тобою, Един Человеколюбец.

Седален, глас 4:

Благовонною слова Божияго пажитию словесную паству Христову Богоугодно воспитанную, пастырским Богодуховным исправления жезлом на правую спасения стезю путеводствив яко добрый пастырь, удостоился еси нетленну вечныя жизни мзду восприяти в Горнем Сионе от Пастыреначальника Христа Бога. Егоже моли, досточудне Алексие, нам, твоим овцам словесным, сохранитися от невидимых волков хищных.

Слава, глас 8:

Духом Божественным помазася верх твой священный, архиерее Алексие, и сниде на тя благодать богатно, и пребысть, яко миро, на главе сходящее на браду, браду Аароню, и сходящая, яко роса аермонская, и орошающая каплями благодеяний твоих притекающия к раце мощей твоих и зовущия тебе усердно: отче преподобне, моли Христа Бога грехов оставление даровати чтущим достойно святую память твою.

И ныне, Богородичен:

Повеленное тайно прием в разуме, в крове Иосифове тщанием предста безплотный, глаголя Неискусобрачней: приклонивый схождением Небеса вмещается неизменно весь в Тя, Егоже и видя в ложеснах Твоих, приемша рабий зрак, ужасаюся звати Тебе: радуйся, Невесто Неневестная.

Песнь 4

Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недра Отча и нашу нищету посетив. Тем с пророком Аввакумом зову Ти: силе Твоей слава, Человеколюбче.

Ты моя крепость, Господи, Ты моя и сила, — вопия, отче Алексие, приял еси дар телесныя недуги целити и лукавыя духи отгоняти от зовущих Христу: силе Твоей слава, Человеколюбче.

Ты еси светило Российския земли и граду Москве стена нерушима, на враги же победитель, и христоименитым людем во бранех пособник, зовущим Христу: силе Твоей слава, Человеколюбче.

Ты Богословил еси Единицу несозданную, в Триех Лицех сущую, несливаему же и нераздельну, воумляя паству твою, отче Алексие, непрестанно звати: силе Твоей слава, Человеколюбче.

Богородичен: Ты моя крепость еси воистину и спасение, Богородице, и на Тя надежду мою возложих, спаси мя, Дево Чистая, и укрепи рождшемуся из Тебе звати: силе Твоей слава, Человеколюбче.

Песнь 5

Ирмос: Вскую мя отринул еси от лица Твоего, Свете Незаходимый, и покрыла мя есть чуждая тьма, окаяннаго? но обрати мя и к свету заповедей Твоих пути моя направи, молюся.

Вскую противнии ополчаются на ны, имущия тя крепка поборника? Ты, отче Алексие, дерзость их низложи и воинство наше молитвою твоею страшно им покажи.

Вскую унываем, согнетаемии множеством печалей, имуще скорбных утешителя — святителя Алексия, избавляюща ны от бед и скорбей наших и от враг видимых же и невидимых?

Вскую, отче Алексие, телесныя немощи находят на ны, и беды окружают ны, врача тя имущия в болезнех и утешителя в скорбех? изми убо ны от сих молитвами твоими.

Богородичен: Вскую обуревают мя волны страстей, кормчия Христа рождшая, Дево Всенепорочная? Ты Его моли сих исхитити мя и к стези заповедей Его пути моя управити, молюся.

Песнь 6

Ирмос: Очисти мя, Спасе, многа бо беззакония моя и из глубины зол возведи, молюся, к Тебе бо возопих, и услыши мя, Боже спасения моего.

Очисти ны, Спасе, от многих грехов наших и болезни отжени молитвами святителя Твоего Алексия, и мир Церквам Твоим подаждь и соединение.

Очисти сердца наша и мысли ходатайствы твоими, отче, и, приим от нас приносимыя тебе молитвы, испроси у Христа обрести нам велию милость.

Очистив сердце твое, отче Алексие, и трость языка твоего изострив Духом, написал еси в сердцах верных слово Богоразумия ученьми твоими.

Богородичен: Очищенну Тя Духом, Всенепорочная, Архангел Гавриил познав, зовяще Тебе: радуйся, Дево Марие, падших воззвание и клятвы разрешение.

Кондак, глас 8:

Божественнаго и пречестнаго святителя Христова, новаго чудотворца Алексия, верно вси поюще, людие, любовию да ублажим, яко пастыря великаго, служителя же и учителя премудра земли Россиистей. Днесь, в память его притекше, радостно возопием песнь Богоносному: яко имея дерзновение к Богу, многообразных нас избави обстояний, да зовем ти: радуйся, утверждение граду нашему.

Икос

Дивнаго и пречестнаго чудотворца видяще чудеса, исцеления подавающа всем, от души с верою притекающим, и Христовы люди невидимо посещающа, и землю Российскую просвещающа, радостно от души вси, вкупе сошедшеся к раце мощей его, слышаще же и видяще чудес множество и источник исцелений неисчерпаемь, чистыми сердцы и просвещенными разумы, яко благоуханно кадило, плоды добродетельны от души приносяще и радующеся, воззовем ему, глаголюще: радуйся, отче, честный наш учителю, яко приял еси трудов твоих воздаяние и в Вышних водворяешися, о нас моля Человеколюбца Бога. Чудес дар приял еси, земли Российстей отец и учитель, и святителем изрядная похвала, и воинству нашему во бранех пособник крепок. Радуйся, святителю Алексие, граду нашему утверждение.

Песнь 7

Ирмос: От Иудеи дошедше, отроцы в Вавилоне иногда, верою Троическою пламень пещный попраша, поюще: отцев Боже, благословен еси.

От Иудеи отроком поревновав, огнепальныя страсти угасил еси, Христу присно поя, блаженне Алексие: отцев Боже, благословен еси.

От Иудеи отроки подражал еси, живущею бо в тебе Духа благодатию просвещься, воспел еси Христу: отцев Боже, благословен еси.

От Иудеи отроком ревнуем, видяще мощи твоя чудоточащия, любовию распаляеми, Христу зовем: отцев Боже, благословен еси.

Богородичен: От Иудеи отроцы Твое прообразиша Рождество, Дево Всечистая, огнь бо в пещи не опали их, поющих: отцев Боже, благословен еси.

Песнь 8

Ирмос: Царя Небеснаго, Егоже поют вои Ангельстии, хвалите и превозносите во вся веки.

Царя Небеснаго хвалити учил еси паству твою, зовый: пойте и превозносите Христа во веки.

Царя Небеснаго умоли о нас, чадех твоих, радостно поющих и превозносящих Его во веки.

Царю Небесному предстоя, паству твою назирай, поющую и превозносящую Христа во веки.

Богородичен: Царя Небеснаго родила еси, Дево, Егоже Ангели поют и превозносят во вся веки.

Песнь 9

Ирмос: Воистину Богородицу, Тя исповедуем, спасеннии Тобою, Дево Чистая, с Безплотными лики Тя величающе.

Воистину свет миру явился еси, светящ добродетельми, и пастырь изряден твоего стада был еси, Христа величающа.

Воистину вемы тя, отче, чудотворца велика, точаща многа чудеса верно к тебе приходящим и Христа величающим.

Воистину светло память празднуют святителя Алексия архиереи, и священницы, монаси и вси людие, Христа Бога величающе.

Богородичен: Воистину Ты еси христианом спасение: Христа бо родила еси, спасающаго ны, Деву Чисту Тя величающия.

Светилен

Благодать Святаго Духа, всельшаяся в тя, святителя тя показа, Христос же ти вручи паству Свою паствити на пажитех духовных, Егоже ради потщался еси наставляти люди, и ныне на Небесех, радуяся, живеши.

Канон второй на преставление святителя Алексия, митрополита Московского и всей России, чудотворца глас 4

Песнь 1

Ирмос: Поим, людие, дивно чудодействовавшему в Чермнем мори Христу Богу, яко древле Израиля всевооружена стопами пешешествовати непроходную сотвори и злобы делодателя фараона во глубине потопи.

Богосиятельными Триипостаснаго Света зарями Боговидно озаренный, златозарный светильниче церковный, Богомудре Алексие, молим тя: светоносными твоих молитв лучами в достолепую твою похвалу просвети ум тя хвалящих.

Христоподражательный ангеле земный, Богомысленный Небесным Ангелом собеседниче, Боговенчанный адских ангел победителю, удостоивыйся зрети великаго совета Ангела, Бога воплощенна, треблаженне Алексие, молим тя: твоими Боговнушаемыми мольбами избави ны от душевредных прилог адских.

Горьководною душетленных прегрешений бурею потопляеми, к тебе, яко досточудну влающагося моря утишителю, прибегающе, вопием: святе Алексие, твоими Богоугодными молитвами утиши волнующееся страстей наших море.

Богородичен: Светоносный облаче, одождивый нам дождь Небесный, воплощенное Слово Божие, Богородительнице Дево, неботочною Твоего благоутробия водою погаси огнепальный вредоносных страстей наших пламень.

Песнь 3

Ирмос: Да не хвалится мудр хваляйся, но о сем еже разумевати, яко несть свят, яко Бог наш, возносяй рог наш, даяй крепость царем нашим.

Тя, Богомудра кормчия, Небесным слова Божияго кормилом Богохранимый корабль Российския Церкве к благотишному вечныя жизни пристанищу праве кормильствовавша, блажаще, молим: всечестне Алексие, к благоведрой покаяния тишине кормильствуй души наша.

Душеспасительну всемощнаго моря Творца заповедь благопоспешно сохраньша и бурная влающагося моря треволнения молитвою утишивша, твоим чудодействительным предстательством утиши волнующуюся скорбей наших бурю.

Златоточная реко Божия, Небесными Евангельскаго учения водами Богосажденный Церкве Российския рай наводнившая обильно, досточудне Алексие, неботочною духовныя радости струею напаяй скорбящия души наша.

Богородичен: В Богозданном Богословяще Церкве апостольския Небе, к Тебе, светоносному незаходимаго Солнца Небу, прибегаем, вопиюще: Всепетая Дево, Твоею Небесною помощию помози нам, Тя блажащим, в Небесная вселитися жилища.

Седален, глас 4:

Благовонною слова Божияго пажитию словесную паству Христову Богоугодно воспитанную, пастырским Богодуховным исправления жезлом на правую спасения стезю путеводствив яко добрый пастырь, удостоился еси нетленну вечныя жизни мзду восприяти в Горнем Сионе от Пастыреначальника Христа Бога. Егоже моли, досточудне Алексие, нам, твоим овцам словесным, сохранитися от невидимых волков хищных.

Слава, глас 8:

Духом Божественным помазася верх твой священный, архиерее Алексие, и сниде на тя благодать богатно, и пребысть, яко миро, на главе сходящее на браду, браду Аароню, и сходящая, яко роса аермонская, и орошающая каплями благодеяний твоих притекающия к раце мощей твоих и зовущия тебе усердно: отче преподобне, моли Христа Бога грехов оставление даровати чтущим достойно святую память твою.

И ныне, Богородичен:

Повеленное тайно прием в разуме, в крове Иосифове тщанием предста безплотный, глаголя Неискусобрачней: приклонивый схождением Небеса вмещается неизменно весь в Тя, Егоже и видя в ложеснах Твоих, приемша рабий зрак, ужасаюся звати Тебе: радуйся, Невесто Неневестная.

Песнь 4

Ирмос: Гласом благоглаголивым предразумев, Аввакум зряще Слова воплощение и взываше яве: слух услышах Божия совета, Бог бо непреложно Человеком возбеседует, из горы грядый Девственнаго чрева и мир избавляя началородныя клятвы.

Богосодеянною смиренномудраго исправления мрежею неисчетное рыб словесных множество Богопоспешно уловлей, Богомудрый ловче, досточудный Алексие, Богокованною предстательства твоего удицею извлецы ны из глубокия зол многих пучины.

Небесным слова Божия врачевством душетленныя уврачевствовавый людских грехопадений язи и Богоустроенным кроткаго наказания пластырем умовредныя исцеливый раны, безмездный целителю, досточудный Алексие, молим тя, исцели душевредныя грехов наших струпы.

Благоплодовитое Богонасажденнаго сада древо, благовонныя прозябшее достохвальных исправлений плоды и плодоносныя простершее к Небу Боговнушимых молений ветви, всечудне Алексие, молим тя: Богорасленным твоего покрова листвием осени ны от вредоноснаго лютых бед жега.

Богородичен: К Тебе, златозарная Света Невечерняго заре, Богородительнице Дево, прибегаем, вопиюще: светозарным Твоего защищения сиянием разреши темнозрачен облак печалей наших.

Песнь 5

Ирмос: Нощеборимых страстей тимением к Тебе утренюю, Единому Благоутробному, души моея мглу просвети и узы пресеки долгов моих, яко да Твоим Соприсносущным Духом просвещаемь, правды путь нетленный обрящу повелений Твоих.

Словесную паству Христову благовонным Евангельскаго учения злаком Богоугодно воспитавый и на правый Христоподражательнаго жития путь Боголепно наставлей, пастырю добрый, всеблаженне Алексие, молим тя: твоими молитвами настави ны на правую заповедей Божиих стезю.

Богозданный Духа Святаго сосуде, чистым любве Божия златом Боголепно позлащенный, Богомудре отче Алексие, раждеженным слова Божия сребром чада твоя обогащей обильно, молим тя: твоими молитвами подаждь нам Небесное Божия благодати богатство.

Богоначальному премирных умов лику сообщенный и Богосиятельными Триипостаснаго Света зарями Боговидно озаренный, уме Богомудрый, священноначальниче Алексие, Небесною Богооткровенныя ти мудрости лучею просвещай свыше мрачныя умы наша.

Богородичен: Богорасленный грозд, воплощенное Слово Божие прозябшая, Богосажденная лозо, Всенепорочная Дево, молим Тя: благовонным Божия благодати вином напаяй жаждущия души наша.

Песнь 6

Ирмос: Из чрева адова вопля моего услышал еси глас мой и возвел еси от тли бури прегрешений, обдержит бо, Спасе, и погружати искушает, Блаже: но якоже прежде Иону возвел еси от тли, и мене, молюся, Господи, предварив, спаси.

Златозарная Российская звездо, светоносными равноапостольских исправлений зарями Богозданное Церкве Божия Небо озарившая светло и темномрачну варварских наветов мглу разрешшая Богопоспешно, всеблаженне Алексие, разреши темен напастей вражиих облак.

В Боголепную Невещественнаго Бога славу вещественныя храмы Божия Боготщательно создавый, мысленный храме Божий, Богоносе Алексие, молим тя, Богоугодными твоими мольбами Богоприемный храм Божий созижди сердца наша.

Пагубородное гордаго кичения терние исторгнувый и доброрасленныя смиреномудраго Богомыслия леторасли Богопоспешно возрастивый, благоплодовитый Небеснаго сада кореню, всечудне Алексие, насади в сердцах наших Богорастительный Богоугоднаго смирения корень.

Богородичен: Всемощнаго морских треволнений утишителя, воплощенное Слово Божие рождшая, Богородице Дево, Небесною Твоего заступничества тишиною многобурную утиши скорбей наших молву.

Кондак, глас 8.

Божественнаго и пречестнаго святителя Христова, новаго чудотворца Алексия, верно вси поюще, людие, любовию да ублажим, яко пастыря великаго, служителя же и учителя премудра земли Российстей. Днесь, в память его притекше, радостно возопием песнь Богоносному: яко имея дерзновение к Богу, многообразных нас избави обстояний, да зовем ти: радуйся, утверждение граду нашему.

Икос:

Дивнаго и пречестнаго чудотворца видяще чудеса, исцеления подавающа всем, от души с верою притекающим, и Христовы люди невидимо посещающа, и землю Российскую просвещающа, радостно от души вси, вкупе сошедшеся к раце мощей его, слышаще же и видяще чудес множество и источник исцелений неисчерпаемь, чистыми сердцы и просвещенными разумы, яко благоуханно кадило, плоды добродетельны от души приносяще и радующеся, воззовем ему, глаголюще: радуйся, отче, честный наш учителю, яко приял еси трудов твоих воздаяние и в Вышних водворяешися, о нас моля Человеколюбца Бога. Чудес дар приял еси, земли Российстей отец и учитель, и святителем изрядная похвала, и воинству нашему во бранех пособник крепок. Радуйся, святителю Алексие, граду нашему утверждение.

Песнь7

Ирмос: Тя живописующий ассирийский пламень юноши три спасе, Господи, якоже и Деву не опали Отроковицу, в Божественном Рождестве Твоем Божественная искра: препетый отцев Боже, благословен еси.

Тя, яко от Небеснаго врача дар исцеления туне приемша, тако вредоносныя к тебе прибегающих язи туне исцеливша, усердно молим, врачу безмездный, архиерее Алексие: Небесною твоих мольб цельбою исцели лютыя недуги душ и телес наших.

Боготканная православнаго благочестия ризо, многоценными превеликих добродетелей бисерми Боголепно удобреная, всехвальне Алексие, моли светом одеяющася Бога в светлую вечныя жизни ризу одеятися душам нашим.

Трудолюбный Богосажденнаго сада делателю, благовонную досточудных исправлений кассию насадивый и Богорасленную постническаго воздержания смирну в Боголюбивом сердцы твоем вкоренивый, святе Алексие, Неботочную защищения твоего стакту излий на любящая тя сердца наша.

Богородичен: От Богосиятельнаго Правды Солнца Богооткровенно паче умов премирных озаряема, светозарная луно, Всенепорочная Дево, светоносною Твоея благодати лучею мрачная просвети сердца наша.

Песнь 8

Ирмос: Находящия в пламени беззаконнаго мучителя велением отроки подражающе, немолчными устнами в Вышних похвально возопиим: Блаже, преестественно Сын Пресвятый, поющия Тя Светом умным Твоим озари.

Небесною Богоприятныя молитвы цельбою телесную варварския царицы слепоту преестественно исцеливый, Богомудрый, душевных и телесных недуг целителю, всеблаженне Алексие, молим тя: душевную исцели слепоту вредоносных прегрешений наших.

Церковная красото, преосвященная главо, непоколебленный благочестия столпе, Богозданный веры степеню, неисчерпаемая Божественных чудес пучино, всечестне Алексие, златоточными твоих мольб водами вредоносен погаси огнь печалей наших.

Пагубоносное грехопадений стволие Божественным любве Божия огнем Богоугодно сожег и Богозданным веры степенем к невещественну огню преестественну, в Живоначальной Троице Богу, приступив благоговейно, преподобне отче Алексие, от геенскаго огня избави души чад твоих, тя блажащих.

Богородичен: Присносущную Жизнь, воплощенное Слово Божие паче слова человеча истинно рождшая, Всепетая Богородице Дево, молим Тя: избави ны, рабы Твоя, от вечныя смерти.

Песнь 9

Ирмос: В Тебе, Богородице, наше умаление преста, невидимое бо Слово во утробе Твоей приемшая, сугуба Того родила еси, Бога вкупе и Человека, на Негоже Херувими воззрети не дерзают. Темже Тя величаем, Пречистая.

Благовидною архиерейских исправлений красотою Богопоставленный престол твой Боголепно украсивый, первопрестольный иерарше, всечестне Алексие, моли седящаго на премирных престолех Бога удостоитися нам, тя блажащим, в Царствии Небесном предстати Божию престолу.

К чудотворным твоим мощем притекающе усердно, молим тя, чудоточный источниче, досточудне Алексие: Боготочною Божественных чудес твоих струею угаси раждеженое бед и печалей наших горнило.

С царствуемым миром православныя люди наша от всяких бед защити, Богозданный православия щите и Церкви Русския первопрестольный иерарше, всеблаженне Алексие, в Боголепое церквей Божиих благостроение даждь свыше Небесную помощь.

Богородичен: Боговидцем Моисеем виденная в Синаи купино неопальная, огнь Божественный, воплощенное Слово Божие рождшая, Всесвятая Дево, Небесным любве Божия огнем разжзи оледевшая сердца наша.

Светилен

Благодать Святаго Духа, всельшаяся в тя, святителя тя показа, Христос же ти вручи паству Свою паствити на пажитех духовных, Егоже ради потщался еси наставляти люди, и ныне на Небесех, радуяся, живеши.

Канон первый на обретение мощей святителя Алексия, митрополита Московского и всей России, чудотворца глас 6

Песнь 1

Ирмос: Яко по суху, пешешествовав Израиль по бездне стопами, гонителя фараона видя потопляема, Богу победную песнь поим, вопияше.

Отверзи ми устне благодатию Твоего Божества, Христе, и, озарив, просвети душу же и сердце несумненною верою воспети обретение честных мощей святителя Твоего Алексия.

От уст недостойных, и от сердца нечиста, и от недостижнаго ума нашего приими малое хваление, святителю Алексие, воспети обретение честных мощей твоих.

Троицу Лицы, Единицу же Существом проповедал еси, святителю, и от Тоя независтныя дары приял еси, и исцеления различная подаваеши верою приходящим к раце мощей твоих.

Богородичен: Языков чаяние древле Тобою даровася, Пречистая Богородице: Ты бо Христа родила еси, от рова прегрешений возводяща во тлю поползшияся и от бед избавляюща Тя величающия.

Песнь 3

Ирмос: Несть свят, якоже Ты, Господи Боже мой, вознесый, рог верных Твоих, Блаже, и утвердивый нас на камени исповедания Твоего.

Смиреномудрия нравом и образа кротостию Ангельскому житию подобяся, нескверно и непорочно тело твое соблюл еси, преосвященный отче, святителю Алексие.

Яко звезда многосветлаго солнца, от гроба возсияша, от многих лет сокровены, честныя мощи святителя Алексия, чудес лучи испущающе и исцеления всем подающе.

Радостию убо возрадовашася вси московстии народи, архиерей великий со святители, и христолюбивии князи, и церковное все совокупление, егда обретошася честныя твоя мощи, ничимже вредимы, святителю Алексие.

Богородичен: Рождшая Свет всему миру, просвети наша помышления, Пречистая Владычице, и неразумия мглу далече отжени, едина Богоблаженная.

Кондак, глас 3

Яко светоносная память святителя всем разруши уныние и свет облиста Небесных даров, всех созывающи на веселие: от Бога бо, святителю Алексие, благодать обрете прогонити недуги и вся человеки исцеляти, и мнихом же степень показася.

Седален, глас 1

Память обретения честных мощей твоих наста нам светло празднество, пречудный святителю Христов, Алексие прехвальне, в нюже чудес благодать приял еси от всех Царя, Христа Бога, различныя недуги от человек отгонити, и от уз избавляти, и обидимых от лют изымати. Темже зовем: избави нас от враг наших.

Слава, и ныне, Богородичен

Гавриилу вещавшу Тебе, Дево, радуйся, со гласом воплощашеся всех Владыка в Тебе, святем кивоте, якоже рече праведный Давид, явилася еси, ширшая Небес, поносивши Зиждителя Твоего. Слава Всельшемуся в Тя, слава Прошедшему из Тебе, слава Свободившему нас рождеством Твоим.

Песнь 4

Ирмос: Христос моя сила, Бог и Господь, честная Церковь боголепно поет, взывающи, от смысла чиста о Господе празднующи.

Благодарственныя песни принесем Христу Богу нашему, таковаго святителя даровавшему Церкви Своей, пречестное удобрение и граду Mосквe великое утверждение.

Яко Аарон незлобием, Духа благодатию, славне, в ризу свыше облеклся если преподобия и правды и, предстоя престолу Христову, моли о нас непрестанно, святителю Алексие.

Яко луча светозарнаго солнца, от гроба нам взыде, святителю, озаряя всех, верою почитающих обретение честных мощей твоих, Богоблаженне Алексие.

Богородичен: Радости нам ходатаица явилася еси, яко приемши исполнение всего Божества, Всенепорочная. Тем вси, радуйся, Ангелово велегласно зовем, Богорадованная.

Песнь 5

Ирмос: Божиим светом Твоим, Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.

Благодатию Божественнаго Духа молитва твоя поспешествуема: егда убо церковь падеся, образов, иже в ней, святых ничимже вреди, яко ни праху прикоснутися им, тако и ныне сохраняй град твой от сопротивных враг.

Всем христианом в бедах помощник и граду Москве велий заступник, недугующим врач безмездный, и сущим в нуждах и скорбех готовейший утешитель, и ходатай теплый ко всех Царю, Христу Богу.

На земли положено бысть честное тело твое, святителю Алексие, дух же возлете на Небеса, со апостолы же и святители и со Ангелы ликовствуя, Святей Троице предстоиши: молися прилежно за град и люди твоя, святе.

Богородичен: Тайны Твоея глубина, Пречистая Богородице, Ангельския чины удивляет, и честная Твоя икона бесы смущает и прогоняет, мы же покланяем Ти ся, ведуще Тя, Божию Матерь.

Песнь 6

Ирмос: Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.

Христовою силою облеклся еси, Алексие премудре, и священнодетель истинен показался еси, Божиим сиянием просветився, яко от окрина, честныя твоея раки исцеления различна неоскудно подаеши празднующим верно честных твоих мощей обретение.

Вседетальнаго Духа пресветлыми лучами осияемь присно, от различных искушений, и бед, и скорбей, обдержащих нас, яко Христов угодник, отче, избави рабы твоя, светоносное твое торжество всегда совершающих верно, святителю Алексие.

Ясно проповедал еси единство Троицы, и немудрых сердца в разум привел еси, и рождшему Слово сопрестольно Богоразумием истинным равно славословив. Тем, в Небесных селениих водворяяся, от бед нас избавляй.

Богородичен: Рождшая сияние славы Отчи, Дево Богородице Всепетая, просвети души поющих Тя: Твоею бо благодатию нетленны сохранены быша честныя мощи святителя Алексия, различныя дарования источающа верою чтущим память его.

Кондак, глас 8

Яко солнце незаходимое, от гроба возсия нам от мног лет сокровены честныя твоя мощи нетленны, святителю Алексие, тобою благодать приемлем: всю бо страну сию и вся ны чудесы и добротою обогащаеши, действом благодати, да поем ти: радуйся, отче, светило России.

Икос

Похвалим ныне святителя песньми, Российскаго пастыря и учителя, и благочестно притецем к paцe мощей его, и почерпем дарования, яко от источника исцелений. Юже обстояще ныне, радостно веселимся и, усердно обшедше, светоносными песньми прославим, глаголюще: чудотворче святителю Алексие, чудесы обогащай всех нас содеянием благодати, да поем ти: радуйся, отче, светило России.

Песнь 7

Ирмос: Росодательну убо пещь содела Ангел преподобным отроком, халдеи же опаляющее веление Божие мучителя увеща вопити: благословен еси, Боже отец наших.

От светоносныя десницы прием благодать чудес, верою просящим, отче, исцеления различная подаваеши, святителю Христов Алексие, благочестно поющим: благословен Бог отец наших.

Гроб, идеже положено бысть честное тело твое, сокрушен бысть от многаго камения, егда распадеся церковь, мощем же твоим никакоже прикоснуся. Ихже мы зряще, неизреченно светящихся, радостно зовем: благословен Бог отец наших.

В Триех Ипостасех Богоначальных державу Отца, равнодетельна Сына и Духа богословил еси, и Той тя прослави, и заступника тя показа нам, зовущим ти: избави нас, святе, от всех зол, находящих на ны.

Богородичен: Тя, Заступницу, Чистая Богородице, стяжахом, и на Тя вси надежду возложихом, и к Тебе прибегаем: спаси нас, Всенепорочная, и избави молитвами Твоими от обдержащия скорби и мятежа и лютых напастей и бед.

Песнь 8

Ирмос: Из пламене преподобным росу источил еси и праведнаго жертву водою попалил еси: вся бо твориши, Христе, токмо еже хотети. Тя превозносим во вся веки.

На Небесех чини Ангельстии ликуют, и на земли верных собори светло празднуют обретение честнаго твоего телесе, святителю Алексие, песньми славяще Христа во веки.

Вонми и услыши глаголы наша, святителю Христов Алексие, и спаси Святейшаго Патриарха нашего, град же и люди изми от всякаго зла, поющия и превозносящия Христа во веки вся.

Единоначальная Троица, всеми владычествующая, Яже тобою воспеваемая, сим одари тя мановением Божественным, цело и нетленно священное твое тело сохрани, славящих бо Ю прославляет во веки.

Богородичен: Не умолчим никогдаже величати и глаголати заступление Твое, еже твориши, утишающи мятеж, прибегающим к покрову Твоему, Богомати, и надежду тверду имущим Тя во веки.

Песнь 9

Ирмос: Бога человеком невозможно видети, на Негоже не смеют чини Ангельстии взирати; Тобою же, Всечистая, явися человеком Слово воплощенно, Егоже величающе, с Небесными вои Тя ублажаем.

Со апостолы и святители Владычню престолу и с лики Ангельскими предстоя, моли избавити нас от печалей, находящих на ны: яко бо огнь, палящ и разжизающ, лютый пламень, обходящий нас, от негоже избави ны, святителю Алексие премудре, да тя ублажаем.

Явися звезде подобно, светоносивей подобие образа твоего, духовными лучами просвещая сердца верных, Богоразумия же светом лучи чудес испущаеши и исцеления подаваеши, святителю, празднующим любовию обретение честных мощей твоих.

В Триех Богоначальных Ипостасех Един Сый Бог, славимый всегда и царство имеяй непременно, всемощною твоею десницею шатания враг нечестивых, и братоубийц выи низверзи под нозе воинству нашему.

Богородичен: Роди вси Тя ублажают ныне, Пречистая Богородице, и всяк град и страна, оружие, и заступление, и забрало Тя имуще, хвалятся Тобою, яко крепость их рождшую, Владыку всех, Христа Бога, силу имущаго непобедимую.

Светилен

Приидите вси, дивнаго и славнаго в чудесех, великаго святителя Алексия песньми священными похвалим, Российскаго светильника и учителя, и Ангельским чином ссельника, и молитвенника тепла ко Господу о чтущих память его.

Канон второй на обретение мощей святителя Алексия, митрополита Московского и всей России, чудотворца глас 8

Песнь 1

Ирмос: Воду прошед, яко сушу, и египетскаго зла избежав, израильтянин вопияше: Избавителю и Богу нашему поим.

Даждь ми слово, Слове, и ум мой благодатию Духа просвети, еже восхвалити Твоего угодника, святителя Алексия.

Испроси у Христа даровати ми благодать Духа, еже соплести тебе достодолжную хвалу, Богомудре отче Алексие.

Приими моление наше, святителю Алексие, и озари наша мысли светом твоих добродетелей, пети тя достойно.

Богородичен: Земнороднии Рождеством Твоим, Дево Богородице, от земли к Небесней высоте взяхомся и ангельским ликом причтохомся.

Песнь 3

Ирмос: Утвердися сердце мое во Господе, вознесеся рог мой в Бозе моем, разширишася на враги моя уста моя, возвеселихся о спасении Твоем.

Молим тя, святителю, моли о хвалящих тя и притекающих любовию к честным мощем твоим, еже получити грехов прощение и бед свобождение.

Прослави тя Господь, святителю Алексие, многа бо лета тело твое, землею покровено, соблюде нетленно, точащее чудеса просящим тя тепле.

Прояви Господь мощи твоя и, яко светильник светел, постави я не под спудом, но на свещнице, да светят сиянием чудес притекающим ти с верою.

Богородичен: Приводим Тебе в молитву милостивную Ходатаицу, рождшую Тя плотию, Христе Боже наш, Еяже молитвами, Щедре, мир Твой умири.

Кондак, глас 3

Яко светоносная память святителя всем разруши уныние и свет облиста Небесных даров, всех созывающи на веселие: от Бога бо, святителю Алексие, благодать обрете прогонити недуги и вся человеки исцеляти, и мнихом же степень показася.

Седален, глас 1

Память обретения честных мощей твоих наста нам светло празднество, пречудный святителю Христов, Алексие прехвальне, в нюже чудес благодать приял еси от всех Царя, Христа Бога, различныя недуги от человек отгонити, и от уз избавляти, и обидимых от лют изымати. Темже зовем: избави нас от враг наших.

Слава, и ныне, Богородичен

Гавриилу вещавшу Тебе, Дево, радуйся, со гласом воплощашеся всех Владыка в Тебе, святем кивоте, якоже рече праведный Давид, явилася еси, ширшая Небес, поносивши Зиждителя Твоего. Слава Всельшемуся в Тя, слава Прошедшему из Тебе, слава Свободившему нас рождеством Твоим.

Песнь 4

Ирмос: Из горы приосененныя, Слове, пророк, единыя Богородицы, хотяща воплотитися боговидно усмотри и со страхом славословяше силу Твою.

Теплый предстателю бедствующих и молящихся скорый услышателю, отче наш, святителю Алексие, избави от всяких напастей вся, призывающия тя.

Светильниче всесветлый, просиявый добродетельми твоими, озари сердца наша, омраченная прилоги льстиваго, и разжени тьму страстей присно борющих ны.

Празднующим светло память твою, отечеству нашему и людем мир у Христа испроси и избави от междоусобныя брани и нашествий противных.

Богородичен: Палата прекрасная и престол Всецаря Христа показалася еси: честнейшая бо еси воистину всех тварей, Богомати, Предстательница и покров душ наших.

Песнь 5

Ирмос: От нощи неведения Боговедением просветивый концы, просвети мя утром человеколюбия Твоего, Господи.

Блистаньми чудес твоих, Богомудре, церковь твою озари и люди возвесели, Христа моля дати всем нам грехов прощение.

Моли о нас Всесвятую Троицу, святителю Алексие, яко да низпослет нам благодать Свою, хвалящим тя любовию.

Всечестная рака твоя, святителю Алексие, чудеса точит приходящим верно и просящим подает цельбу обильно.

Богородичен: Единаго от Троицы воплощеннаго Бога истинно родила еси, Егоже моли от бед избавитися рабом Твоим.

Песнь 6

Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.

Преосвященне Алексие, красото церковная, архиереев благолепие, равностоятелю же святых Ангел, моли о хвалящих тя и испроси получити всем грехов оставление.

Преблаженне святителю Алексие, молися прилежно за град и люди твоя, и обдержащия скорби премени, и грехов прощение и горняго веселия наследие испроси.

Подвиг твоих трудами приял еси Божественная дарования: честныя бо твоя мощи в шестьдесятное лето обретошася нетленны, исцеления различная подающия.

Богородичен: Припадающе, молим Тя прилежно, всемилостивая Владычице: моли из Тебе рождшагося избавити ны лютыя скорби, и варварскаго прещения, и всякаго навета вражия.

Кондак, глас 8

Яко солнце незаходимое, от гроба возсия нам от мног лет сокровены честныя твоя мощи нетленны, святителю Алексие, тобою благодать приемлем: всю бо страну сию и вся ны чудесы и добротою обогащаеши, действом благодати, да поем ти: радуйся, отче, светило России.

Икос

Похвалим ныне святителя песньми, Российскаго пастыря и учителя, и благочестно притецем к paцe мощей его, и почерпем дарования, яко от источника исцелений. Юже обстояще ныне, радостно веселимся и, усердно обшедше, светоносными песньми прославим, глаголюще: чудотворче святителю Алексие, чудесы обогащай всех нас содеянием благодати, да поем ти: радуйся, отче, светило России.

Песнь 7

Ирмос: От Иудеи дошедше, отроцы в Вавилоне иногда верою Троическою пламень пещный попраша, поюще: отцев Боже, благословен еси.

Орган духовный был еси, отче святителю Алексие, умно движим благодатию, присно бряцал еси, поя: отец наших Боже, благословен еси.

На земли, яко солнце, сияеши чудесы, отче блаженне, на Небесех же венценосец, радуяся, поеши: отец наших Боже, благословен еси.

Благодатию Духа честныя мощи святителя Алексия различныя цельбы подают верою поющим: отец наших Боже, благословен еси.

Богородичен: Телесныя слабости и душевныя недуги, Богородительнице, любовию приходящих к крову Твоему исцели, врача Христа нам рождшая.

Песнь 8

Ирмос: На горе святей прославльшася и в купине огнем Приснодевы Моисеови тайну явльшаго, Господа пойте и превозносите во вся веки.

Потщися, святе, избавити ны от напастей и скорбей многих, обдержащих ны, плотских и душевных, да, радующеся, поем Христа во вся веки.

Призывающия тя, отче, избави всякаго зла и лютых нахождений и от напрасныя смерти исхити поющия Христа во вся веки.

Манием Божественным различныя цельбы подают честныя твоя мощи, святителю, просящим тя усердно и Христа поющим во вся веки.

Богородичен: Рождшая Единаго от Троицы, молити не престай, Богородице, избавитися нам от бед, поющим и превозносящим Его во веки.

Песнь 9

Ирмос: Проявленное на горе законоположнику во огни и купине Рождество Приснодевы в наше верных спасение, песньми немолчными величаем.

Помилуй ны, смиренныя рабы твоя, святителю Алексие, и от тьмы скорбей изми и пламене искушений исхити, верно к тебе притекающия.

Яко звезда светозарная, на Небесех водворяяся, с лики святых Ангел молися о хвалящих тя и притекающих к раце честных мощей твоих.

Архиереев украшение, монахов удобрение, всех верных прописание, Церкве изрядный пастырь и учитель ты еси, Алексие преосвященне.

Богородичен: Безсеменно рождшая плотию Ипостасное Слово Пребезначальнаго Отца, молися Ему, Богородице Всепетая, спасти души поющих Тя.

Светилен

Приидите вси, дивнаго и славнаго в чудесех, великаго святителя Алексия песньми священными похвалим, Российскаго светильника и учителя, и Ангельским чином ссельника, и молитвенника тепла ко Господу о чтущих память его.

Акафист святителю Алексию, митрополиту Московскому и всея России, чудотворцу

Кондак 1

Избранный архиерею и слуго Великаго Архиерея Иисуса, преблаженне Алексие! Яко сподобльшеся многих твоих благодеяний, не имеюще же что воздати, похвальная восписуем ти и от души взываем, проповедающе чудеса твоя: испроси нам от Царя Небеснаго безбедно преити прочее жития сего и достигнути Горняго Иерусалима, да тамо узревше тя в блаженней радости, воззовем к тебе:

Радуйся, Алексие, великий чудотворче и скорый помощниче.

Икос 1

Ангеле, от земли прозябый! Великаго Совета Ангел, провидев доброту души твоея, прежде век избра тебе, еже благовестити плененным отпущение и слепым прозрение. Отнюдуже мы, грешнии, светом дел твоих получивше прозрение и грехов отпущение, взываем:

Радуйся, корене благаго отрасль блажайшая; радуйся, честных родителей добрейший сыне.

Радуйся, благоуханнаго сада прозябение; радуйся, духовным возрождением Богу Отцу усыновленный.

Радуйся, миропомазанием Святаго Духа запечатленный; радуйся, имя, яко миро излиянное, свыше восприявый.

Радуйся, от пелен Богу посвященный; радуйся, мужественно иго Христово на себе возложивый.

Радуйся, земная и мимотекущая, яко уметы, вменивый; радуйся, егоже Человек домовит — Иисус утро наят делателя в виноград Свой.

Радуйся, образ Божий и подобие свято соблюдший; радуйся, красото, душевныя и телесныя всех очи увеселяющая.

Радуйся, Алексие, великий чудотворче и скорый помощниче.

Кондак 2

Видя откровением Духа Святаго, яко не устоят нечестивии на суде праведнем, но суть яко прах, егоже возметает ветр, от младых ногтей, преблаженне Алексие, на совет их не шел еси, ниже на пути грешных человеков стал еси, но, Закону Божию усердно поучался, и прочим внушал еси пети: Аллилуиа.

Икос 2

Разум свыше прием, мал детищ сущь, еже не труждатися всуе в ловлении птиц, потщался еси вся яже на земли красная оставити. Темже мы приглашаем тебе:

Радуйся, на ловитву человеков призванный; радуйся, к Горним, яко на крилах возлетавый.

Радуйся, море житейское любомудрием испытавый; радуйся, волнение его безопасно прошедый.

Радуйся, земле благая, семя слова Божия восприявшая; радуйся, земле, плод сторичный произрастившая.

Радуйся, пшенице, хлеб Небесный устроившая; радуйся, в житнице Небесной соблюденная.

Радуйся, обретый многоценный бисер и его всем, елика имел еси, купивый; радуйся, зельным пощением, яко благовкусною пищею, от юности питавыйся.

Радуйся, всенощным стоянием и непрестанными молитвами себе в подвизе укрепивый; радуйся, в море слез твоих множества демонов потопивый.

Радуйся, Алексие, великий чудотворче и скорый помощниче.

Кондак 3

Силою свыше, егда облече тя Дух Всесвятый, пастыря Церкви российстей поставляя, тогда всем людем твоим вдыхал еси хвалу: Аллилуиа.

Икос 3

Подобаше, отче Алексие, с Небесе песни тебе воспеваемей быти, а не от земли: кто бо от человек возможет по достоинству твоея святыни величия поведати? Но мы, любовию твоею побеждаеми, вопием ти сице:

Радуйся, дольняя и красная мира презревый; радуйся, вышних красот желанием воспаленный .

Радуйся, Единаго Христа от сердца возлюбивый; радуйся, Тому Единому всею душею прилепивыйся.

Радуйся, правило веры благочестивыя; радуйся, благий делателю винограда Христова.

Радуйся, дарованный талант приумноживый; радуйся, в радость Господа твоего вшедый.

Радуйся, сладостьми духовными нас насыщающий; радуйся, благоприятное Богу кадило.

Радуйся, благоухание молитвы к Престолу Вышняго возносящий; радуйся, любовный к Богу о нас предстателю.

Радуйся, Алексие, великий чудотворче и скорый помощниче.

Кондак 4

Бурю безместных помыслов, от диавола непрестанно воздвизаемую, до конца укротил еси и, радуяся о такове победе, торжественне Богу воспевал еси: Аллилуиа.

Икос 4

Слыша и видя премногую твою добродетель, пастыря тя Церкве Христовы избирает сословие православное, мы же, о сем веселящеся, глаголем ти:

Радуйся, достойно возседый на седалище апостольстем; радуйся, кормило корабля Христова.

Радуйся, мудрый наставниче; радуйся, звезде непрелестная, в руце Христовой содержимая.

Радуйся, в подвизе учительства неутомимый; радуйся, безвестных и тайных Премудрости Божия проповедниче.

Радуйся, нелицеприемный Истины поборниче; радуйся, безбожных и нечестивых устен обличителю и заградителю.

Радуйся, благовременне и безвременне в учении апостолу поревновавый; радуйся, властию, данною ти свыше, мудре и душеполезне человеки вязавый и решивый.

Радуйся, кающихся утешителю; радуйся, паствы твоея добрый хранителю.

Радуйся, Алексие, великий чудотворче и скорый помощниче.

Кондак 5

Боготочною Кровию искупившаго род человеческий от законныя клятвы верою зря Владыку и усердне к Нему любовию распалаемь, непрестанно возглашал еси: Аллилуиа.

Икос 5

Видев великий князь твое велие духа мужество и любовь к Отечеству твоему, умоли тя поити к безбожному царю Вердевиру: ты же абие шед благими и кроткими словесы зельный гнев его на род христианский утолил еси. Сия благодеяния твоя, отче наш Алексие, мы, сынове российстии, исповедующе, благодарне вопием ти:

Радуйся, мужественный Духа воине; радуйся, столпе крепости нашея от лица вражия.

Радуйся, оружие, без рати супостаты побеждающее; радуйся, щите, от напастей ограждающий.

Радуйся, яко кокош, птенцы своя охраняющий; радуйся, жезле, падающих подкрепляющий.

Радуйся, пастырю, волков от стада отгоняющий; радуйся, душу свою за овцы положити не отрекийся.

Радуйся, любве Христовы истый хранителю; радуйся, не яже своя, но яже ближняго взыскавый.

Радуйся, скорбящих скорое услышание; радуйся, печальми обуреваемым тихое пристанище.

Радуйся, Алексие, великий чудотворче и скорый помощниче.

Кондак 6

Проповедницы твоея святыни нам суть нетленныя твоя честныя мощи, чрез многа лета пред очами нашими лежащия, иже, аще и запечатанным сущим устом твоим молчанием, обаче вопиют непрестанно: Аллилуиа.

Икос 6

Возсия слава многих чудес твоих не токмо в преславнем граде сем, но и в неверных агарянех, отнюдуже нечестивый царь их Джанибек желаше, да помолишися о ослепшей царице его: ты убо, всю надежду возложив на Врача душ и телес, силою молитв твоих зрение той испросил еси. Мы же, удивльшеся таковому преславному чудеси, взываем ти:

Радуйся, угодное чудес Божиих орудие; радуйся, в скудельном сосуде сокровище силы Божия явивый.

Радуйся, предсказания евангельскаго исполнителю; радуйся, деснице чудотворения Иисусова.

Радуйся, язык Христов, словом исцеляяй; радуйся, апостольския силы сохранителю.

Радуйся, слепых просветителю; радуйся, немощных целебниче.

Радуйся, тайных провидче; радуйся, бесов от человек прогонителю.

Радуйся, силою чудес и невернаго царя Церковь почтити и возвеличити преклонивый; радуйся, не телесное токмо, но и душевное зрение подаваяй.

Радуйся, Алексие, великий чудотворче и скорый помощниче.

Кондак 7

Хотящу тебе благоугодити Творцу твоему, не седмый токмо день освящал еси, но всю седмицу жития твоего во святости провождал еси, воспевая Богу: Аллилуиа.

Икос 7

Новую тя показа тварь Зиждитель, всеблаженне Алексие, земна ангела и небесна человека. Темже чудящеся воспеваем ти:

Радуйся, отче наш, обитаяй духом в Небеси, а телом на земли опочиваяй; радуйся, дивная величия Божия всем поведаяй земнородным.

Радуйся, плоть духу покоривый; радуйся, пленивый разум свой в послушание веры.

Радуйся, рыкающаго адскаго льва уста заградивый; радуйся, огнь похоти плотския погасивый.

Радуйся, сребролюбия идол сокрушивый; радуйся, над всеми кознями вражиими восторжествовавый.

Радуйся, отвергийся себе и волю свою воле Божией покоривый; радуйся, питавыйся сокровенным хлебом Небесным.

Радуйся, алкавый и жаждавый единыя правды; радуйся, Царствие Божие внутрь себе вселивый.

Радуйся, Алексие, великий чудотворче и скорый помощниче.

Кондак 8

Странное чудо житие твое, святителю, является притекающим ко всечестным мощем твоим, при нихже и малое моление приносящим, велия всегда благодать от Бога подается, юже приемлюще, друг со другом радостно Богу возглашаем: Аллилуиа.

Икос 8

Весь ум свой имея в вышних вперен, и нижних, паству твою, не оставил еси, молитвы о ней возсылая ко Всевышнему Владыце, преподобне Алексие. Не забуди и ныне нас, приглашающих тебе усердне:

Радуйся, горо, добродетельми выше Небес вознесенная; радуйся, реко, скверны наша омывающая.

Радуйся, источниче, жажду греховную утоляяй; радуйся, каменю драгий, всю Российскую землю украшаяй.

Радуйся, злато, во вся концы блещание от себе испущающее; радуйся, сребро, седмерицею от скверн греховных очищенное.

Радуйся, кимвале, всех на славословие Божие созываяй; радуйся, светильниче, седящих во тьме озаряяй.

Радуйся, древо, от жара греховнаго осеняющее; радуйся, благотучная ветве лозы Христовы.

Радуйся, таинственнаго Тела здравый члене; радуйся, чадо славы Воскресения.

Радуйся, Алексие, великий чудотворче и скорый помощниче.

Кондак 9

Всякое безместных страстей востание благодатию Господнею до конца потребил еси в мертвенней плоти твоей, святителю Алексие! Темже и был еси яко древо, насажденное при исходищих вод, плод дая во время свое и поя Богу: Аллилуиа.

Икос 9

Вития многовещанныя превозшел еси духовною силою слова твоего, поведая людем дивная величия Божия и питая гладныя души хлебом с Небесе. Мы же, таковая сердцем объемлюще, благодарне тебе зовем:

Радуйся, кедре, в Церкви Христове, яко в Ливане, умноженный; радуйся, яко финикс, в дому Божием процветый.

Радуйся, кипарисе, верных сердца благовонием исполняяй; радуйся, винограде, сладкое благочестия вино нам источаяй.

Радуйся, крине, горняя поля украшаяй; радуйся, смоковнице благоплодная.

Радуйся, пшенице, чистым хлебом гладныя питающая; радуйся, маслино, елей милости изливающая.

Радуйся, цвете, от корене Христова процветый; радуйся, сладкое вино, в точиле Иисусовом изгнетенное.

Радуйся, безсмертным питием днесь напаеваемый; радуйся, и нам трапезу Небесную уготовляяй.

Радуйся, Алексие, великий чудотворче и скорый помощниче.

Кондак 10

Спасти хотя вверенныя ти люди, закон и Евангелие по вся дни проповедал еси: да, познавше многая своя прегрешения, прибегают с молением непрестанно ко Христу, Спасителю мира, от Негоже приемлющих прощение, научал еси их пети: Аллилуиа.

Икос 10

Стена еси, всеблаженне Алексие, Горняго Иерусалима, от десяти заповедей, яко от десяти велиих камений, Духом Святым устроенная! Имел бо еси закон Господень посреде чрева твоего, темже и глаголем ти:

Радуйся, Единаго Бога и Егоже послал есть Иисуса Христа познавый; радуйся, яко не поклонился еси кумиру временнаго благополучия.

Радуйся, яко николиже приял еси имене Господа Бога твоего всуе; радуйся, от юности всяк час жития твоего Богови посвятивый.

Радуйся, яко всех, иже отцы и матери наричутся, почтил еси; радуйся, до конца гнев на ближняго в сердце твоем истребивый.

Радуйся, похоти плотския постом и трудами от себе прогнавый; радуйся, руце свои от лихоимания и хищения всегда удержавый.

Радуйся, уста твоя от осуждения и клеветы обуздавый; радуйся, сердце твое от зависти и ненависти очистивый.

Радуйся, удаливыйся от надмения фарисейскаго; радуйся, истый образе мытарева смирения.

Радуйся, Алексие, великий чудотворче и скорый помощниче.

Кондак 11

Пение ангельское совершашеся, егда святая твоя душа от земных преставляшеся к Небесным, ихже един лик по Едином взываше: Аллилуиа.

Икос 11

Многосветлыми лучами блистает житие твое, отче Алексие! Отнюдуже многим ликом праведных духов сопричастна тя видяще, вопием ти:

Радуйся, пророче, волю Господню нам открывый; радуйся, апостоле, Евангелие Царствия Божия кающимся благовестивый.

Радуйся, пастырю, о славе Божией ревновавый; радуйся, мучениче, изволением душу свою за паству положивый.

Радуйся, постниче, вземший крест свой на рамо и тесным путем вслед за Христом шедый; радуйся, священниче, Безкровную Жертву о людех приносивый.

Радуйся, Херувиме, на немже опочи Господь Славы; радуйся, шестокрилатый Серафиме, вопияй непрестанно Трисвятую песнь Господу Саваофу.

Радуйся, девственниче ангелоподобный; радуйся, многи обители на славословие Божие устроивый.

Радуйся, друга Божия Преподобнаго Сергия присный друже; радуйся, яко егоже желал еси зде зрети преемником своим, того зриши днесь тамо вкупе с тобою Престолу Божию предстояща.

Радуйся, Алексие, великий чудотворче и скорый помощниче.

Кондак 12

Благодать, яже бысть Иисус Христос, твоими пречистыми усты граду сему всегда бысть проповедана. Отнюдуже вси, Христу поклоняющеся, пояху: Аллилуиа.

Икос 12

Поюще велия твоя, Алексие досточудне, исправления и подвиги, недоумеем воистину, како наречем тя; от всех бо благих дел, яко град красен, себе Творцу устроил еси. Темже взываем ти:

Радуйся, Адамово падение благодатию Христовою в себе исправивый; радуйся, по изгнании из земнаго рая Небесный рай улучивый.

Радуйся, Авелю, Кровию Христовою окропленный; радуйся, новый Енох, угодивый Господеви.

Радуйся, Илие, огненною добродетелей колесницею вознесенный; радуйся, Елисее, сугубую благодать восприявый.

Радуйся, Ное, от потопа беззаконий благодатию Христовою, яко ковчегом древ негниющих, спасшийся; радуйся, Аврааме, не сына, но себе самаго в жертву Богу принесший.

Радуйся, Исаие, на Престоле высоце и превознесенне лицем к лицу Господа зрящий; радуйся, Израилю, молитвою укрепивыйся с Богом и благословение вечное от Него приемый.

Радуйся, Самуиле, царем благословение подаваяй; радуйся, наследниче Божий и сонаследниче Христов.

Радуйся, Алексие, великий чудотворче и скорый помощниче.

Кондак 13

О, пастырю наш предобрый и светильниче многосветлый, всечестне Алексие! Приими сие малое тебе хваление наше и испроси нам у Христа Бога утверждение в вере, еже ходити во всех заповедех и оправданиих Господних безпорочно, Отечеству же нашему мир и благоденствие, да сподобимся вечно в радости блаженней воспевати Богу: Аллилуиа.

Этот кондак читается трижды, затем 1-й икос «Ангеле, от земли...» и 1-й кондак «Избранный архиерею...».

Молитва

О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Алексие! Предстоя у Престола всех Царя и наслаждаяся Света Единосущныя Троицы и херувимски со Ангелы возглашая песнь Трисвятую, велико и неизследованное дерзновение имея ко Всемилостивому Владыце, молися паствы твоея спасти люди, единородный ти язык, благостояние святых церквей утверди, архиереи благолепием святительства украси, монашествующих к подвигом добраго течения укрепи: град сей (или: весь сию: аще во обители: святую обитель сию) и вся грады и страны добре сохрани и веру святую непорочну соблюсти умоли: мир весь умири, от глада и пагубы избави ны и от нападения иноплеменных сохрани нас: старыя утеши, юныя накажи, безумныя умудри, вдовицы помилуй, сироты заступи, младенцы возрасти, немощствующия исцели и везде тепле призывающих тя и с верою притекающих к раце честных и многоцелебных мощей твоих, усердно припадающих и молящих ти ся, от всяких напастей и бед ходатайством твоим свободи, да зовем ти: о, Богоизбранный пастырю, звездо всесветлая мысленныя тверди, тайнаго Сиона необоримый столпе, миродохновенный цвете райский, всезлатая уста Слова, Московская похвало, всея России украшение! Моли о нас Всещедраго и Человеколюбиваго Христа Бога нашего, да в день страшнаго Пришествия Его шуияго стояния избавит нас и радости святых причастники сотворит, со всеми святыми во веки. Аминь.